China Coronavirus: ચીનમાં 'કોરોના વિસ્ફોટ', એક દિવસમાં નોંધાયા રેકોર્ડ 32 હજારથી વધુ કેસ
ચીનમાં કોરોનાવાયરસના વધતા જતા કેસોને ધ્યાનમાં રાખીને લોકડાઉનનો સમયગાળો વધારવામાં આવ્યો છે
China Coronavirus: ચીનમાં કોરોનાવાયરસના વધતા જતા કેસોને ધ્યાનમાં રાખીને લોકડાઉનનો સમયગાળો વધારવામાં આવ્યો છે. દરરોજ નોંધાયેલા કેસોની સંખ્યા 30 હજારને પાર થઈ રહી છે. નેશનલ બ્યુરો ઓફ હેલ્થ અનુસાર છેલ્લા 24 કલાકમાં દેશમાં 32 હજાર 943 નવા કેસ નોંધાયા છે, જે અત્યાર સુધીનો સૌથી વધુ છે. ચીનમાં 20 નવેમ્બર સુધી આ કેસ 26 હજાર સુધી હતા.
#BREAKING China orders Covid lockdown in Zhengzhou after violent protests pic.twitter.com/v44GTshbic
— AFP News Agency (@AFP) November 24, 2022
બેઇજિંગની દક્ષિણે આવેલા શહેર શિજિયાઝુઆંગમાં 3,197 નવા કોરોના વાયરસ કેસ નોંધાયા છે, જે ગઈકાલથી 303% વધારે છે. બેઇજિંગમાં છેલ્લા છ મહિનામાં કોરોનાથી ત્રણ મૃત્યુ નોંધાયા છે. બેઇજિંગમાં લોકડાઉન હેઠળ વહીવટીતંત્રે કડક નિયંત્રણો લાદ્યા છે. પાર્કથી લઈને ઓફિસ બિલ્ડિંગ સુધીના શોપિંગ મોલને બંધ કરવાનો આદેશ આપવામાં આવ્યો છે. બેઇજિંગના સૌથી વધુ વસ્તી ધરાવતા જિલ્લામાં સંપૂર્ણ લોકડાઉન લાદવામાં આવ્યું છે. ચીનમાં આ નવા કેસ વધતા જોઈને પ્રશાસને કડક કોવિડ નીતિ લાગુ કરી છે. ચીન લોકડાઉનથી લઈને ટેસ્ટિંગ અને મુસાફરી પર પ્રતિબંધો પર સતત કામ કરી રહ્યું છે.
આ વિસ્તારના લોકો દોઢ મહિનાથી લોકડાઉનમાં છે
ચીનના પ્રશાસને ઝેંગઝોઉ અને તેની આસપાસના 8 જિલ્લાઓમાં 66 લાખ લોકોને લોકડાઉનમાં કેદ કર્યા છે. વહીવટીતંત્રના આ આદેશ પહેલા આ વિસ્તારની 2 લાખની વસ્તી લગભગ દોઢ મહિના સુધી લોકડાઉન હેઠળ હતી. હવે શુક્રવારે નવો આદેશ આપવામાં આવ્યો છે.
મોરબી પૂલ દુર્ઘટનાને લઈ હાઈકોર્ટે સરકારને પૂછ્યા આકરા સવાલો, કહ્યું-10 લાખ વળતર ચૂકવવું જોઈએ
અમદાવાદ: મોરબીપૂલ દુર્ઘટનાને લઈને હાઇકોર્ટેમાં જાહેર હિતની અરજી પર સુનાવણી થઇ હતી. મોરબી પૂલ દુર્ઘટનામાં સરકારે જાહેર કરેલી સહાય રકમથી ગુજરાત હાઈકોર્ટ નારાજ થઈ છે અને જણાવ્યું છે કે ઘરમાં એકમાત્ર કમાનાર અને મોતને ભેટનાર યુવકોના પરિવારને 4 લાખ નહીં 10 લાખનું વળતર ચુકવવું જોઈએ. હવે આ કેસમાં 12 ડિસેમ્બરે વધુ સુનાવણી હાથ ધરાશે. હાઈકોર્ટે નોંધ્યું છે કે, 30 થી 40 વર્ષના ઘણા લોકોએ જીવ ગુમાવ્યા. ગુજરાત હાઈકોર્ટે કહ્યું, મૃતકોને 4 લાખનું વળતર પૂરતું નથી. અમને સંતોષ નથી. કોર્ટે પ્રાથમિક રીતે કહ્યું, સરકારે ઓછામાં ઓછું 10 લાખ વળતર ચૂકવવું જોઈએ. કોર્ટે પૂછ્યું, મૃતકોની જ્ઞાતિ જાતિ લખવાની શું જરૂર છે ? તમામ મૃતકો સમાન રીતે જ ગણાય.
10 લાખ વળતર ચૂકવવું જોઈએ
કોર્ટે પ્રાથમિક રીતે કહ્યું, સરકારે ઓછામાં ઓછું 10 લાખ વળતર ચૂકવવું જોઈએ. કોર્ટે પૂછ્યું મૃતકોની જ્ઞાતિ જાતિ લખવાની શું જરૂર છે? તમામ મૃતકો સમાન રીતે જ ગણાય. માતા અને પિતા બંને ગુજરી ગયા હોય એવા બાળકોને પ્રતિ મહિને 3 હજારનું વળતર સરકાર ચૂકવશે. કોર્ટે કહ્યું, 3000 રુપિયામાં બાળકના સ્કૂલના યુનિફોર્મ અને પુસ્તકો પણ નહિ આવે. આ વળતર પૂરતું નથી.
મોરબીના રાજવી પરિવારે તમામ મૃતકોને 1 લાખ વળતર ચૂકવ્યું છે. માતા પિતા બંને ગુજરી ગયા હોય એવા કુલ 7 બાળકો, જેમને મુખ્યમંત્રી રાહત કોષ, પ્રધાનમંત્રી રાહત કોષ અને ખાનગી દાતાઓ થકી મળેલા દાનમાં પ્રતિ બાળકને 37 લાખ રૂપિયા ચૂકવાશે. આમાં અદાણી ફાઉન્ડેશન તરફથી પ્રતિ બાળક 25 લાખ અપાયા છે.
ટ્રેન્ડિંગ સમાચાર
ટોપ સ્ટોરી
