Corona Update: અમેરિકામાં સતત બીજા દિવસે ત્રણ હજાર મોતથી ફફડાટ, ડિસેમ્બરથી 13મી વખત નોંધાયા 2 લાખથી વધુ કેસ

કોરોનાની સૌથી વધારે અસર અમેરિકામાં જોવા મળી રહી છે. મહાસત્તામાં વેક્સિનની પ્રક્રિયા હાથ ધરવામાં આવી હોવા છતાં સંક્રમણના મામલા વધી રહ્યા છે.

વોશિંગ્ટનઃ છેલ્લા 24 કલાકમાં સમગ્ર વિશ્વમાં 7.09 લાખ નવા મામલા સામે આવ્યા છે અને 12,519 લોકોના મોત થયા છે. દુનિયામાં સતત બીજા દિવસે  સાતથી વધારે કેસ નોંધાયા છે. વિશ્વભરમાં કોરના સંક્રમિતોની સંખ્યા સાત કરોડ 52 લાખને પાર થઈ ગઈ છે. કોરોના વાયરસની ઝપેટમાં આવીને અત્યાર સુધીમાં 16 લાખ 67 હજારથી વધુ લોકોના મોત થયા છે. 5 કરોડ 28 લાખ લોકો કોરોનાને મ્હાત આપી ચુક્યા છે. કોરોનાની સૌથી વધારે અસર અમેરિકામાં જોવા મળી રહી છે. મહાસત્તામાં  વેક્સિનની પ્રક્રિયા હાથ ધરવામાં આવી હોવા છતાં સંક્રમણના મામલા વધી રહ્યા છે. 3 નવેમ્બર બાદથી દરરોજના એક લાખથી વધારે કેસ નોંધાઈ રહ્યા છે. આ મહિને 13મી વખત બે લાખથી વધારે કેસ નોંધાયા છે. છેલ્લા 24 કલાકમાં 2.25 લાખ નવા કોરોના કેસ આવ્યા અને 3,021 સંક્રમિતોએ જીવ ગુમાવ્યો હતો. અમેરિકામાં કોરોના વાયરસથી સંક્રમિતોની સંખ્યા વધીને 1 કરોડ 76 લાખને પાર કરી ગઈ છે. જેમાંથી 3 લાખ 17 હજાર લોકોના મોત થયા છે. હાલ અહીં 70 લાખ જેટલા એક્ટિવ કેસ છે. વર્લ્ડોમીટર મુજબ કોરોનાથી બીજા સૌથી વધારે પ્રભાવિત દેશ ભારત છે. પણ અહીં સંક્રમણ કાબુમાં આવી રહ્યું છે. 2021માં શનિની ચાલમાં નહીં પડે કોઇ ફરક, સાડાસાતી અને ઢૈયા પર શું પડશે અસર, જાણો