ઇન્ડોનેશિયામાં ભયાનક જહાજ દુર્ઘટના: આગ લાગતા 300થી વધુ મુસાફરો જીવ બચાવવા દરિયામાં કૂદ્યા; જુઓ ભયાનક વીડિયો
KM બાર્સેલોના VA જહાજમાં આગનું કારણ અકબંધ, માછીમારોએ અનેક લોકોના જીવ બચાવ્યા; જાનહાનિની પુષ્ટિ નથી.
Indonesia ferry fire video: ઇન્ડોનેશિયામાં એક મોટી અને ભયાવહ દુર્ઘટના બની છે. ઉત્તર સુલાવેસીમાં તાલિસ ટાપુ નજીક KM બાર્સેલોના VA નામના એક પેસેન્જર જહાજમાં અચાનક ભીષણ આગ લાગી હતી. આ આગ એટલી વિકરાળ હતી કે જહાજમાં સવાર 280 થી વધુ મુસાફરો, જેમાં ઘણા બાળકો પણ શામેલ હતા, તેમણે પોતાનો જીવ બચાવવા માટે જીવના જોખમે ઉછળતા દરિયામાં કૂદી પડ્યા હતા. આ સમગ્ર ભયાનક દ્રશ્ય ઘણા મુસાફરોએ પોતાના ફોનમાં કેદ કર્યું છે, જેના ફૂટેજ હવે સોશિયલ મીડિયા પર વાયરલ થઈ રહ્યા છે.
આગનો ભયાનક દ્રશ્ય અને મુસાફરોની સ્થિતિ
વાયરલ થયેલા ફૂટેજમાં સ્પષ્ટપણે જોઈ શકાય છે કે જહાજ પર આગ લાગ્યા બાદ ગભરાયેલા મુસાફરો પોતાનો જીવ બચાવવા માટે દરિયામાં કૂદી રહ્યા છે. આમાંથી મોટાભાગના લોકોએ લાઇફ સેફ્ટી જેકેટ પહેર્યા હતા, પરંતુ કેટલાક મુસાફરો જેકેટ વિના જ દરિયામાં ઝંપલાવતા જોવા મળ્યા હતા. આગથી લગભગ 10 થી 15 મીટર દૂર તરીને ગયેલી એક મહિલા દ્વારા ફિલ્માવવામાં આવેલા વીડિયોમાં, બોટ પર સવાર લોકોની હતાશા અને જીવ બચાવવા માટેની ફાંફાં સ્પષ્ટપણે દેખાઈ આવે છે. આખા જહાજમાંથી કાળો ધુમાડો આકાશમાં ઉછળતો જોવા મળી રહ્યો છે અને લોકો મદદ માટે ચીસો પાડી રહ્યા છે.
#BREAKING
— Nabila Jamal (@nabilajamal_) July 20, 2025
Passengers jump overboard as massive fire engulfs ferry in Indonesia
Terrifying scenes from Indonesia after a fire broke out on the KM Barcelona VA passenger ship near Talise Island, North Sulawesi
Over 280 people onboard, panic-stricken passengers some with children… pic.twitter.com/wwKOHlAz6z
બચાવ કામગીરી અને માછીમારોની મદદ
આ ઘટનાની જાણ થતા જ ઇન્ડોનેશિયન શોધ અને બચાવ ટીમોએ મોટા પાયે સ્થળાંતર અને બચાવ પ્રયાસો શરૂ કર્યા હતા. આ ભયાનક દ્રશ્ય જોઈને, નજીકના ટેલિસ ટાપુ પરથી પસાર થઈ રહેલી ઘણી માછીમારી બોટોએ માનવતાનું ઉત્તમ ઉદાહરણ પૂરું પાડ્યું હતું. આ માછીમારોએ પાણીમાંથી કેટલાક બચી ગયેલા લોકોને બચાવ્યા અને તેમને પોતાની બોટમાં સવાર કરીને કિનારે સુરક્ષિત રીતે પહોંચાડ્યા.
હાલમાં, જહાજમાં આગ લાગવાનું ચોક્કસ કારણ જાણી શકાયું નથી. સત્તાવાળાઓ દ્વારા હજુ સુધી કોઈ જાનહાનિની પુષ્ટિ કરવામાં આવી નથી, પરંતુ આ ઘટનાએ ઇન્ડોનેશિયામાં દરિયાઈ સુરક્ષા અંગે ગંભીર સવાલો ઉભા કર્યા છે. આ મામલે વધુ તપાસ ચાલી રહી છે.
ટોપ સ્ટોરી
ટ્રેન્ડિંગ સમાચાર
