NASAની મોટી જાહેરાત... ફેબ્રુઆરીમાં SpaceXના ડ્રેગન સ્પેસક્રાફ્ટથી પૃથ્વી પર પરત આવશે સુનીતા વિલિયમ્સ

NASA એ જાહેરાત કરી છે કે તે સુનીતા વિલિયમ્સને સ્પેસ સ્ટેશનથી ફેબ્રુઆરીમાં પૃથ્વી પર લાવશે. આ માટે તે SpaceXના ડ્રેગન ક્રૂ કેપ્સ્યૂલની મદદ લેશે.

સુનિતા વિલિયમ્સ

Source : PTI

NASA Sunita Williams mission: સુનીતા વિલિયમ્સ પૃથ્વી પર SpaceXના ડ્રેગન ક્રૂ કેપ્સ્યૂલ દ્વારા આવતા વર્ષે ફેબ્રુઆરીમાં પાછા ફરશે. આ વાતની જાહેરાત અમેરિકી અવકાશ એજન્સી NASA એ કરી દીધી છે. નાસાના પ્રમુખ બિલ નેલ્સને કહ્યું કે આ બંને અવકાશયાત્રીઓ સુરક્ષિત રીતે Crew 9 સાથે પૃથ્વી પર પાછા ફરશે.

"NASA has decided that Butch and Suni will return with Crew-9 next February."@SenBillNelson and agency experts are discussing today's decision on NASA's Boeing Crew Flight Test. Watch live with us: https://t.co/M2ODFmLuTj pic.twitter.com/J2qvwOW4mU

— NASA (@NASA) August 24, 2024

5 જુલાઈ 2024... જ્યારે એક ખરાબ કેપ્સ્યૂલ અથવા સ્પેસક્રાફ્ટથી કોઈક રીતે ઇન્ટરનેશનલ સ્પેસ સ્ટેશન (ISS) પહોંચ્યા સુનીતા વિલિયમ્સ અને બેરી બુચ વિલમોર. આઠ દિવસ રોકાવાનો પ્લાન હતો. પરંતુ બોઈંગના સ્ટારલાઈનર કેપ્સ્યૂલ, જેનાથી ઉપર ગયા હતા, તે જ ખરાબ થઈ ગયું. હવે યાત્રા 8 મહિનામાં બદલાઈ ચૂકી છે. હવે આ બંને આવતા વર્ષે ફેબ્રુઆરીમાં નીચે આવશે.

નોંધનીય છે કે, હેલ્થ એક્સપર્ટ્સ મુજબ મહિનાઓ સુધી સ્પેસમાં રહેવાને કારણે એસ્ટ્રોનૉટ્સના DNAનું જોખમ પેદા થઈ શકે છે. ખરેખર, સ્પેસમાં રહેવા દરમિયાન માનવ શરીરમાં એવા ઘણા બદલાવો આવે છે, જેનાથી સ્વાસ્થ્યને ઘણું નુકસાન પહોંચી શકે છે. ચાલો જાણીએ કે સ્પેસમાં રહેવા દરમિયાન સુનીતા વિલિયમ્સને સ્વાસ્થ્યથી જોડાયેલા કયા નુકસાન પહોંચી શકે છે.

DNAને થઈ શકે છે નુકસાન

એક્સપર્ટ અનુસાર, કોસ્મિક રેડિએશન ઘણી ઊંચી એનર્જીના કણોથી બનેલા હોય છે, જેના સંપર્કમાં આવવાથી DNA સ્ટ્રેન્ડ્સ તૂટી જાય છે અને તેમાં બદલાવ થવા લાગે છે. આના કારણે જેનેટિક અસમાનતાઓ પણ થઈ શકે છે. આ અંતરિક્ષ યાત્રીઓના સ્વાસ્થ્યથી જોડાયેલા સૌથી મોટા મુદ્દાઓમાંથી એક છે. જોકે, નાસા રેડિએશનના લેવલ પર નજર રાખે છે, પરંતુ સુનીતા વિલિયમ્સના કિસ્સામાં આ વધુ જોખમકારક એટલા માટે છે, કારણ કે તેમને ઘણા સમય સુધી આના સંપર્કમાં રહેવું પડી શકે છે. જેના કારણે તેમના માનસિક સ્વાસ્થ્ય પર પણ ખરાબ અસર થઈ શકે છે.

આ બીમારીઓનું પણ જોખમ

સ્પેસમાં લાંબા સમય સુધી રહેવાને કારણે શરીરના પ્રવાહીઓમાં પણ બદલાવ થઈ શકે છે. જેના કારણે સ્પેસમાં પૃથ્વીની તુલનામાં વધુ રેડ બ્લડ સેલ્સ નષ્ટ થાય છે. આ ઉપરાંત સ્પેસ રેડિએશનને કારણે થતો ઓક્સિડેટિવ સ્ટ્રેસ પણ રેડ બ્લડ સેલ્સને નુકસાન પહોંચાડી શકે છે.

વળી સ્પેસમાં લાંબા સમય સુધી રહેવાને કારણે માઇક્રોગ્રેવિટીમાં હૃદય પણ યોગ્ય રીતે કામ કરી શકતું નથી, આના કારણે હૃદયના બંધારણમાં પણ બદલાવ આવી જાય છે. સાથે જ સ્પેસના રેડિએશનના એક્સપોઝરને કારણે કેન્સર થવાનું જોખમ વધી જાય છે. તમને જાણીને નવાઈ લાગશે કે સ્પેસથી પાછા ફર્યા બાદ ઘણા અંતરિક્ષ યાત્રીઓને આંખોની દૃષ્ટિથી જોડાયેલી સમસ્યાઓ પણ સામે આવી છે.

આ પણ વાંચોઃ