Nigeria Clash: Nigeria માં ભડકી સાંપ્રદાયિક હિંસા, બે જૂથોની અથડામણમાં 30 લોકોના મોત
આ લોહિયાળ અથડામણમાં 30થી વધુ લોકો માર્યા ગયા છે. એક સ્થાનિક અધિકારીએ આ જાણકારી આપી હતી.
Nigeria Clash: મંગળવારે (16 મે) મધ્ય નાઇજિરિયામાં પશુપાલકો અને ખેડૂતો વચ્ચે લોહિયાળ અથડામણ થઈ હતી. આ લોહિયાળ અથડામણમાં 30થી વધુ લોકો માર્યા ગયા છે. એક સ્થાનિક અધિકારીએ આ જાણકારી આપી હતી.
#BREAKING At least 30 people killed in clashes in central Nigeria: govt pic.twitter.com/nKZzvmJ0b1
— AFP News Agency (@AFP) May 16, 2023
નાઇજિરિયામાં મોટાભાગના મુસ્લિમ નોર્થ ક્ષેત્રમાં રહે છે, જ્યારે ખ્રિસ્તીઓ દક્ષિણમાં રહે છે. આ બે સમુદાયો વચ્ચે વિભાજનને લઈને અવારનવાર ઝઘડો થાય છે. અહીંના લોકો વર્ષોથી જાતિ અને ધાર્મિક હિંસા સામે લડી રહ્યા છે.
હિંસા મંગુ જિલ્લાના બવોઈમાં થઈ હતી
સેન્ટ્રલ નાઇજિરિયાના માહિતી અને સંચાર કમિશનર ડેન મંજાંગેએ એએફપીને જણાવ્યું હતું કે 30 લોકોના મોત થયા છે અને ઘણા લોકો ઘાયલ થયા છે. તેમણે કહ્યું કે પશુપાલકો અને ખેડૂતો વચ્ચે અથડામણ થઇ હતી. જેમાં પશુપાલકો મુસ્લિમ હતા અને ખેડૂતો ખ્રિસ્તી ધર્મના હતા.
પોલીસે જણાવ્યું હતું કે હિંસા મંગુ જિલ્લાના બવોઈના અલગ-અલગ ગામોમાં થઈ હતી. સેન્ટ્રલ નાઈજીરિયા પોલીસના પ્રવક્તા અલ્ફ્રેડ અલાબોએ જણાવ્યું કે અમને દિવસ દરમિયાન અંદાજે 11:56 મિનિટે ઈમરજન્સી કોલ મળ્યો, જેમાં અમને જાણ કરવામાં આવી કે ફાયરિંગ થયું છે.
હિંસા માટે પશુપાલકોને જવાબદાર ઠેરવાયા
ઘટના બાદ આ વિસ્તારમાં સુરક્ષા અધિકારીઓ તૈનાત કરવામાં આવ્યા છે અને જે વિસ્તારમાં ટોળાં છે ત્યાં 24 કલાકનો કર્ફ્યુ લાદવામાં આવ્યો છે. ઉત્તર પશ્ચિમ અને મધ્ય નાઇજિરીયામાં હત્યા, સામૂહિક અપહરણ અને લૂંટની ઘટનાઓ વારંવાર બને છે.
અહીં ભારે હથિયારોથી સજ્જ ટોળકી અવારનવાર ગામડાઓને લૂંટવાનું કામ કરે છે. આ વર્ષે એપ્રિલમાં પાડોશી બેન્યૂ રાજ્યના એક ગામ પર કેટલાક બંદૂકધારીઓએ હુમલો કર્યો ત્યારે લગભગ 50 લોકો માર્યા ગયા હતા. સ્થાનિક અધિકારીઓએ હિંસા પાછળ પશુપાલકોને દોષી ઠેરવ્યા હતા જેમના પર ખેડૂતોએ તેમના ઢોરને વારંવાર તેમના ખેતરોનો નાશ કરવાનો આરોપ લગાવ્યો હતો.
New Zealand Hostel Fire: હોસ્ટેલમાં લાગી ભીષણ આગ, 10 લોકોના મોત
New Zealand Hostel Fire: ન્યુઝીલેન્ડના વેલિંગ્ટનમાં ચાર માળની હોસ્ટેલમાં આગ લાગી હતી. આ અકસ્માતમાં ઓછામાં ઓછા 10 લોકોના મોત થયા છે. આગના સમાચાર મળતાં જ રેસ્ક્યુ ટીમ અને ફાયર ફાયટરની ટીમ ઘટનાસ્થળે પહોંચી આગ ઓલવવાનું કામ શરૂ કર્યું હતું. દરમિયાન રેસ્ક્યુ ટીમે કાટમાળમાંથી લોકોને શોધવાનું શરૂ કર્યું હતું.
ન્યુઝીલેન્ડ હેરાલ્ડના અહેવાલ મુજબ, આગ લગભગ રાતભર ચાલુ રહી, જેમાં 10 લોકોના મોત થયાના અહેવાલ છે. આ દરમિયાન દેશના વડાપ્રધાન ક્રિસ હિપકિન્સે એએમ મોર્નિંગ ન્યૂઝના કાર્યક્રમમાં જણાવ્યું કે તેમના અનુસાર 6 લોકોના મોતની પુષ્ટિ થઈ છે અને આંકડો હજુ પણ વધી શકે છે.
ચાર માળની લોફર્સ લોજ હોસ્ટેલમાં આગ લાગી
ન્યુઝીલેન્ડના વેલિંગ્ટનમાં ચાર માળની લોફર્સ લોજ હોસ્ટેલમાં બપોરે 12:30 વાગ્યે આગ લાગી હતી. લોફર્સ લોજ હોસ્ટેલના ત્રીજા માળે આગ લાગી હતી. ન્યુઝીલેન્ડ હેરાલ્ડના એક અહેવાલ મુજબ અધિકારીઓએ પુષ્ટિ કરી કે ઈમારતમાં કોઈ સ્પ્રિંકલર સિસ્ટમ નથી. આ અકસ્માતમાં ઓછામાં ઓછા 20 લોકો લાપતા હોવાના અહેવાલ છે
ટ્રેન્ડિંગ સમાચાર
ટોપ સ્ટોરી
