US election 2024: ભારતવંશી કમલા હેરિસ જ નહી ડેમોક્રેટના આ નેતાઓ પણ છે રાષ્ટ્રપતિ પદના ઉમેદવારોની રેસમા
જોકે, ઉપરાષ્ટ્રપતિ કમલા હેરિસ સિવાય અન્ય ઘણા નામો પર પણ ચર્ચા શરૂ ગઈ છે. આમાં એક નામ છે કેલિફોર્નિયાના ગવર્નર ગેવિન ન્યૂસમનું છે.
અમેરિકાના રાષ્ટ્રપતિ જો બાઇડને રવિવારે ડેમોક્રેટિક ઉમેદવાર તરીકે પોતાનું નામ પાછું ખેંચી લીધું છે. આ સાથે તેમણે ઉમેદવાર તરીકે ભારતીય મૂળના કમલા હેરિસના નામાંકનને સમર્થન આપ્યું છે. આવી સ્થિતિમાં કમલા હેરિસ રાષ્ટ્રપતિ પદના ઉમેદવારની રેસમાં ડેમોક્રેટ્સની પ્રથમ પસંદગી બની શકે છે. કારણ કે તેમણે ઉપરાષ્ટ્રપતિ તરીકે પણ પોતાની ક્ષમતા સાબિત કરી છે.
જોકે, ઉપરાષ્ટ્રપતિ કમલા હેરિસ સિવાય અન્ય ઘણા નામો પર પણ ચર્ચા શરૂ ગઈ છે. આમાં એક નામ છે કેલિફોર્નિયાના ગવર્નર ગેવિન ન્યૂસમનું. આ સિવાય ઇલિનોઇસના ગવર્નર જેબી પ્રિત્ઝકર પણ આ રેસમાં સામેલ થઈ શકે છે.
અભિનેતા જ્યોર્જ ક્લુનીએ ટેકો આપ્યો હતો
સંભવિત ઉમેદવાર તરીકે જેબી પ્રિત્ઝકરનું નામ પણ સામે આવ્યું છે. હાલમાં તેઓ અમેરિકાના સૌથી ધનિક ચૂંટાયેલા ગવર્નર છે. જોકે, પ્રિત્ઝકરે અગાઉ કહ્યું હતું કે તેઓ રાષ્ટ્રપતિ પદ માટે કમલા હેરિસને સમર્થન આપશે. અભિનેતા જ્યોર્જ ક્લુનીએ પણ તેમને સમર્થન આપ્યું છે
આ ગવર્નરોના નામ પર પણ ચર્ચામાં છે
ટ્રમ્પ સામે ડેમોક્રેટિક ઉમેદવાર તરીકે મિશિગનના ગવર્નર ગ્રેચેન વ્હિટમરના નામ પર પણ અટકળો ચાલી રહી છે. પેન્સિલવેનિયાના ગવર્નર જોશ શાપિરોને પણ ઉમેદવાર તરીકે રેસમાં સામેલ છે. આ સિવાય કેન્ટકીના ગવર્નર એન્ડી બેશર, મેરીલેન્ડના ગવર્નર વેસ મૂર, મિનેસોટાના ગવર્નર ટિમ વાલ્ઝ પણ રેસમાં સામેલ છે .
અમેરિકનોને બાઇડનનો સંદેશ
નોંધનીય છે કે બાઇડને સોશિયલ મીડિયા પર એક પોસ્ટમાં અમેરિકનોને સંદેશ આપતા કહ્યું કે તમારા રાષ્ટ્રપતિ તરીકે સેવા આપવી એ મારા જીવનનું સૌથી મોટું સન્માન છે. ફરી ચૂંટણી લડવાનો મારો ઇરાદો છે, પરંતુ હું માનું છું કે હું રેસમાંથી હટી જાઉં તે મારી પાર્ટી અને દેશના હિતમાં છે.
રાષ્ટ્રપતિ બાઇડને એક એક્સ પોસ્ટમાં કહ્યું હતું કે "મારા સાથી ડેમોક્રેટ્સ, મેં નામાંકન ન સ્વીકારવાનો અને મારી બાકીની મુદત માટે રાષ્ટ્રપતિ તરીકેની મારી ફરજો પર ધ્યાન કેન્દ્રિત કરવાનો નિર્ણય કર્યો છે," 2020માં પાર્ટીના ઉમેદવાર તરીકે મારો પ્રથમ નિર્ણય કમલાને મારા ઉપરાષ્ટ્રપતિ પસંદ કરવાનો હતો અને તે મેં લીધેલો અત્યાર સુધીનો સૌથી શ્રેષ્ઠ નિર્ણય રહ્યો છે."
બાઇડને કહ્યું હતું કે "આજે હું કમલાને આ વર્ષે આપણી પાર્ટીની ઉમેદવાર બનવા માટે મારું સંપૂર્ણ સમર્થન આપવા માંગુ છું. ડેમોક્રેટ્સ - હવે એક સાથે મળીને ટ્રમ્પને હરાવવાનો સમય આવી ગયો છે."
ટોપ સ્ટોરી
ટ્રેન્ડિંગ સમાચાર
