US Election Results 2024: PM મોદીએ ડોનાલ્ડ ટ્રમ્પને આપ્યા અભિનંદન, કહ્યુ- 'મારા મિત્રને ઐતિહાસિક જીતની શુભકામનાઓ'
US Presidential Election 2024 : ડેમોક્રેટિક ઉમેદવાર કમલા હેરિસ અને રિપબ્લિકન પાર્ટીના નેતા અને પૂર્વ રાષ્ટ્રપતિ ડોનાલ્ડ ટ્રમ્પ વચ્ચે જોરદાર ટક્કર જોવા મળી રહી છે
LIVE
Background
US Presidential Election 2024: અમેરિકામાં રાષ્ટ્રપતિની ચૂંટણી માટે મંગળવારથી મતદાન શરૂ થયું છે. ડેમોક્રેટિક ઉમેદવાર કમલા હેરિસ અને રિપબ્લિકન પાર્ટીના નેતા અને પૂર્વ રાષ્ટ્રપતિ ડોનાલ્ડ ટ્રમ્પ વચ્ચે જોરદાર ટક્કર જોવા મળી રહી છે. અમેરિકાના રાષ્ટ્રપતિની ચૂંટણી પર નેવાડાના એક્ઝિટ પોલના પરિણામો જાહેર કરાયા છે.
રિપબ્લિકન ડોનાલ્ડ ટ્રમ્પે મંગળવારે ઇન્ડિયાનામાં પ્રમુખપદની ચૂંટણી જીતી હતી, જ્યાં રિપબ્લિકન્સે 20 વર્ષથી ગવર્નરનું પદ સંભાળ્યું હતું. અહીંથી ટ્રમ્પને ડેમોક્રેટ કમલા હેરિસની સરખામણીએ 11 મત મળ્યા હતા. 2020માં ટ્રમ્પે હૂઝિયર રાજ્યના 57 ટકા મત મેળવ્યા હતા. એસોસિએટેડ પ્રેસે સાંજે 7 વાગ્યે ટ્રમ્પને વિજેતા જાહેર કર્યા. ભૂતપૂર્વ રાષ્ટ્રપતિ ડોનાલ્ડ ટ્રમ્પે મંગળવારે કેન્ટુકીમાં સતત ત્રીજી વખત ચૂંટણી જીતી હતી, અને તેમની ટેલીમાં આઠ ઇલેક્ટોરલ વોટ ઉમેર્યા હતા.
US Presidential Election 2024 Live: પીએમ મોદીએ ડોનાલ્ડ ટ્રમ્પને આપ્યા અભિનંદન
ભારતના વડાપ્રધાન નરેન્દ્ર મોદીએ એક્સ પર પોસ્ટ કરતા ડોનાલ્ડ ટ્રમ્પને અભિનંદન પાઠવ્યા છે. પીએમ મોદીએ પોસ્ટમાં કહ્યું, "મારા મિત્ર ડોનાલ્ડ ટ્રમ્પ, તમારી ઐતિહાસિક ચૂંટણી જીત પર હાર્દિક અભિનંદન." તમે તમારા છેલ્લા કાર્યકાળની સફળતાઓને આગળ વધારી રહ્યા છો. હું ભારત-યુએસ વ્યાપક વૈશ્વિક અને વ્યૂહાત્મક ભાગીદારીને વધુ મજબૂત કરવા માટે અમારા સહકારને નવીકરણ કરવા આતુર છું. ચાલો આપણે આપણા લોકોની સુખાકારી માટે અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપવા માટે સાથે મળીને કામ કરીએ.
PM Modi congratulates Donald Trump on "historic election victory" in US Presidential elections
— ANI Digital (@ani_digital) November 6, 2024
Read @ANI Story | https://t.co/CGcBIDSFAZ#India #US #Trump #Modi #PresidentialElections2024 pic.twitter.com/pGJeulavcF
ડોનાલ્ડ ટ્રમ્પે ટેસ્લાના સીઈઓ મસ્કની પ્રશંસા કરી
જીત બાદ ડોનાલ્ડ ટ્રમ્પે ટેસ્લાના સીઈઓ એલન મસ્કની પ્રશંસા કરી હતી. તેમણે કહ્યું કે આજે એક સ્ટારનો જન્મ થયો છે. પોતાના સમર્થકોને સંબોધતા ડોનાલ્ડ ટ્રમ્પે કહ્યું હતું કે, 'આ એક રાજકીય જીત છે જે અમેરિકાએ પહેલા ક્યારેય જોઈ ન હતી. હું તમારા માટે દરરોજ અને મારા છેલ્લા શ્વાસ સુધી લડીશ. હું ત્યાં સુધી રોકાઇશ નહી જ્યાં સુધી આપણા બાળકો માટે તે સુરક્ષિત, મજબૂત અને સક્ષમ અમેરિકા ન બનાવી દઉં, જેના તેઓ લાયક છે. હવે અમે કોઈ યુદ્ધ થવા દઈશું નહીં.
US Presidential Election 2024 Live: અલ સલ્વાડોરના રાષ્ટ્રપતિએ પહેલા ટ્રમ્પને અભિનંદન આપ્યા
ડોનાલ્ડ ટ્રમ્પને બહુમત મળતાની સાથે જ અલ સાલ્વાડોરના રાષ્ટ્રપતિ નાયબ બુકેલે તેમને એક્સ પર જીત બદલ અભિનંદન આપ્યા હતા. તેમણે કહ્યું, "યુનાઇટેડ સ્ટેટ્સના ચૂંટાયેલા રાષ્ટ્રપતિ ડોનાલ્ડ ટ્રમ્પને અભિનંદન... ભગવાન તમને આશીર્વાદ આપે અને તમને માર્ગદર્શન આપે."
ડોનાલ્ડ ટ્રમ્પને બહુમતી મળી
US Presidential Election 2024 Live: ડોનાલ્ડ ટ્રમ્પને બહુમતી મળી, રિપબ્લિકન પાર્ટીએ પણ સેનેટ પર કબજો કર્યો
- ડોનાલ્ડ ટ્રમ્પ – 277 (બહુમતીનો આંકડો પાર કર્યો)
- કમલા હેરિસ – 226
US Presidential Election 2024 Live: ટ્રમ્પ વ્હાઇટ હાઉસથી થોડાક જ ડગલાં દૂર છે
ફોક્સ ન્યૂઝના જણાવ્યા અનુસાર, ડોનાલ્ડ ટ્રમ્પને ફરી એકવાર યુએસ ચૂંટણીમાં લીડ મળતી દેખાઈ રહી છે. અત્યાર સુધી ડોનાલ્ડ ટ્રમ્પને 248 ઈલેક્ટોરલ કોલેજ વોટ મળ્યા છે અને કમલા હેરિસને 216 ઈલેક્ટોરલ કોલેજ વોટ મળ્યા છે. કેલિફોર્નિયા અને વોશિંગ્ટનના ટ્રેન્ડને કારણે કમલા હેરિસના આંકડામાં સુધારો થયો છે, પરંતુ તે હજુ પણ ટ્રમ્પથી પાછળ છે.
ટ્રેન્ડિંગ સમાચાર
ટોપ સ્ટોરી
