World Coronavirus Update: દુનિયાભરમાં છેલ્લા 24 કલાકમાં 5.71 લાખ નવા કેસ નોંધાયા, 9 હજાર લોકોના મોત

વર્લ્ડોમીટર વેબસાઈટ અનુસાર, દુનિયામાં અત્યાર સુધી પાંચ કરોડ 84 લાખ 70 હજાર કોરોનાના કેસ નોંધાઈ ચૂક્યા છે. અત્યાર સુધી 13 લાખ 85 હજાર લોકોના કોરોનાથી મોત થઈ ચૂક્યા છે.

World Coronavirus Update: કોરોના વાયરસનો પ્રકોપ સમગ્ર દુનિયામાં યથાવત છે. દુનિયાભરમાં કોરોના વાયરસ સંક્રમણના કેસ 6 કરોડની નજીક પહોંચી ગયા છે. દુનિયાના 218 દેશોમાં છેલ્લા 24 કલાકમાં કોરોના સંક્રમણના 5 લાખથી વધુ નવા કેસ નોંધાયા હતા. જ્યારે 8889 લોકોના મૃત્યુ થયા હતા. આ પહેલા 13 નવેમ્બરે સૌથી વધુ 6.60 લાખ કેસ નોંધાયા હતા અને 19 નવેમ્બરે સૌથી વધુ 11,239 સંક્રમિતોના મોત થયા હતા. અમેરિકામાં સૌથી વધુ કોરોનાથી મૃત્યુ થયા છે. તેના બાદ મેક્સિકો, ઈટાલી, પોલેન્ડ, ભારત, રશિયા, ઈરાન, બ્રિટનમાં સૌથી વધુ મોત થયા છે. દુનિયામાં સંક્રમિત દર્દીઓની સંખ્યા 6 કરોડની નજીક પહોંચી વર્લ્ડોમીટર વેબસાઈટ અનુસાર, દુનિયામાં અત્યાર સુધી પાંચ કરોડ 84 લાખ 70 હજાર કોરોનાના કેસ નોંધાઈ ચૂક્યા છે. અત્યાર સુધી 13 લાખ 85 હજાર લોકોના કોરોનાથી મોત થઈ ચૂક્યા છે. જ્યારે 4 કરોડ 4 લાખથી વધુ લોકો સ્વસ્થ થઈ ગયા છે. 1 કરોડ 66 લાખ 26 હજાર લોકો હજુ પણ કોરોના સંક્રમિત છે. અને તેમની સારવાર ચાલી રહી છે. કોરોના પ્રભાવિત ટોપ-10 દેશ અમેરિકા: કેસ - 12,445,387, મોત - 261,783 ભારત: કેસ- 9,095,908, મોત- 133,263 બ્રાઝીલ: કેસ - 6,052,786, મોત- 169,016 ફ્રાન્સ : કેસ- 2,127,051, મોત- 48,518 રશિયા : કેસ- 2,064,748, મોત- 35,778 સ્પેન: કેસ- 1,589,219, મોત- 42,619 યૂકે: કેસ- 1,493,383, મોત- 54,626 ઈટલી: કેસ- 1,380,531, મોત- 49,261 આર્જેન્ટીના: કેસ- 1,366,182, મોત- 36,902 કોલંબિયા: કેસ- 1,240,493, મોત- 35,104 ભારત દુનિયામાં સૌથી વધુ કોરોના સંક્રમિત કેસ મામલે બીજા નંબરે છે, એટલું જ નહીં સૌથી વધુ મોત મામલે ત્રીજા નંબરે છે. સાથે ભારત છઠ્ઠ એવો દેશ છે જ્યાં સૌથી વધુ એક્ટિવ કેસ છે. સૌથી વધુ એક્ટિવ કેસ અમેરિકા, ફ્રાન્સ, ઈટાલી, બેલ્જિયમ અને રશિયામાં છે.