આજે કૃષ્ણ જન્માષ્ટમી: માત્ર 43 મિનિટનું પૂજાનું શુભ મુહૂર્ત, જાણો નિયમો અને વ્રત પારણાનો સાચો સમય

ભગવાન શ્રીકૃષ્ણના જન્મની ઉજવણી કરતો પાવન પર્વ, કૃષ્ણ જન્માષ્ટમી, ભાદરવા મહિનાના કૃષ્ણ પક્ષની આઠમની તિથિએ ઉજવવામાં આવે છે. આ વર્ષે જન્માષ્ટમીનો તહેવાર 16 ઓગસ્ટ, 2025 ના રોજ મનાવવામાં આવી રહ્યો છે.

હિન્દુ ધર્મનો પવિત્ર પર્વ કૃષ્ણ જન્માષ્ટમી આજે, 16 ઓગસ્ટ, 2025 ના રોજ સમગ્ર દેશમાં ભક્તિભાવ સાથે ઉજવાઈ રહ્યો છે.

આ દિવસે ભગવાન વિષ્ણુના આઠમા અવતાર શ્રીકૃષ્ણનો જન્મ થયો હતો. આ વર્ષે પૂજા માટેનું શુભ મુહૂર્ત રાત્રે 12:04 થી 12:47 સુધીનું છે, જે માત્ર 43 મિનિટનું રહેશે. આ પાવન પર્વ પર ભક્તો ઉપવાસ કરે છે અને મધ્યરાત્રિએ ભગવાન કૃષ્ણની પૂજા કરી તેમના જન્મની ઉજવણી કરે છે.

16 ઓગસ્ટ, 2025 ના રોજ કૃષ્ણ જન્માષ્ટમીની ઉજવણી કરવામાં આવી રહી છે, જે ભગવાન કૃષ્ણની 5252 મી જન્મજયંતિ છે. અષ્ટમી તિથિની શરૂઆત 15 ઓગસ્ટની રાત્રે 11:49 વાગ્યે થઈ હતી અને 16 ઓગસ્ટની રાત્રે 09:34 વાગ્યે સમાપ્ત થશે. પૂજા માટેનું શુભ મુહૂર્ત મોડી રાત્રે 12:04 થી 12:47 સુધી રહેશે. ભક્તો આ દિવસે નિર્જળા અથવા ફળાહાર વ્રત રાખી શકે છે અને વ્રતનું પારણું 17 ઓગસ્ટના રોજ સવારે 5:51 વાગ્યે કરી શકાશે. આ દિવસે પૂજામાં તુલસી, માખણ-ખાંડ અને પંચામૃતનું વિશેષ મહત્ત્વ છે.