iPhone Duo કરતાં સસ્તી છે આ બાઇક્સ, ખરીદતા પહેલાં અહીં જાણો વિકલ્પો

iPhone Duoની કિંમત 2.99 લાખ રૂપિયાથી શરૂ થઈને 4.49 લાખ રૂપિયા સુધી જાય છે. તેની સામે નીચે આપવામાં આવેલી બાઇક્સની કિંમત ઘણી ઓછી છે. જોઇએ યાદી

iPhone Duo કરતા સસ્તી બાઇક

આ યાદીમાં TVS Apache RTX 300 સૌથી સારા વિકલ્પોમાંથી એક છે. તેની શરૂઆતની એક્સ-શોરૂમ કિંમત 1.99 લાખ રૂપિયા છે, જ્યારે ટોપ વેરિઅન્ટની કિંમત 2.39 લાખ રૂપિયા સુધી જાય છે. એટલે iPhone Duoના ટોપ મોડલની કિંમતમાં આ બાઇક ખરીદ્યા બાદ પણ ઘણાં રૂપિયા બચી શકે છે.

Apache RTX 300ને ટૂરિંગ અને ઓફ-રોડિંગ બંને પ્રકારના ઉપયોગને ધ્યાનમાં રાખીને તૈયાર કરવામાં આવી છે. તેમાં 299ccનું સિંગલ-સિલિન્ડર, લિક્વિડ-કૂલ્ડ એન્જિન મળે છે. આ એન્જિન 36 hpની પાવર અને 28 Nmનો ટોર્ક જનરેટ કરે છે. એટલે આ બાઇક લાંબી મુસાફરી સાથે-સાથે ખરાબ રસ્તાઓ પર ચલાવવા માટે પણ ઉપયોગી થઈ શકે છે.

બીજો વિકલ્પ KTM 390 Adventure છે. તેની શરૂઆતની એક્સ-શોરૂમ કિંમત 2.87 લાખ રૂપિયા છે. જ્યારે તેનું S વેરિઅન્ટ 4.04 લાખ રૂપિયા સુધી જાય છે. એટલે તેનું ટોપ વેરિઅન્ટ પણ iPhone Duoના 4.49 લાખ રૂપિયા વાળા ટોપ મોડલથી ઓછી કિંમતે આવે છે.

Royal Enfield Himalayan 440 પણ આ બજેટમાં એક મોટો વિકલ્પ છે. તેની શરૂઆતની કિંમત 2.29 લાખ રૂપિયા એક્સ-શોરૂમ છે. આ બાઇક ખાસ કરીને તેમને પસંદ આવી શકે છે જેઓ લાંબી મુસાફરીની ટૂરિંગ અને એડવેન્ચર રાઇડિંગ માટે મજબૂત અને આરામદાયક મોટરસાયકલ ઇચ્છે છે.

જો ઓછા બજેટમાં ADV બાઇક જોઈએ તો Hero Xpulse 210 એક સારો વિકલ્પ હોઈ શકે છે. તેની શરૂઆતની એક્સ-શોરૂમ કિંમત માત્ર 1.10 લાખ રૂપિયા છે. એટલે iPhone Duoની કિંમતની સામે આ ઘણી સસ્તી છે. Xpulse 210માં 210ccનું લિક્વિડ-કૂલ્ડ એન્જિન મળે છે.

યાદીમાં પાંચમી બાઇક Suzuki V-Strom SX છે. તેની શરૂઆતની એક્સ-શોરૂમ કિંમત 2 લાખ રૂપિયા છે. આ Suzukiની ભારતીય બજારમાં ઉપલબ્ધ V-Strom ફેમિલીની સૌથી નાની બાઇક છે. તેમાં 249ccનું સિંગલ-સિલિન્ડર ઓઇલ-કૂલ્ડ એન્જિન મળે છે, જે 26 hpની પાવર અને 22 Nmનો ટોર્ક આપે છે. આ બાઇક પણ લાંબી મુસાફરીની રાઇડિંગ અને ટૂરિંગ માટે એક વિકલ્પ હોઈ શકે છે

iPhone Duoની કિંમત 2.99 લાખ રૂપિયાથી શરૂ થઈને 4.49 લાખ રૂપિયા સુધી જાય છે. તેની સામે આ પાંચેય ADV બાઇક્સની કિંમત ઘણી ઓછી છે. ખાસ કરીને Hero Xpulse 210ની કિંમત તો iPhone Duoના ટોપ મોડલની કિંમતનો એક નાનકડો હિસ્સો જ છે