DRDOમાં વૈજ્ઞાનિક બનવાની ગોલ્ડન તક, આટલી જગ્યાઓ માટે બહાર પડી ભરતી

DRDO Recruitment 2026: સંરક્ષણ સંશોધન અને વિકાસ સંગઠન (DRDO) માં વૈજ્ઞાનિક બનવાનું સ્વપ્ન જોતા યુવાનો માટે સારા સમાચાર છે.

વૈજ્ઞાનિક બનવાનું સ્વપ્ન જોતા યુવાનો માટે સારા સમાચાર છે.

DRDO Recruitment 2026: સંરક્ષણ સંશોધન અને વિકાસ સંગઠન (DRDO) માં વૈજ્ઞાનિક બનવાનું સ્વપ્ન જોતા યુવાનો માટે સારા સમાચાર છે. DRDO ના ભરતી અને મૂલ્યાંકન કેન્દ્ર (RAC) એ વૈજ્ઞાનિક C, વૈજ્ઞાનિક D અને વૈજ્ઞાનિક E ની જગ્યાઓ માટે અરજીઓ મંગાવી છે. આ ભરતી પ્રક્રિયા દ્વારા કુલ 33 ખાલી જગ્યાઓ ભરવામાં આવશે. રસ ધરાવતા અને લાયક ઉમેદવારો ઓનલાઈન અરજી કરી શકે છે.

આ ભરતી અભિયાન માટે અરજી પ્રક્રિયા શરૂ થઈ ગઈ છે અને ઉમેદવારો 19 જૂન, 2026 સુધી અરજીઓ સબમિટ કરી શકે છે. અરજીઓ ફક્ત ઓનલાઈન સ્વીકારવામાં આવશે. ઉમેદવારો DRDO RACની સત્તાવાર વેબસાઇટ, rac.gov.in ની મુલાકાત લઈને અરજી કરી શકે છે. આ DRDO ભરતી અભિયાર મારફતે કુલ 33 જગ્યાઓ ભરવામાં આવશે. આમાં બે વૈજ્ઞાનિક E જગ્યાઓ, 11 વૈજ્ઞાનિક D જગ્યાઓ અને 20 વૈજ્ઞાનિક C જગ્યાઓ શામેલ છે. પસંદ કરાયેલા ઉમેદવારોને સંરક્ષણ સંશોધન અને ટેકનોલોજીકલ વિકાસ સંબંધિત મહત્વપૂર્ણ પ્રોજેક્ટ્સ પર કામ કરવાની તક મળશે.

ભરતી માટે અરજી કરવા માટે ઉમેદવારો પાસે માન્ય યુનિવર્સિટી અથવા સંસ્થામાંથી એન્જિનિયરિંગ અથવા ટેકનોલોજીમાં ડિગ્રી હોવી આવશ્યક છે. સંબંધિત પદો માટે, ઇલેક્ટ્રોનિક્સ અને કોમ્યુનિકેશન એન્જિનિયરિંગ સહિત નિર્ધારિત શાખાઓમાં પ્રથમ-વર્ગની ડિગ્રી જરૂરી છે. ઉમેદવારો પાસે પદ મુજબ જરૂરી કાર્ય અનુભવ પણ હોવો આવશ્યક છે. અનુભવનો સમયગાળો અને લાયકાત વિવિધ પદો માટે અલગ અલગ હોઈ શકે છે.

DRDO ભરતી માટે અરજી કરનારા ઉમેદવારોની મહત્તમ ઉંમર પદ દ્વારા નક્કી કરવામાં આવે છે. વૈજ્ઞાનિક C, D અને E પદો માટે મહત્તમ વય મર્યાદા 35 થી 45 વર્ષની વચ્ચે છે. અનામત શ્રેણીઓના ઉમેદવારોને સરકારી નિયમો અનુસાર વયમાં છૂટછાટ આપવામાં આવશે. સામાન્ય, અન્ય પછાત વર્ગ (OBC), અને આર્થિક રીતે નબળા વર્ગ (EWS) ઉમેદવારોએ 100 રૂપિયાની અરજી ફી ચૂકવવી પડશે. જોકે, અનુસૂચિત જાતિ (SC), અનુસૂચિત જનજાતિ (ST), અને અપંગ વ્યક્તિઓ (PH) શ્રેણીઓના ઉમેદવારોને અરજી ફીમાંથી સંપૂર્ણપણે મુક્તિ આપવામાં આવી છે.

ઉમેદવારોએ પહેલા સત્તાવાર DRDO RAC વેબસાઇટની મુલાકાત લેવી જોઈએ. ત્યારબાદ નવા ઉમેદવારોએ નોંધણી પ્રક્રિયા પૂર્ણ કરવાની રહેશે. નોંધણી પછી, લોગ ઇન કરો અને અરજી ફોર્મમાં બધી જરૂરી માહિતી દાખલ કરો. આગળ જરૂરી દસ્તાવેજો અપલોડ કરો અને લાગુ ફી ચૂકવો. અરજી ફોર્મ સબમિટ કર્યા પછી પ્રિન્ટઆઉટ લો અને તેને સુરક્ષિત રાખો.