GATE 2026 માટે અરજીની થઈ શરૂઆત, આ વખતે વિષયોમાં પણ થયો ફેરફાર, આ રીતે કરો અરજી

GATE 2026: ઇન્ડિયન ઇન્સ્ટિટ્યૂટ ઓફ ટેકનોલોજી (IIT) ગુવાહાટી આજથી ગ્રેજ્યુએટ એપ્ટિટ્યુડ ટેસ્ટ ઇન એન્જિનિયરિંગ (GATE) 2026 માટે ઓનલાઈન નોંધણી પ્રક્રિયા શરૂ કરવા જઈ રહી છે.

પ્રતિકાત્મક તસવીર

GATE 2026: ઇન્ડિયન ઇન્સ્ટિટ્યૂટ ઓફ ટેકનોલોજી (IIT) ગુવાહાટી આજથી ગ્રેજ્યુએટ એપ્ટિટ્યુડ ટેસ્ટ ઇન એન્જિનિયરિંગ (GATE) 2026 માટે ઓનલાઈન નોંધણી પ્રક્રિયા શરૂ કરવા જઈ રહી છે. પરીક્ષામાં બેસવા ઇચ્છુક ઉમેદવારો સત્તાવાર પોર્ટલ, gate2026.iitg.ac.in દ્વારા તેમની અરજીઓ સબમિટ કરી શકે છે.

ગેટ 2026 પરીક્ષા માટે અરજી કરવા માટે સત્તાવાર વેબસાઇટ gate2026.iitg.ac.in ની મુલાકાત લો. આ પછી હોમપેજ પર એપ્લિકેશન પોર્ટલ લિંક પર ક્લિક કરો. હવે જરૂરી વ્યક્તિગત અને શૈક્ષણિક વિગતો દાખલ કરો. આ પછી હવે બધા જરૂરી દસ્તાવેજો અપલોડ કરો. અરજી ફી ચૂકવો અને ફોર્મ સબમિટ કરો. ભવિષ્યના સંદર્ભ માટે તેને ડાઉનલોડ કરો.

અરજી પ્રક્રિયા 28 ઓગસ્ટ, 2025થી શરૂ થાય છે. અરજી કરવાની છેલ્લી તારીખ (લેટ ફી વગર) 26 સપ્ટેમ્બર, 2025 છે. લેટ ફી સાથે છેલ્લી તારીખ 9 ઓક્ટોબર, 2025 છે. 7, 8, 14 અને 15 ફેબ્રુઆરી, 2026 પરીક્ષા લેવામાં આવશે. જ્યારે પરિણામ 19 માર્ચ, 2026 રોજ જાહેર કરાશે. જે વિદ્યાર્થીઓ ગ્રેજ્યુએશનના ત્રીજા વર્ષમાં છે અથવા જેમણે એન્જિનિયરિંગ, ટેકનોલોજી, આર્કિટેક્ચર, વિજ્ઞાન, વાણિજ્ય, કલા અથવા માનવતા જેવા ક્ષેત્રોમાં સરકાર દ્વારા માન્ય ડિગ્રી પૂર્ણ કરી છે તેઓ અરજી કરવા પાત્ર છે.

નોંધણી પ્રક્રિયા સંપૂર્ણપણે GATE ઓનલાઈન એપ્લિકેશન પ્રોસેસિંગ સિસ્ટમ (GOAPS) દ્વારા કરવામાં આવશે. ઉમેદવારોને છેલ્લી ઘડીની સમસ્યાઓ ટાળવા માટે સમયમર્યાદા પહેલાં તેમની અરજી પૂર્ણ કરવાની સલાહ આપવામાં આવે છે. આ વર્ષે GATE પરીક્ષામાં ફેરફાર કરવામાં આવ્યો છે. સૂચના અનુસાર, એન્જિનિયરિંગ સાયન્સ (XE-I) કેટેગરી હેઠળ પરીક્ષામાં એનર્જી સાયન્સ (XE-I) પેપરનો સમાવેશ કરવામાં આવ્યો છે. આ સાથે GATE પેપરની કુલ સંખ્યા 30 થઈ ગઈ છે.

બાયોમેડિકલ એન્જિનિયરિંગ (BM), પર્યાવરણીય વિજ્ઞાન અને એન્જિનિયરિંગ (ES), માનવતા અને સામાજિક વિજ્ઞાન (XH), જીઓમેટિક્સ એન્જિનિયરિંગ (GE), ડેટા સાયન્સ અને આર્ટિફિશિયલ ઇન્ટેલિજન્સ (DA), અને નેવલ આર્કિટેક્ચર અને મરીન એન્જિનિયરિંગ (NM) એ કેટલાક પેપર છે જેનો છેલ્લા પાંચ વર્ષમાં સમાવેશ કરવામાં આવ્યો છે.