રાજુ શ્રીવાસ્તવ જ નહી બિગ બોસમાં જોવા મળેલા આ સ્ટાર્સે પણ દુનિયાને કહ્યુ છે અલવિદા

રાજુ શ્રીવાસ્તવ સિવાય બિગ બોસમાં જોવા મળેલા અન્ય ઘણા સ્ટાર્સ છે, જેમણે પણ નાની ઉંમરમાં આ દુનિયાને અલવિદા કહી દીધું હતું.

ફાઈલ ફોટો

Bigg Boss Contestants Who Died: જાણીતા કોમેડિયન રાજુ શ્રીવાસ્તવનું 21 સપ્ટેમ્બરે સવારે નિધન થયું હતું.

રાજુ છેલ્લા 42 દિવસથી દિલ્હીની એઈમ્સ હોસ્પિટલમાં સારવાર લઈ રહ્યા હતા. હાર્ટ એટેક આવતાં તેમને દિલ્હીની એઈમ્સ ખાતે દાખલ કરવામાં આવ્યા હતા.

બધાને હસાવનાર રાજુએ 58 વર્ષની વયે આ દુનિયાને અલવિદા કહી દીધું છે. રાજુ શ્રીવાસ્તવ એક શ્રેષ્ઠ કોમેડિયન તરીકે બધાને યાદ રહેશે.

કોમેડી અને ફિલ્મો સિવાય રાજુ 'બિગ બોસ 3'માં પણ જોવા મળ્યો હતો. તો, આ દરમિયાન, આજે અમે તમને બિગ બોસમાં જોવા મળેલા કેટલાક એવા સ્ટાર્સ વિશે જણાવીએ છીએ, જેઓ ખૂબ નાની ઉંમરે આ દુનિયા છોડીને ચાલ્યા ગયા છે.

પ્રત્યુષા બેનર્જી ટીવી સીરિયલ 'બાલિકા વધૂ'થી ખૂબ જ લોકપ્રિય થઈ હતી. આ સાથે તે 'બિગ બોસ 7'માં પણ જોવા મળી હતી. વર્ષ 2016માં પ્રત્યુષાએ માત્ર 25 વર્ષની ઉંમરે આ દુનિયા છોડી દીધી હતી.

બિગ બોસ 14માં જોવા મળેલી સોનાલી ફોગાટે હાલમાં જ આ દુનિયાને અલવિદા કહી દીધું છે. સોનાલી ફોગાટના મોત અંગે હાલ તપાસ ચાલી રહી છે.

આગળનું નામ બિગ બોસ 13નું ટાઇટલ જીતનાર સિદ્ધાર્થ શુક્લાનું છે. ગયા વર્ષે સિદ્ધાર્થનું પણ હાર્ટ એટેકથી અવસાન થયું હતું.

3 ફેબ્રુઆરી 2021ના રોજ સ્વામી ઓમનું અવસાન થયું. સ્વામી ઓમ 'બિગ બોસ 10'માં સ્પર્ધક તરીકે જોવા મળ્યા હતા.