Airtel એ યૂઝર્સને આપ્યો ઝટકો! 161 રુપિયાના પ્લાનમાં કર્યો બદલાવ, વેલિડિટી ઘટાડી

Airtel એ યૂઝર્સને આપ્યો ઝટકો! 161 રુપિયાના પ્લાનમાં કર્યો બદલાવ, વેલિડિટી ઘટાડી

પ્રતિકાત્મક તસવીર

એરટેલે તેના વપરાશકર્તાઓને મોટો ઝટકો આપ્યો છે. કંપનીએ તેના એક પ્લાનમાં ફેરફાર કર્યો છે જેનાથી ગ્રાહકોને મોટો ઝટકો લાગ્યો છે. એરટેલે તેના 161 રૂપિયાના પ્રીપેડ પ્લાનમાં નોંધપાત્ર ફેરફાર કર્યા છે. એરટેલ પહેલાથી જ દેશભરના તમામ ટેલિકોમ સર્કલ્સ (રાજ્યો)માં આ ઓફર કરે છે. જોકે પસંદગીના સર્કલ્સમાં કંપનીએ આ પ્લાનના ફાયદાઓને અપડેટ અથવા બદલ્યા છે. આનાથી પ્લાન પહેલા કરતા વધુ મોંઘો થઈ ગયો છે.

આનો સીધો અર્થ એ છે કે તમે સમાન રકમ ચૂકવી રહ્યા છો પરંતુ પહેલા કરતા ઓછા લાભો મેળવી રહ્યા છો. જોકે એરટેલે આ પ્લાનના ડેટા લાભોમાં થોડો વધારો કર્યો છે જો કે ઓછી વેલિડિટીને કારણે આ પ્લાન હજુ પણ વધુ મોંઘો માનવામાં આવે છે.

એરટેલનો 161 રૂપિયાનો પ્લાન એવા ગ્રાહકો માટે ડેટા વાઉચર તરીકે ઉપલબ્ધ છે જેમના નંબર પર પહેલાથી જ બેઝ પ્રીપેડ પ્લાન સક્રિય છે. નોંધનીય છે કે આ 161 રૂપિયાનો પ્લાન કોઈપણ 'એક્ટિવ સર્વિસ વેલિડિટી' સાથે આવતો નથી. આનો અર્થ એ છે કે તે પ્રાથમિક માન્યતાવાળા રિચાર્જ વગર કામ કરશે નહીં. આ પ્લાનના ફાયદા વિવિધ સર્કલમાં બદલાય છે. ચાલો પહેલા તેના જૂના ફાયદાઓ સમજીએ.

દિલ્હી સર્કલ (જૂના ફાયદા લાગુ): દિલ્હી સર્કલના ગ્રાહકો હજુ પણ જૂના ફાયદાઓ મેળવી રહ્યા છે. દિલ્હીમાં એરટેલનો 161 રૂપિયાનો પ્લાન 30 દિવસની વેલિડિટી સાથે કુલ 12 જીબી ડેટા આપે છે. આ પ્લાન સાથે અન્ય કોઈ કોલિંગ કે એસએમએસ લાભ નથી.

ચેન્નાઈ સર્કલ (નવા ફેરફારો લાગુ - અડધો લાભ): બીજી તરફ, ચેન્નાઈ સર્કલમાં 161 રૂપિયાના પ્લાનની વેલિડિટી ઘટાડીને માત્ર 15 દિવસ કરવામાં આવી છે, જેનાથી વેલિડિટી અડધી થઈ ગઈ છે. જોકે ગ્રાહકોને આકર્ષવા માટે કંપનીએ તેનો ડેટા બેનિફિટ 12 જીબીથી વધારીને 15 જીબી કર્યો છે.

બાકીના સર્કલમાં પણ આવા જ ફેરફારો કરવામાં આવ્યા છે. જ્યારે ડેટા ચોક્કસપણે વધારવામાં આવ્યો છે વ્યવહારિક રીતે તેનો કોઈ ઉપયોગ નથી કારણ કે તેની વેલિડિટી અડધી થઈ ગઈ છે.