WhatsApp માં તમારી મુશ્કેલી ઓછી કરશે આ ફીચર, ગ્રુપ્સમાં જોડાયેલા લોકોને થશે ફાયદો

WhatsAppમાં તમારા અનુભવને વધુ સારો બનાવવા માટે કંપની એક નવા ફીચર પર કામ કરી રહી છે. આ ગ્રુપ્સને આઇડેન્ટિફાઇ કરવાને સરળ બનાવશે.

પ્રતિકાત્મક તસવીર

WhatsAppમાં તમારા અનુભવને વધુ સારો બનાવવા માટે કંપની એક નવા ફીચર પર કામ કરી રહી છે. આ ગ્રુપ્સને આઇડેન્ટિફાઇ કરવાને સરળ બનાવશે.

વોટ્સએપ 'ફિલ્ટર ગ્રુપ ચેટ' નામના ફીચર પર કામ કરી રહ્યું છે જેની મદદથી તમે અલગ-અલગ ગ્રુપ ચેટ્સ સરળતાથી શોધી શકશો. આ અપડેટને વૉટ્સએપના અપડેટ પર નજર રાખતી વેબસાઇટ Wabetainfo દ્વારા શેર કરવામાં આવ્યું છે.

નવા ફીચર હેઠળ તમને All, Unread, Contact અને Groupનો વિકલ્પ મળશે. તેની મદદથી તમે અલગ-અલગ ચેટ્સને આઇડેન્ટિફાઇ કરી શકશો. કંપનીએ પર્સનલ ફિલ્ટરને કોન્ટેક્ટ્સ સાથે રિપ્લેસ કર્યું છે. અગાઉ આ નામથી જોવામાં આવતું હતું.

આનો ફાયદો એ થશે કે તમે ગ્રુપ ચેટ સરળતાથી શોધી શકશો. હાલમાં એપ્લિકેશનમાં બધી ચેટ્સ એક જ સેક્શનમાં આવે છે. પછી તે રીડ કરેલી હોય કે અનરીડ કરેલી હોય. એ જ રીતે ગ્રુપ ચેટ્સ પણ મિશ્રિત રહે છે. નવી સુવિધા સાથે કંપની આ બધાને અલગ કરીને તમારા કામને સરળ બનાવશે.

આ સિવાય WhatsApp ટૂંક સમયમાં યુરોપિયન યુનિયનમાં ઇન્ટરઓપરેબિલિટી ફીચર આપશે. તેની મદદથી વોટ્સએપ સિવાયના યુઝર્સ પણ વોટ્સએપનો ઉપયોગ કરતા લોકોને મેસેજ મોકલી શકશે. ઉદાહરણ તરીકે, ટેલિગ્રામ અથવા સિગ્નલનો ઉપયોગ કરતા લોકો પણ WhatsApp પર મેસેજ મોકલી શકશે.

કંપની મલ્ટીપલ એકાઉન્ટ ફીચર, ઈમેલ લિંક, રિસેટ ચેટ હિસ્ટ્રી અને અન્ય ઘણી નવી સુવિધાઓ પર કામ કરી રહી છે. આવનારા સમયમાં તમે એપમાં એક કરતા વધુ વોટ્સએપ એકાઉન્ટ ખોલી શકશો