ડિજિટલ ઇન્ડિયાની વાતો વચ્ચે ઇન્ટરનેટ યૂઝર્સને લઈને ચોંકાવનારા આંકડા આવ્યા સામે, જાણો

શાળા, કોલેજો અને યુનિ.ઓમાં સંસ્થાગત તાલીમ દ્વારા ડિજિટલ સાક્ષરતા વધારી શકાય છે. ભારતમાં આવશ્યકતા ડિજિટલ લિટરસીની છે. દેશમાં સાઈબરક્રાઈમ અને ગુપ્તતાના ડરથી વ્યાપેલો છે અને તેથી ડિજિટલ ટેકનોલોજીનો વ્યાપ વધતા સમય લાગી શકે છે.

ડિજિટલ સાક્ષરતાનો ફેલાવો કરવા માટે બ્રોડબેન્ડ, સ્માર્ટ ઉપકરણ તથા માસિક ડેટા પેકેજ સસ્તા હોવા જોઈએ. તેમાં કહેવામાં આવ્યું છે કે અંતરિયાળ વિસ્તારોમાં ડિજિટલ સેવાઓની જોગવાઈ માટે હાલની સરકારી માળખાગત સંપત્તિઓનો ઉપયોગ કરવાની જરૂર છે.

દેશમાં હાલ ઈન્ટરનેટ યુઝર્સની સંખ્યા ૩૫ કરોડ છે. આ મામલે માત્ર ચીન જ ભારતથી આગળ છે. સાઈબર સુરક્ષાનો સામનો કરવા વ્યૂહાત્મક રાષ્ટ્રીય ઉપાય’ શીર્ષકવાળા રિપોર્ટમાં જણાવાયું છે કે દેશમાં ઈન્ટરનેટની પહોંચ વધી રહી છે.

એસોચેમ-ડેલોઈટના સંયુક્ત અભ્યાસ પ્રમાણે, ભારતમાં ઈન્ટરનેટ ડેટા પ્લાન દુનિયામાં સૌથી સસ્તો છે અને સ્માર્ટફોનની સરેરાશ રિટેલ કિંમત ઘટી રહી છે, પણ તેમ છતાં ૯૫ કરોડ ભારતીયોને ઈન્ટરનેટ કનેક્ટિવિટી ઉપલબ્ધ નથી.

વિશ્વમાં ઇન્ટરનેટ યૂઝર્સના મામલે ભારત ભલે બીજા સ્થાન પર હોય, પરંતુ આ મામલે ભારતે હજુ લાંબો રસ્તો કાપવાનો છે. એક અહેવાલ અનુસાર દેશમાં અંદાજે 95 કરોડ લોકો એવા છે જે ઇન્ટરનેટની પહોંચથી દૂર છે.