દાઉદનો ભાઈ અનિસ જામનગરના અશફાકને કેમ પતાવી દેવા માગે છે? જાણો ચોંકાવનારો ખુલાસો

દુબઈમાં કોઈ વ્યક્તિની હત્યા કરાવો તો તેના માટે માથું ધડથી અલગ કરવાની સજા છે. તેના કારણે હસન સફદરને કંઈ કરીને જાનનું જોખમ વહોરવા અને દુબઈના સત્તાવાળાની નજરમાં આવવા તૈયાર નહોતો તેથી તેણે ભારતમાં રહેતા અશફાકને ખતમ કરવા સોપારી આપી.

પોલીસે જાહેર કરેલી વિગતો પ્રમાણે દાઉદ ઇબ્રાહીમના ભાઇ અનીસ ઇબ્રાહીમે અશફાક ખત્રીની હત્યા કરવા માટે સોપારી આપી હતી. આ કારણ અશફાક ખત્રી પણ ચર્ચામાં આવી ગયા છે. અશફાક ખત્રી એવી તે કેવી હસ્તી છે કે તેને મારવા માટે દાઉદના ભાઈ અનિસે સોપારી આપવી પડે તે સવાલ પૂછાવા માંડ્યો છે.

પોલીસનાં સૂત્રોએ કહ્યું છે કે સફદર ખત્રીના ભાગીદાર હસને જ અશફાકને મારી નાંખવાની સોપારી આપી હતી. દાઉદનો ભાઇ અનિસ ઇબ્રાહિમ અને હસન અંગત મિત્રો છે. ગુટખાનો ધંધો પડી ભાંગ્યા બાદ હસન અને સફદર વચ્ચે તકરાર થઇ હતી. તેથી તેણે અશફાકને ખતમ કરવા સોપારી આપી.

અશફાક ખત્રીની હાર્ટ બ્રાન્ડ ગુટખાએ દુબઈમાં ધૂમ મચાવી છે અને પાકિસ્તાનમાં પણ તેની નિકાસ થાય છે. તેના કારણે અનિસના ધંધાને અસર થતાં તેણે અશફાકને મારવા સોપારી આપી હતી તેવું બહાર આવ્યું હતું પણ પોલીસે કંઈક જુદી જ માહિતી આપી છે.

અશફાક જામનગરના બિઝનેસમેન છે અને શિપીંગ અને બિલ્ડીંગ વ્યવસાય સાથે સંકળાયેલા છે. અશફાક ખત્રીએ થોડા સમય પહેલાં દુબઈમાં હાર્ટ બ્રાન્ડ હેઠળ ગુટખાનો બિઝનેસ શરૂ કર્યો હતો. અનિસ ઈબ્રાહીમ પોતે પણ દુબઈ તથા પાકિસ્તાનમાં ફાયર બ્રાન્ડ હેઠળ ગુટખાનો ધંધો કરે છે.

રાજકોટ પોલીસે દાઉદ ઈબ્રાહીમ ગેંગના ચાર શાર્પ શૂટરો રામદાસ પરશુરામ રાણે, વિનીત પુંડરીક, સંદિપ દયાનંદ સિંઘબાદ અને અનિલ રાજુભાઇ ઘીલોડાને ઝડપી લીધા તેના કારણે ખળભળાટ મચ્યો છે. આ શાર્પ શૂટરો જામનગરના બિઝનેસમેન અશફાક ખત્રીની હત્યા કરવા માટે આવ્યા હતા.

પોલીસે આપેલી માહિતી પ્રમાણે શાર્પ શૂટર રામદાસ રાણેએ પોતે ડીં ગેંગમાં હોવાની વાત કબૂલી છે. અશફાક ખત્રીનો ભત્રીજો શફદર ખત્રી દુબઇમાં ગુટકાનો કારબાર સંભાળે છે. અગાઉ હસન નામનો દુબઈમાં રહેતો ભારતીય તેમનો ભાગીદાર હતો પણ અશફાકે અલગ ધંધો કરતાં તેને ભારે અસર થઈ હતી. .