રાજકોટઃ પ્રેમપ્રકરણમાં દલિત યુવતીએ હોસ્ટેલમાં ખાધો ગળાફાંસો, પ્રેમી યુવકે ગટગટાવ્યું ઝેર

રાજકોટ: શહેરના મોરબી રોડ પર આવેલી સંજયભાઇ રાજ્યગુરૂ ટેકનિકલ કોલેજમાં ભણતી અને ત્યાંની હોસ્ટેલમાં જ રહેતી દલિત યુવતીએ પ્રેમપ્રકરણમાં ગળેફાંસો ખાઈ લેતા ચકચાર મચી ગઈ છે. મૂળ ઉનાના જરકલી ગામની દલિત યુવતીએ ગઈ કાલે સાંજે હોસ્ટેલના રૂમમાં ગળાફાંસો ખાઇ લીધો હતો. બીજી તરફ આ કોલેજમાં જ ભણતા અને આ યુવતીને પ્રેમ કરતાં જામનગરના ચારણ મેઘવાળ યુવાને પારેવડી ચોકમાં ઝેર પી લીધું હતું.

બી-ડિવીઝનને જાણ થતાં હોસ્પિટલે પહોંચી તેમણે હર્ષદનું નિવેદન નોંધ્યું હતું. તેણે જણાવ્યું હતું કે દક્ષા આઇ.ટી.માં ભણતી હતી અને પોતે મિકલેનિકલમાં ભણે છે. અમારી બંને વચ્ચે છ મહિનાથી પ્રેમસંબંધ હતો. સાંજે બંનેને ફોન પર બોલાચાલી થઇ હતી અને દક્ષાએ આ પગલુ ભર્યુ હતું. બાદમાં પોતે પણ આઘાતને કારણે ઝેર પી ગયો હતો.