વર્ષના અંતમાં ICC ટેસ્ટ રેંકિંગમાં ટીમ ઈંડિયા, અશ્વિન અને જાડેજાએ મચાવી ધમાલ, જાણો

નવી દિલ્લી: વર્ષના અંતમાં આઈસીસી તરફથી જાહેર કરવામાં આવેલી ટેસ્ટ રેંકિંગમાં ટીમ ઈંડિયા નંબર વનનું સ્થાન મેળવ્યું છે. જ્યારે આર. અશ્વિન ટેસ્ટના બેસ્ટ બોલર બન્યો છે. તેના સિવાય ટેસ્ટ ઑલરાઉંડરની રેંકિંગમાં પણ અશ્વિન પહેલા નંબરે છે. આઈસીસી બોલિંગ રેંકિંગમાં ભારતીય સ્પિનર રવીંદ્ર જાડેજા નંબર બે અને ટેસ્ટ ઑલરાઉંડર રેંકિંગમાં તે ત્રીજા નંબરે છે.

ટીમ ઈંડિયા ટેસ્ટમાં 120 પોઈન્ટની સાથે નંબર એક પર કાયમ છે જ્યારે ઑસ્ટ્રેલિયન ટીમ ભારતીય ટીમથી 15 અંક પાછળ અને તે 105 પોઈન્ટ સાથે નંબર બેના સ્થાને છે.

ટેસ્ટ બેટિંગ રેંકિંગની વાત કરીએ તો વિરાટ કોહલીએ વર્ષનો અંત નંબર બેના પોઝીશનથી કર્યો છે, જ્યારે ઑસ્ટ્રેલિયન બેટ્સમેન સ્ટિવ સ્મિથ નંબર વન પર છે. પાકિસ્તાની ઓપનર અજહર અલીએ 10 અંકની છલાંગ લગાવીને પોતાના ટેસ્ટ કરિયરની સૌથી બેસ્ટ રેંકિંગ મેળવી છે અને તે હાલ છઠ્ઠા નંબરે પહોંચી ગયો છે.

આઈસીસી ટેસ્ટ રેંકિંગમાં તેનો બીજો મોકો છે જ્યારે બે ભારતીય બોલર બોલિંગ રેંકિંગમાં નંબર વન અને બીજા સ્થાને છે. અશ્વિન અને જાડેજા પહેલા 1974માં પૂર્વ ભારતીય બોલર બિશન સિંહ બેદી અને ભગવત ચંદ્રશેખરે આઈસીસી ટેસ્ટ રેંકિંગમાં એક સાથ પહેલા અને બીજા નંબરે સ્થાન મેળવ્યું છે. એટલે કે 42 વર્ષો પછી એવો સમય આવ્યો છે જ્યારે આઈસીસી બોલિંગ રેંકિંગમાં નંબર વન અને બીજા સ્થાને ભારતીય બોલરોને સ્થાન મળ્યું છે.