Asian Games 2023: ભારતના ખાતામાં વધુ એક મેડલ ઉમેરાયો, નેહા ઠાકુરે સેલિંગ ઈવેન્ટમાં સિલ્વર જીત્યો

Neha Thakur: ભારતની નેહા ઠાકુરે ભારતના ખાતામાં વધુ એક મેડલ ઉમેર્યો છે. નેહાએ સેલિંગ સ્પર્ધામાં ભારત માટે સિલ્વર જીત્યો હતો.

નેહા ઠાકુરે સેલિંગ ઈવેન્ટમાં સિલ્વર જીત્યો

Neha Thakur Won Silver Medal: ભારતની નેહા ઠાકુરે એશિયન ગેમ્સમાં ગર્લ્સ ડિંગી સેલિંગ ઈવેન્ટમાં સિલ્વર મેડલ જીત્યો હતો. સેલિંગમાં નેહાએ 11 રેસ બાદ સિલ્વર મેડલ જીત્યો હતો. સેલિંગમાં ભારત માટે આ પહેલો મેડલ છે. ટીમ ઈન્ડિયા (ભારતીય ઓલિમ્પિક એસોસિએશન (IOA), કોમનવેલ્થ ગેમ્સ ઈન્ડિયા (CGI)) એ પણ નેહા ઠાકુરને તેના અધિકારીએ 11 રેસમાં કુલ 27 પોઈન્ટ સાથે સિલ્વર મેડલ જીતવા બદલ અભિનંદન પાઠવ્યા હતા. થાઈલેન્ડની નોપાસોર્ન ખુનબુનજાને 16 પોઈન્ટ સાથે ગોલ્ડ મેડલ જીત્યો હતો જ્યારે સિંગાપુરની કેઇરા મેરી કાર્લાઈલે 28 પોઈન્ટ સાથે બ્રોન્ઝ મેડલ જીત્યો હતો.

સ્ક્વોશમાં પણ ભારત જીત્યું, પાકિસ્તાનને હરાવ્યું

ત્રીજા દિવસે, બાકીની રમતોમાં પણ ભારત તરફથી શાનદાર પ્રદર્શન જોવા મળી રહ્યું હતું. ભારતીય મહિલા સ્ક્વોશ ટીમે પાકિસ્તાનને 3-0થી હરાવ્યું હતું. મહિલા ભારતીય સ્ક્વોશ ટીમમાં તન્વી ખન્ના, જોશના ચિનપ્પા અને અનાહત સિંહનો સમાવેશ થાય છે. અનાહતે પાકિસ્તાન સામેની મેચમાં ભારત માટે શાનદાર પ્રદર્શન કર્યું હતું. અનાહતે પાકિસ્તાનની સાદિયા ગુલને 11-6, 11-6 અને 11-3થી હરાવીને 3-0થી જીત નોંધાવી હતી.

ત્યારબાદ બીજી મેચમાં જોશના ચિનપ્પાએ પાકિસ્તાનના નૂર ઉલ હક સાદિયાને 3-0થી હરાવ્યું. જોશના ચિનપ્પાએ 11-2, 11-5 અને 11-7થી મેચ જીતી હતી. છેલ્લી મેચમાં ભારતની તન્વી ખન્નાએ જીત મેળવી હતી અને ભારતને 3-0થી જીત અપાવવામાં મદદ કરી હતી.

🥈🌊 Sailing Success!

Neha Thakur, representing India in the Girl's Dinghy - ILCA 4 category, secured the SILVER MEDAL at the #AsianGames2022 after 11 races⛵

This is India's 1️⃣st medal in Sailing🤩👍

Her consistent performance throughout the competition has earned her a… pic.twitter.com/0ybargTEXI

— SAI Media (@Media_SAI) September 26, 2023

Many congratulations to Neha Thakur on winning the #SilverMedal in the ILCA4 Girls, #Sailing event.

Let’s #Cheer4india 🇮🇳 #WeAreTeamIndia | #IndiaAtAG22 pic.twitter.com/ad9lILyWTc

— Team India (@WeAreTeamIndia) September 26, 2023

મેન્સ હોકી ટીમે સતત બીજી મેચ જીતી હતી

અત્યાર સુધી મેન્સ હોકી ટીમ ખૂબ જ સારા ફોર્મમાં જોવા મળી છે. હરમનપ્રીત સિંહની કેપ્ટન્સીવાળી ટીમ ઈન્ડિયાએ એશિયન ગેમ્સના ત્રીજા દિવસે ગ્રુપ સ્ટેજની બીજી મેચમાં સિંગાપોરને 16-1થી હરાવ્યું હતું. મેચમાં ભારત માટે કેપ્ટન હરમનપ્રીત સિંહે ચાર ગોલ કર્યા હતા. ગ્રુપ સ્ટેજની પ્રથમ મેચમાં ભારતે ઉઝબેકિસ્તાનને 16-0થી હરાવ્યું હતું. ભારતીય હોકી ટીમે ગ્રુપ સ્ટેજની બે મેચમાં કુલ 32 ગોલ કર્યા છે. હોકી ખેલાડીઓ ખૂબ સારા ફોર્મમાં જોવા મળી રહ્યા છે. ટીમે બંને મેચમાં એકતરફી જીત મેળવી છે.