AB Devilliers: IPL 2023 માં એબી ડી વિલિયર્સની થશે વાપસી, જાણો શું કહ્યું ?

એબી ડી વિલિયર્સ (AB Devilliers)અને આઈપીએલ(IPL)ના ચાહકો માટે સારા સમાચાર છે. એબી ડી વિલિયર્સ IPL 2023માં દેખાશે.

એબી ડી વિલિયર્સ

AB de Villiers In IPL: એબી ડી વિલિયર્સ (AB Devilliers)અને આઈપીએલ(IPL)ના ચાહકો માટે સારા સમાચાર છે. એબી ડી વિલિયર્સ IPL 2023માં દેખાશે. જો કે તે ખેલાડી તરીકે જોવા નહીં મળે, પરંતુ એવું માનવામાં આવે છે કે રોયલ ચેલેન્જર્સ બેંગ્લોર (RCB) તેના ભૂતપૂર્વ ખેલાડીને કેટલીક મોટી જવાબદારી આપી શકે છે. એબી ડી વિલિયર્સ લાંબા સમયથી રોયલ ચેલેન્જર્સ બેંગ્લોર સાથે સંકળાયેલા હતા, પરંતુ હવે તે અન્ય ભૂમિકામાં જોવા મળી શકે છે.

'હું આવતા વર્ષે ચિન્નાસ્વામીમાં પરત ફરી રહ્યો છું'

એબી ડી વિલિયર્સે એક ટ્વિટ કર્યું છે. આ ટ્વીટમાં તેણે લખ્યું છે કે હું આવતા વર્ષે ચિન્નાસ્વામીમાં વાપસી કરી રહ્યો છું, પરંતુ એક ખેલાડી તરીકે નહીં. એબી ડી વિલિયર્સે ટ્વીટમાં આગળ લખ્યું કે હું રોયલ ચેલેન્જર્સ બેંગ્લોરના તમામ ચાહકોનો આભાર માનું છું, જેમણે લગભગ એક દાયકા સુધી એક ખેલાડી તરીકે મને સતત સમર્થન આપ્યું. તેણે એ વાતની પણ પુષ્ટિ કરી કે તે આવતા વર્ષે IPLમાં પરત ફરી રહ્યો છે, પરંતુ આ વખતે તે રોયલ ચેલેન્જર્સ બેંગ્લોર માટે નવી ભૂમિકામાં હશે.

IPLમાં ફરી જોવા મળશે એબી ડી વિલિયર્સ!

નોંધપાત્ર રીતે, એબી ડી વિલિયર્સ લાંબા સમયથી રોયલ ચેલેન્જર્સ બેંગ્લોર સાથે સંકળાયેલા હતા. વર્ષ 2011ની મેગા ઓક્શનમાં રોયલ ચેલેન્જર્સ બેંગ્લોરે એબી ડી વિલિયર્સને પોતાની સાથે જોડ્યો હતો. દક્ષિણ આફ્રિકાના ખેલાડી એબી ડી વિલિયર્સને IPLના સૌથી લોકપ્રિય ખેલાડીઓમાંથી એક માનવામાં આવે છે. સાથે જ આ ટૂર્નામેન્ટમાં એબી ડી વિલિયર્સનો રેકોર્ડ પણ શાનદાર રહ્યો છે. જો કે તેણે ગયા વર્ષે IPLને અલવિદા કહી દીધું હતું, પરંતુ હવે તે ફરી એકવાર IPLમાં અન્ય ભૂમિકામાં વાપસી કરી રહ્યો છે. 

ટીમ ઈન્ડિયામાં સ્થાન ના મળતાં પૃથ્વી શૉ થયો ભાવુક

ભારતીય ક્રિકેટ બોર્ડ (BCCI)એ રવિવારે આ વનડે સિરીઝ માટે ભારતીય ટીમની જાહેરાત કરી હતી. રસપ્રદ વાત એ છે કે આ ટીમમાં ઘણા નવા ખેલાડીઓનો સમાવેશ કરવામાં આવ્યો હતો. પરંતુ ટીમના જૂના ખેલાડી 22 વર્ષીય પૃથ્વી શૉને ટીમનો ભાગ બનાવવામાં આવ્યો ન હતો. શૉએ ટીમમાં પસંદ ન થવા પર પોતાનો વિચાર વ્યક્ત કર્યો હતો.

સાઉથ આફ્રિકા સામેની ODI સિરીઝમાં પસંદ ન થયા બાદ પૃથ્વી શૉએ તેના ઓફિશિયલ ઈન્સ્ટાગ્રામ એકાઉન્ટ પર એક સ્ટોરી શેર કરી હતી. આ સ્ટોરી શેર કરતાં તેણે લખ્યું, "તેમના શબ્દો પર નહીં, પરંતુ તેમની કામગીરી પર વિશ્વાસ કરો કારણ કે કામગીરી સાબિત કરશે કે શા માટે શબ્દોનો કોઈ અર્થ નથી." આ સમયે એ સ્પષ્ટ નથી થયું કે શૉએ આ સ્ટોરીને ટીમમાં પસંદ ન થવાના કારણે મૂકી છે કે પછી તેની પાછળ કોઈ અન્ય કારણ છે, પરંતુ ટીમમાં પૃથ્વી શૉની ગેરહાજરીને જોતાં લોકો આ સ્ટોરીને તેની સાથે જોડી રહ્યા છે.