લોર્ડ્સ વનડે પહેલા ટીમ ઈન્ડિયામાં ફેરફાર: સુંદર આઉટ, આ સ્ટાર ઓલરાઉન્ડરની થઈ એન્ટ્રી

India vs England ODI: ઈંગ્લેન્ડ સામેની નિર્ણાયક ત્રીજી વનડે માટે BCCIએ વોશિંગ્ટન સુંદરના રિપ્લેસમેન્ટ તરીકે યુવા ખેલાડી હર્ષ દુબેની જાહેરાત કરી.

bcci announces harsh dubey replacement for washington sundar lords odi

Source : सोशल मीडिया

Show Quick Read

Key points generated by AI, verified by newsroom

• ભારત-ઈંગ્લેન્ડ શ્રેણી 1-1 બરાબરી પર, નિર્ણાયક મેચ લોર્ડ્સમાં.
• શાનદાર ફોર્મમાં રહેલો વોશિંગ્ટન સુંદર ઈજાથી બહાર થયો.
• સુંદરે પ્રથમ વનડેમાં 52 રન બનાવી જીત અપાવી હતી.
• યુવા ઓલરાઉન્ડર હર્ષ દુબેને સુંદરના સ્થાને ટીમમાં સામેલ કરાયો.

Team India: ભારત અને ઈંગ્લેન્ડ વચ્ચે રમાઈ રહેલી ત્રણ મેચની વનડે શ્રેણી હાલ 1-1 ની બરાબરી પર છે. શ્રેણીની ત્રીજી અને નિર્ણાયક મેચ 19 જુલાઈએ ઐતિહાસિક લોર્ડ્સ મેદાન પર રમાવાની છે. પરંતુ આ મહામુકાબલા પહેલા જ ભારતીય ટીમને એક મોટો ફટકો પડ્યો છે. શાનદાર ફોર્મમાં ચાલી રહેલો સ્ટાર ઓલરાઉન્ડર વોશિંગ્ટન સુંદર ઈજાના કારણે ત્રીજી વનડેમાંથી બહાર થઈ ગયો છે. જોકે, BCCI એ તાત્કાલિક ધોરણે તેના રિપ્લેસમેન્ટની જાહેરાત કરતા યુવા ઓલરાઉન્ડર હર્ષ દુબેને ટીમમાં સામેલ કર્યો છે.

સુંદરની ઈજા પર BCCI એ શું કહ્યું?

BCCI દ્વારા જારી કરવામાં આવેલી મેડિકલ અપડેટ મુજબ, કાર્ડિફના સોફિયા ગાર્ડન્સ ખાતે રમાયેલી બીજી વનડે દરમિયાન વોશિંગ્ટન સુંદરને જમણા હેમસ્ટ્રિંગમાં (સાથળના ભાગે) ઈજા પહોંચી હતી. આ ઈજાને કારણે તે સિરીઝની આ અંતિમ મેચ રમી શકશે નહીં. હાલમાં મેડિકલ ટીમ તેની ઈજાનું મૂલ્યાંકન કરી રહી છે અને વધુ સારવાર માટે નિષ્ણાતોની સલાહ લેવામાં આવશે.

સુંદરની ગેરહાજરી ટીમ ઈન્ડિયા માટે મોટો ફટકો

વોશિંગ્ટન સુંદરનું બહાર થવું એ ટીમ ઈન્ડિયા માટે ખરેખર એક મોટો ફટકો છે. તેણે શ્રેણીની પ્રથમ વનડેમાં શાનદાર પ્રદર્શન કર્યું હતું, જ્યાં ભારતે ઈંગ્લેન્ડને 6 વિકેટે હરાવ્યું હતું. આ મેચમાં સુંદરે અક્ષર પટેલ (અણનમ 57 રન, 52 બોલ) સાથે મળીને 102 રનની મેચ-વિનિંગ ભાગીદારી નોંધાવી હતી. સુંદરે 63 બોલમાં અણનમ 52 રનની મહત્ત્વપૂર્ણ ઇનિંગ રમીને ટીમને જીત અપાવી હતી.

આ પણ વાંચોઃ મોડે સુધી જાગવા તૈયાર રહેજો! ભારત-ઇંગ્લેન્ડ વચ્ચે રમાનાર 2જી વનડેના સમયમાં મોટો ફેરફાર

કોણ છે યુવા ખેલાડી હર્ષ દુબે?

વોશિંગ્ટન સુંદરની જગ્યાએ ટીમમાં સ્થાન મેળવનાર હર્ષ દુબે એક સક્ષમ ઓલરાઉન્ડર છે. તે ડાબા હાથે ઓફ-સ્પિન બોલિંગ કરે છે અને બેટિંગમાં પણ યોગદાન આપવાની ક્ષમતા ધરાવે છે. તેણે આ વર્ષની શરૂઆતમાં જૂન મહિનામાં અફઘાનિસ્તાન સામેની શ્રેણીમાંથી પોતાનું આંતરરાષ્ટ્રીય વનડે ડેબ્યૂ કર્યું હતું. અત્યાર સુધી રમેલી 2 વનડે મેચમાં તેણે 4 વિકેટ ઝડપી છે. જોકે, તેને હજુ સુધી બેટિંગ કરવાની તક મળી નથી. હવે જોવાનું એ રહેશે કે 19 જુલાઈએ લોર્ડ્સમાં તેને પ્લેઈંગ ઈલેવનમાં તક મળે છે કે નહીં.

🚨 News 🚨

Harsh Dubey added to #TeamIndia's ODI squad as a replacement for injured Washington Sundar.

More Details 🔽 | #ENGvINDhttps://t.co/Y6LgzTJAyS

— BCCI (@BCCI) July 18, 2026

ત્રીજી વનડે માટે ભારતની અપડેટેડ ટીમ:

શુભમન ગિલ (કેપ્ટન), શ્રેયસ ઐયર (ઉપ-કેપ્ટન), રોહિત શર્મા, વિરાટ કોહલી, કેએલ રાહુલ (વિકેટકીપર), ઇશાન કિશન (વિકેટકીપર), અક્ષર પટેલ, શિવમ દુબે, કુલદીપ યાદવ, જસપ્રીત બુમરાહ, પ્રસિદ્ધ કૃષ્ણા, અર્શદીપ સિંહ, ગુરનુર બ્રાર, પ્રિન્સ યાદવ, હર્ષ દુબે

આ પણ વાંચોઃ વિશ્વ વિજેતા ક્રિકેટ ટીમનું બોર્ડ થયું કંગાળ, ICCએ આપી ₹123 કરોડની લોન