બેન સ્ટોક્સે જણાવ્યા ઇંગ્લેન્ડની હારના 2 સૌથી મોટા કારણો, જાણો સ્ટોક્સે હારનું ઠીકરું કોના માથે ફોડ્યું?
ભારત સામે 336 રનથી કારમા પરાજય બાદ સ્ટોક્સનું નિવેદન; ગિલ-જાડેજાની ભાગીદારી અને ખરાબ શરૂઆત બન્યા મુખ્ય કારણ.
Ben Stokes on England loss: લીડ્સ (Leeds) ટેસ્ટ હાર્યા બાદ ભારતીય (Indian) ટીમે શ્રેણીમાં 0-1 થી પાછળ હતી. બર્મિંગહામ (Birmingham) ખાતે રમાયેલી બીજી ટેસ્ટ મેચમાં કેપ્ટન શુભમન ગિલ (Shubman Gill) ની આગેવાની હેઠળ ભારત (India) એ શાનદાર વાપસી કરતા ઇંગ્લેન્ડ (England) ને 336 રનના વિશાળ અંતરથી હરાવ્યું અને શ્રેણી 1-1 થી બરાબર કરી લીધી. ઇંગ્લેન્ડ (England) ના કેપ્ટન બેન સ્ટોક્સ (Ben Stokes) માટે આ હાર આઘાતજનક રહી, ખાસ કરીને તેમનો પહેલા બોલિંગ કરવાનો નિર્ણય ટીમને ભારે પડ્યો. મેચ પછીની પ્રેઝન્ટેશનમાં સ્ટોક્સ (Stokes) એ તેમની ટીમની હારના બે સૌથી મોટા કારણો જણાવ્યા.
સ્ટોક્સ દ્વારા દર્શાવાયેલા હારના મુખ્ય કારણો
બેન સ્ટોક્સ એ તેમની ટીમની હાર માટે મુખ્યત્વે બે ક્ષણોને જવાબદાર ઠેરવી. તેમણે કહ્યું, "એવી 2 ક્ષણો હતી જે અમારી હારનું કારણ બની."
પ્રથમ કારણ: ભારતીય ટીમે 211 રનમાં 5 વિકેટ ગુમાવી દીધી હતી, પરંતુ તે પછી ઇંગ્લેન્ડની ટીમ તેમને સસ્તામાં આઉટ કરી શકી નહીં અને મેચમાં વાપસી કરી શકી નહીં. સ્ટોક્સ એ સ્વીકાર્યું કે જો તેઓ ભારતની વિકેટ ઝડપથી લેવામાં સફળ રહ્યા હોત, તો મેચનું પરિણામ અલગ હોત. આ એ જ તબક્કો હતો જ્યાં ભારતીય કેપ્ટન શુભમન ગિલ અને રવિન્દ્ર જાડેજા એ ઇંગ્લેન્ડના બોલરો પર વર્ચસ્વ જમાવ્યું હતું. તેમણે 203 રનની પ્રભાવશાળી ભાગીદારી નોંધાવી, જેમાં ગિલ એ 269 રન બનાવીને ટીમને 587 રનના વિશાળ સ્કોર સુધી પહોંચાડવામાં મદદ કરી.
બીજું કારણ: બેન સ્ટોક્સ એ પોતાની હારનું બીજું કારણ જણાવતા કહ્યું કે, "ભારતની પહેલી ઇનિંગના જવાબમાં, અમે 80 રનમાં 5 વિકેટ ગુમાવી દીધી હતી, આવી પરિસ્થિતિમાંથી બહાર આવવું હંમેશા મુશ્કેલ હોય છે." 608 રનના વિશાળ લક્ષ્યાંકનો પીછો કરતી વખતે ઇંગ્લેન્ડની શરૂઆત ખૂબ જ ખરાબ રહી હતી અને તેમની ટીમે શરૂઆતમાં જ નિયમિત અંતરાલે વિકેટો ગુમાવવાનું શરૂ કર્યું. સ્ટોક્સ અને જેમી સ્મિથ એ લાંબા સમય સુધી ભારતને જીતથી દૂર રાખવાનો પ્રયાસ કર્યો, પરંતુ સતત વિકેટો પડવાના કારણે ઇંગ્લેન્ડ મેચમાં વાપસી કરી શક્યું નહીં.
આમ, બેન સ્ટોક્સ એ સ્પષ્ટ કર્યું કે ભારતીય બેટ્સમેનોને ઓછી રનમાં ઓલઆઉટ ન કરી શકવા અને તેમની પોતાની ખરાબ શરૂઆત એ ઇંગ્લેન્ડની હારના મુખ્ય પરિબળો હતા.
ટોપ સ્ટોરી
ટ્રેન્ડિંગ સમાચાર
