Fact Check: શું ચેમ્પિયન્સ ટ્રોફીમાં ભારત સામે હાર બાદ રડવા લાગ્યો હતો ટ્રેવિસ હેડ? જાણો વાયરલ તસવીરની સત્યતા

વિશ્વાસ ન્યૂઝે તેની તપાસમાં શોધી કાઢ્યું કે ઓસ્ટ્રેલિયન ખેલાડી ટ્રેવિસ હેડ અને તેની પત્નીના વાયરલ ફોટા આર્ટિફિશિયલ ઇન્ટેલિજન્સ (AI) નો ઉપયોગ કરીને બનાવવામાં આવ્યા છે, જેને લોકો વાસ્તવિક માનીને શેર કરી રહ્યા છે.

ટ્રેવિસ હેડની એઆઈ જનરેટેડ તસવીર વાયરલ

Source : vishvasnews

Fact Check: 4 માર્ચ 2025 ના રોજ યોજાયેલી મેચમાં, ભારતીય ટીમે ઓસ્ટ્રેલિયન ટીમને હરાવીને ફાઇનલમાં પ્રવેશ કર્યો. આ દરમિયાન, ઓસ્ટ્રેલિયન ખેલાડી ટ્રેવિસ હેડની એક તસવીર સોશિયલ મીડિયા પર વાયરલ થઈ રહી છે, જેમાં તે ભાવુક થતો જોઈ શકાય છે. યુઝર્સ આ તસવીરોને વાસ્તવિક માનીને શેર કરી રહ્યા છે અને દાવો કરી રહ્યા છે કે મેચ હાર્યા પછી, ટ્રેવિસ હેડ ભાવુક થઈ ગયો અને તેની પત્ની સામે રડવા લાગ્યો.

વિશ્વાસ ન્યૂઝે તેની તપાસમાં આ દાવો ખોટો હોવાનું શોધી કાઢ્યો. ટ્રેવિસ હેડના તેની પત્ની સાથેના આ ફોટા અસલી નથી પણ નકલી છે, જે AI ટૂલ્સની મદદથી બનાવવામાં આવ્યા છે. યુઝર્સ આ તસવીરોને ખોટા દાવાઓ સાથે શેર કરી રહ્યા છે, તેમને સાચા સમજી રહ્યા છે.

તસવીર વાયરલ
ફેસબુક  યૂઝર દેશરાજ મીના અજબગઢે 5 માર્ચ, 2025 ના રોજ વાયરલ થયેલો ફોટો શેર કર્યો હતો અને કેપ્શનમાં લખ્યું હતું કે, “ગઈકાલની સેમિફાઇનલ મેચ પછી, ટ્રેવિસ હેડ ખૂબ જ ભાવુક થઈ ગયો અને મેદાનમાં તેની પત્ની સામે રડવા લાગ્યો, આ ફોટો ગઈકાલથી વાયરલ થઈ રહ્યો છે. તેને ખબર નથી કે તેણે ભારતના લોકોને કેટલા રડાવ્યા છે, એકવાર પોતાના પર આવ્યું તો ઉભા  ઉભા રડવા લાગ્યો. આ ફોટો જોયા પછી મને ખૂબ જ રાહત થાય છે, આ હેડ નથી, તે હંમેશા આપણો હેડેક રહ્યો છે.

ઘણા યુઝર્સે આ ફોટોને સાચો માનીને શેર કર્યો છે. પોસ્ટની આર્કાઇવ  લિંક અહીં જુઓ.

તપાસ
વાયરલ પોસ્ટની સત્યતા જાણવા માટે, આ તસવીરે ધ્યાનથી જોઈ. જેમાં જાણવા મળ્યું કે ફોટામાં ઘણી ખામીઓ હતી. બંને ચિત્રોની પૃષ્ઠભૂમિમાં ઝાંખપ છે અને તસવીરોમાં ચહેરાની રચનામાં તફાવત છે. ટ્રેવિસ હેડના ટી-શર્ટ પર એક તરફ ઓસ્ટ્રેલિયા લખેલું છે, જ્યારે બીજા ટી-શર્ટ પર એવું કંઈ લખેલું નથી. આવી સ્થિતિમાં, અમને શંકા હતી કે આ તસવીર AI છે.

અમે આ તપાસને આગળ વધારતા આ તસવીરને AIની મદદથી બનેલા મલ્ટીમીડિયાની તપાસ કરતા ટૂલ્સની મદદથી સર્ચ કર્યું. અમે હાઇવ મોડરેશનની મદદથી ફોટો પણ શોધ્યો. આ ટૂલથી ફોટો AI જનરેટ થવાની 88.7 ટકા શક્યતા હતી.

અમે બીજા ટૂલનો ઉપયોગ કરીને ફરીથી તસવીર શોધી. અમે સાઇટ એન્જિનનો ઉપયોગ કરીને તસવીર શોધી. આ ટૂલ એ પણ દર્શાવે છે કે ફોટો AI દ્વારા જનરેટ થવાની શક્યતા 99 ટકા હતી.

અમે AI ફોટો ડિટેક્શન ટૂલ્સ D Cop ટૂલની મદદથી પણ ફોટો શોધ્યો. આ ટૂલે આગાહી કરી હતી કે ફોટો AI વડે બનવાની 94.03 ટકા શક્યતા છે.

અમે વાયરલ પોસ્ટ એઆઈ અને ઉભરતી ટેકનોલોજીમાં કામ કરતા સંશોધક અઝહર માચવે સાથે શેર કરી. તેમણે ફોટોગ્રાફ્સને AI દ્વારા જનરેટ કરાયેલા ગણાવ્યા. તેમણે કહ્યું કે ફોટામાં લાઇટિંગ અને રંગ યોગ્ય નથી. આમાં દેખાતું પૃષ્ઠભૂમિ ઝાંખું છે અને બંને તસવીરોમાં ચહેરાની રચના અલગ છે. જેના પરથી સ્પષ્ટ થાય છે કે આ તસવીરો AI નો ઉપયોગ કરીને બનાવવામાં આવી છે.

અંતે, અમે ખોટા દાવા સાથે પોસ્ટ શેર કરનાર ફેસબુક યુઝરનું એકાઉન્ટ સ્કેન કર્યું. અમને જાણવા મળ્યું કે આ યુઝરને લગભગ 6 હજાર લોકો ફોલો કરે છે.

નિષ્કર્ષ: વિશ્વાસ ન્યૂઝે તેની તપાસમાં શોધી કાઢ્યું કે ઓસ્ટ્રેલિયન ખેલાડી ટ્રેવિસ હેડ અને તેની પત્નીના વાયરલ ફોટા આર્ટિફિશિયલ ઇન્ટેલિજન્સ (AI) નો ઉપયોગ કરીને બનાવવામાં આવ્યા છે, જેને લોકો વાસ્તવિક માનીને શેર કરી રહ્યા છે.

• Claim Review : મેચ હાર્યા પછી, ટ્રેવિસ હેડ ભાવુક થઈ ગયો અને તેની પત્ની સામે રડવા લાગ્યો.
• Claimed By : ફેસબુક યુઝર- દેશરાજ મીના અજબગઢ
• Fact Check: ખોટો

 

(ડિસ્ક્લેમર: આ સમાચારનું ફેક્ટ ચેક vishvasnewsએ કર્યુ છે, એબીપી અસ્મિતાએ શક્તિ કલેક્ટિવની સાથે ભાગીદારી અંતર્ગત આ ફેક્ટ ચેકમાં કોઇપણ ફેરફાર વિના પુનઃપ્રકાશિત કર્યુ છે)