રોહિત શર્મા બન્યો ICC મેન્સ T20 ટીમ ઓફ ધ યરનો કેપ્ટન, કેપ્ટન તરીકે રોહિતનો દબદબો
રોહિત શર્માની કેપ્ટનશીપમાં ભારતે જીત્યો T20 વર્લ્ડ કપ 2024નો ખિતાબ. કેપ્ટન તરીકે રોહિતનો દબદબો, 62માંથી 49 મેચમાં ભારતની જીત.
Rohit Sharma ICC T20 captain: રોહિત શર્માને ICC મેન્સ T20 ટીમ ઓફ ધ યરના કેપ્ટન તરીકે પસંદ કરવામાં આવ્યો છે. રોહિત શર્માની કેપ્ટનશીપમાં ભારતીય ટીમે T20 વર્લ્ડ કપ 2024નો ખિતાબ જીત્યો હતો અને આ સિદ્ધિને ધ્યાનમાં રાખીને ICC દ્વારા આ સન્માન આપવામાં આવ્યું છે. આ પહેલા ભારતીય ફાસ્ટ બોલર અર્શદીપ સિંહને ICC મેન્સ T20 પ્લેયર ઓફ ધ યરનો એવોર્ડ આપવામાં આવ્યો હતો.
ગયા વર્ષે રોહિત શર્માના નેતૃત્વમાં ભારતીય ટીમે T20 વર્લ્ડ કપ 2024નો ખિતાબ જીતીને ઇતિહાસ રચ્યો હતો. આ સાથે ભારતીય ટીમે બીજી વખત T20 વર્લ્ડ કપ પોતાના નામે કર્યો હતો. આ પહેલા ટીમ ઈન્ડિયાએ વર્ષ 2007માં મહેન્દ્ર સિંહ ધોનીની કેપ્ટનશીપમાં T20 વર્લ્ડ કપ જીત્યો હતો.
Congratulations to @ImRo45 who is named as the Captain of the ICC Men's T20I Team of the Year 2024 🫡🫡#TeamIndia pic.twitter.com/9B7MolwygQ
— BCCI (@BCCI) January 25, 2025
રોહિત શર્મા કેપ્ટન તરીકે ખૂબ જ સફળ સાબિત થયો હતો. આંકડા દર્શાવે છે કે ભારતીય T20 કેપ્ટન તરીકે રોહિત શર્માના આંકડા ખૂબ જ પ્રભાવશાળી રહ્યા છે. રોહિત શર્માની કેપ્ટનશીપમાં ભારતીય ટીમે કુલ 62 T20 મેચ રમી હતી, જેમાંથી ભારતીય ટીમે રેકોર્ડ 49 મેચમાં જીત મેળવી હતી. જો કે, T20 વર્લ્ડ કપ 2024 જીત્યા બાદ રોહિત શર્માએ આંતરરાષ્ટ્રીય T20 ફોર્મેટને અલવિદા કહી દીધું છે.
તે જ સમયે, ભારતીય ઝડપી બોલર અર્શદીપ સિંહને ICC મેન્સ ટી20 ક્રિકેટર ઓફ ધ યર પસંદ કરવામાં આવ્યો હતો. ગયા વર્ષે અર્શદીપ સિંહે T20 ફોર્મેટમાં અસાધારણ બોલિંગ કરી હતી. આ ફાસ્ટ બોલરે 18 T20 મેચમાં વિરોધી ટીમના 36 બેટ્સમેનોને આઉટ કર્યા હતા. એટલું જ નહીં, ગયા વર્ષે તે સૌથી વધુ T20 વિકેટ લેનારા ભારતીય બોલરોની યાદીમાં ટોચ પર હતો. ખાસ કરીને T20 વર્લ્ડ કપ 2024માં અર્શદીપ સિંહે પોતાના પ્રદર્શનથી સૌને પ્રભાવિત કર્યા હતા. ભારતીય ટીમે ફાઇનલમાં સાઉથ આફ્રિકાને હરાવીને ટાઇટલ જીત્યું હતું, જેમાં અર્શદીપ સિંહનો મહત્વનો ફાળો હતો.
ગત વર્ષે ઈન્ટરનેશનલ T20 ફોર્મેટમાં અર્શદીપ સિંહ કરતા માત્ર 4 બોલરોએ વધુ વિકેટ લીધી હતી. આ બોલરોમાં સાઉદી અરેબિયાના ઉસ્માન નજીબ, શ્રીલંકાના વેનેન્દુ હસરાંગા, અમેરિકાના જુનૈદ સિદ્દીકી અને હોંગકોંગના એહસાન ખાનનો સમાવેશ થાય છે. આ ચાર બોલરોએ આંતરરાષ્ટ્રીય T20 મેચોમાં અનુક્રમે 38, 38, 40 અને 46 વિકેટ લીધી હતી. આ પછી ભારતીય ફાસ્ટ બોલર અર્શદીપ સિંહે 36 વિકેટ પોતાના નામે કરી હતી.
આ પણ વાંચો...
અર્શદીપ સિંહે રચ્યો ઈતિહાસ, બાબરને હરાવીને T20નો સૌથી મોટો એવોર્ડ જીત્યો
ટોપ સ્ટોરી
ટ્રેન્ડિંગ સમાચાર
