સીએસકે માટે સારા સમાચાર, ધોનીની ટીમમાં આ સ્ટાર ખેલાડીની થશે વાપસી, જાણો વિગતે

એકપણ મેચ ના રમનારા તાહિરે કહ્યું આ વાતથી મને દુઃખ છે, પરંતુ હુ ટીમ માટે ડ્રિંક્સ લઇને જવુ છુ તે માટે ખુશ છું. તેનાથી મને કોઇ ફરક નથી પડતો

ફાઇલ તસવીર

નવી દિલ્હીઃ ઇન્ડિયન પ્રીમિયર લીગની 13 સિઝન અડધી પુરી થઇ ગઇ છે. તેમ છતાં ચેન્નાઇ સુપર કિંગ્સની ટીમ કંઇક ખાસ પ્રદર્શન નથી કરી શકી. ધોનીની ટીમ આ સિઝનમાં સૌથી ખરાબ પ્રદર્શન કરી રહી છે, ત્યારે આ બધાની વચ્ચે ટીમ માટે એક રાહતના સમાચાર સામે આવ્યા છે. ગઇ સિઝનમાં સૌથી વધુ વિકેટ લેનારા સ્ટાર ખેલાડી ઇમરાન તાહિર ફરીથી મોકો મળી શકે છે. ઉલ્લેખનીય છે કે આ સિઝનમાં ઇમરાન તાહિરને એકપણ મેચ રમવાનો મોકો નથી મળ્યો. એકપણ મેચ ના રમનારા તાહિરે કહ્યું આ વાતથી મને દુઃખ છે, પરંતુ હુ ટીમ માટે ડ્રિંક્સ લઇને જવુ છુ તે માટે ખુશ છું. તેનાથી મને કોઇ ફરક નથી પડતો. તાહિરે ટ્વીટ કરીને લખ્યું-જ્યારે હુ રમુ છુ ત્યારે કેટલાય ખેલાડી મારા માટે ડ્રિંક્સ લઇને આવે છે, હવે જ્યાર તે ખેલાડી હકદાર છે, તો તેના માટે મારી ફરજ છે કે હુ આવુ કરુ. આ મારા રમવા કે ના રમવાની વાત નથી. આ ટીમને જીતવાની વાત છે.જો મને મોકો મળશે તો હુ મારુ સર્વશ્રેષ્ઠ કરીશ, પણ મારા માટે ટીમ ખુબ મહત્વની છે. ચેન્નાઇની ટીમ ગઇ મેચમાં પિયુષ ચાવલા, રવિન્દ્ર જાડેજા અને કર્ણ શર્માને મોકો આપ્યો હતો, પરંતુ ઇમરાન તાહિરને મોકો ના અપાતા ફેન્સ ખુબ નિરાશ થયા હતા. જોકે ટીમના સીઇઓએ તાહિરને આગળની મેચમાં રમાડવાના સંકેત આપ્યા છે.

સીઇઓએ કહ્યું- ઇમરાન તાહિર અમારી ટીમનો સૌથી મહત્વપૂર્ણ ખેલાડી છે, ઇમરાન તાહિર આઇપીએલની મીડ સિઝન બાદ મુખ્ય ભૂમિકા નિભાવતો દેખાશે. તમે જુઓ બહુ જલ્દી ઇમરાન તાહિરને મેદાનમાં ઉતરવાનો મોકો મળશે.