IND vs AFG: વિરાટ કોહલી સતત ત્રીજી વખત ટોસ હાર્યો, ટીમ ઈન્ડિયામાં આ દિગ્ગજની વાપસી, જાણો Playing 11

અફઘાનિસ્તાન માટે ખરાબ સમાચાર એ છે કે સ્ટાર સ્પિનર ​​મુજીબ ઉર રહેમાન ઈજાના કારણે હજુ પણ ટીમનો ભાગ નથી.

ટીમ ઇન્ડિયા

India vs Afghanistan: અબુ ધાબીમાં રમાઈ રહેલા 2021 T20 વર્લ્ડ કપની સુપર 12 (Super 12) મેચમાં ભારતીય ક્રિકેટ ટીમના કેપ્ટન વિરાટ કોહલી ફરી એકવાર ટોસ હારી ગયા છે. અફઘાનિસ્તાનના કેપ્ટન મોહમ્મદ નબીએ ટોસ જીતીને પ્રથમ બોલિંગ કરવાનો નિર્ણય કર્યો હતો. ટીમ ઈન્ડિયા ફરી એકવાર પ્રથમ બેટિંગ કરશે. ભારતીય કેપ્ટને ટૂર્નામેન્ટમાં સતત ત્રીજી વખત ટોસ હાર્યો છે.

સિનિયર ઓફ સ્પિનર ​​રવિચંદ્રન અશ્વિન આજે ભારતીય ટીમમાં પરત ફર્યો છે. તેને 2021 T20 વર્લ્ડ (T20 World Cup) કપમાં પ્રથમ વખત પ્લેઈંગ ઈલેવનમાં સામેલ કરવામાં આવ્યો છે. આ સાથે સૂર્યકુમાર યાદવની પણ ટીમમાં વાપસી થઈ છે. તે જ સમયે, ઈશાન કિશન અને વરુણ ચક્રવર્તી આજે ટીમ ઈન્ડિયાનો ભાગ નથી.

અફઘાનિસ્તાન માટે ખરાબ સમાચાર એ છે કે સ્ટાર સ્પિનર ​​મુજીબ ઉર રહેમાન ઈજાના કારણે હજુ પણ ટીમનો ભાગ નથી. બીજી તરફ નામીબિયા સામેની મેચ બાદ આંતરરાષ્ટ્રીય ક્રિકેટને અલવિદા કહેનાર પૂર્વ કેપ્ટન અસગર અફઘાનના સ્થાને બોલિંગ ઓલરાઉન્ડર શર્ફુદ્દીન અશરફને તક મળી છે.

🚨 Team News 🚨

2⃣ changes for #TeamIndia as R Ashwin & Suryakumar Yadav are named in the team. #INDvAFG #T20WorldCup

Follow the match ▶️ https://t.co/42045c5J05

Here's our Playing XI 🔽 pic.twitter.com/QHICNk8Wjl

— BCCI (@BCCI) November 3, 2021

ભારતની પ્લેઈંગ ઈલેવન - કેએલ રાહુલ, રોહિત શર્મા, વિરાટ કોહલી (કેપ્ટન), સૂર્યકુમાર યાદવ, ઋષભ પંત (વિકેટકીપર), હાર્દિક પંડ્યા, રવિન્દ્ર જાડેજા, રવિચંદ્રન અશ્વિન, શાર્દુલ ઠાકુર, મોહમ્મદ શમી અને જસપ્રિત બુમરાહ.

અફઘાનિસ્તાનની પ્લેઈંગ ઈલેવન - હઝરતુલ્લાહ ઝાઝાઈ, મોહમ્મદ શહઝાદ (વિકેટકીપર), રહેમાનુલ્લા ગુરબાઝ, નજીબુલ્લાહ ઝદરાન, મોહમ્મદ નબી (કેપ્ટન), ગુલબદ્દીન નાયબ, શરાફુદ્દીન અશરફ, રાશિદ ખાન, કરીમ જનાત, નવીન-ઉલ-હક અને હામિદ હસન.