IND vs ENG: ત્રીજી ટેસ્ટમાં આ ખેલાડીને મળશે ડેબ્યૂની તક ? જાણો તેના વિશે
ભારત અને ઈંગ્લેન્ડ વચ્ચે પાંચ મેચની ટેસ્ટ શ્રેણીની ત્રીજી મેચ 15 ફેબ્રુઆરીથી રાજકોટમાં રમાશે. ભારતીય ટીમ આ મેચમાં ઘણા ફેરફારો સાથે પ્રવેશ કરી શકે છે.
India Playing 11 Vs 3rd Test: ભારત અને ઈંગ્લેન્ડ વચ્ચે પાંચ મેચની ટેસ્ટ શ્રેણીની ત્રીજી મેચ 15 ફેબ્રુઆરીથી રાજકોટમાં રમાશે. ભારતીય ટીમ આ મેચમાં ઘણા ફેરફારો સાથે પ્રવેશ કરી શકે છે. જો રિપોર્ટ્સનું માનીએ તો યુવા વિકેટકીપર ધ્રુવ જુરેલને ત્રીજી ટેસ્ટમાં ડેબ્યૂ કરવાની તક મળી શકે છે. વાસ્તવમાં કેએસ ભરતના સતત ફ્લોપ જવાને કારણે ભારતીય ટીમ માટે જુરેલનો રસ્તો સાફ થઈ ગયો છે.
પાંચ મેચોની ટેસ્ટ શ્રેણી હાલમાં 1-1થી બરાબર છે. હવે ત્રીજી ટેસ્ટ મેચ 15 થી 19 ફેબ્રુઆરી દરમિયાન રાજકોટના સૌરાષ્ટ્ર ક્રિકેટ એસોસિએશન સ્ટેડિયમમાં રમાશે. અહેવાલો અનુસાર રાજકોટમાં સ્પિન ટ્રેક જોવા મળી શકે છે.
ધ્રુવ જુરેલને ડેબ્યુ કરવાની તક મળી શકે છે
ઈંગ્લેન્ડ સામેની ત્રીજી ટેસ્ટમાં કેએસ ભરતના સ્થાને ધ્રુવ જુરેલને તક આપવામાં આવી શકે છે. ટાઈમ્સ ઓફ ઈન્ડિયાના અહેવાલ મુજબ ધ્રુવ જુરેલને ત્રીજી ટેસ્ટમાં ડેબ્યૂ કરવાની તક મળશે. ખરેખર, કેએસ ભરતના સતત ફ્લોપ જવાને કારણે જુરેલ માટે રસ્તો સરળ બની ગયો છે. ધ્રુવ જુરેલે અત્યાર સુધી 15 ફર્સ્ટ ક્લાસ મેચમાં 47ની એવરેજથી 790 રન બનાવ્યા છે. આ દરમિયાન તેના બેટમાંથી એક સદી અને પાંચ અડધી સદી આવી છે.
કેએસ ભરતના આંકડા
આ શ્રેણીની બે ટેસ્ટ મેચની ચાર ઇનિંગ્સમાં ભરતે માત્ર 92 રન બનાવ્યા છે. જો ભરતના ટેસ્ટ કરિયરની વાત કરીએ તો તે અત્યાર સુધીમાં સાત ટેસ્ટ મેચ રમી ચૂક્યો છે. આ દરમિયાન તેણે માત્ર 221 રન બનાવ્યા છે. ભરત સાત ટેસ્ટ મેચમાં એક પણ અડધી સદી ફટકારી શક્યો નથી. ટેસ્ટ ક્રિકેટમાં તેનો સર્વોચ્ચ સ્કોર 44 રન છે.
સરફરાઝ માટે તક મળવી મુશ્કેલ છે
સરફરાઝ ખાન માટે ત્રીજી ટેસ્ટમાં પણ તક મળવી મુશ્કેલ છે. માનવામાં આવી રહ્યું છે કે સરફરાઝે ડેબ્યૂ માટે વધુ રાહ જોવી પડી શકે છે. વાસ્તવમાં, કેપ્ટન રોહિત શર્મા ફરી એકવાર ચોથા નંબર પર રજત પાટીદારને તક આપી શકે છે.
કેએલ રાહુલની જગ્યાએ દેવદત્ત પડિકલને તક મળી શકે ?
મીડિયા રિપોર્ટ્સ અનુસાર, ત્રીજી ટેસ્ટમાં કેએલ રાહુલની જગ્યાએ કર્ણાટકના બેટ્સમેન દેવદત્ત પડીકલનું રમવાનું નિશ્ચિત છે. ખરેખર, ડોમેસ્ટિક ક્રિકેટમાં દેવદત્ત પડિકલનું તાજેતરનું ફોર્મ શાનદાર રહ્યું છે. આથી દેવદત્ત પડિકલ રાજકોટ ટેસ્ટમાં ટીમ ઈન્ડિયાની પ્લેઈંગ ઈલેવનનો ભાગ બની શકે છે. તમને જણાવી દઈએ કે ભારત અને ઈંગ્લેન્ડ વચ્ચે ત્રીજી ટેસ્ટ 15 ફેબ્રુઆરીથી રાજકોટમાં રમાશે.
ટોપ સ્ટોરી
ટ્રેન્ડિંગ સમાચાર
