હાર બાદ શ્રીલંકાને 'ટ્રિપલ' ઝટકો, ભારત વિરુદ્ધ બીજી ટેસ્ટમાંથી ત્રણ ખેલાડી બહાર

IND vs SL 2nd Test:  ટીમ ઈન્ડિયાએ ગાલેમાં પ્રથમ ટેસ્ટમાં યજમાન શ્રીલંકાને 165 રનથી હરાવ્યું. શ્રેણીની બીજી અને અંતિમ ટેસ્ટ 23 ઓગસ્ટે રમાશે, અને શ્રીલંકાને ત્રીજો ફટકો પડ્યો છે.

દિનેશને પ્રથમ ટેસ્ટમાં ફિલ્ડિંગ કરતી વખતે માથા અને ગરદનની ઈજા થઈ હતી

Source : PTI

Show Quick Read

Key points generated by AI, verified by newsroom

• ભારતે પ્રથમ ટેસ્ટમાં શ્રીલંકાને ૧૬૫ રનથી હરાવ્યું હતું.
• શ્રીલંકાના દિનેશ ચંદીમલ સહિત ત્રણ ખેલાડીઓ ઇજાગ્રસ્ત છે.
• મેન્ડિસ અને નિસાંકા પણ ઇજાને કારણે આગામી ટેસ્ટમાંથી બહાર.
• કોચ ગેરી કર્સ્ટને યુવા ખેલાડીઓ માટે આ તક ગણાવી.

IND vs SL 2nd Test:  ટીમ ઈન્ડિયાએ ગાલેમાં પ્રથમ ટેસ્ટમાં યજમાન શ્રીલંકાને 165 રનથી હરાવ્યું. શ્રેણીની બીજી અને અંતિમ ટેસ્ટ 23 ઓગસ્ટે રમાશે, અને શ્રીલંકાને ત્રીજો ફટકો પડ્યો છે. ત્રણ ખેલાડીઓ બહાર થઈ ગયા છે. તેમાંથી બે પહેલાથી જ બહાર હતા અને ત્રીજો ખેલાડી દિનેશ ચંદીમલ છે. શ્રીલંકાના મુખ્ય કોચ ગેરી કર્સ્ટને જણાવ્યું હતું કે દિનેશ આગામી ટેસ્ટ માટે ઉપલબ્ધ નથી. તેમણે કુસલ મેન્ડિસ સહિત અન્ય ખેલાડીઓની પણ ચર્ચા કરી, જેમને હેમસ્ટ્રિંગની ઈજા છે. ઓપનિંગ બેટ્સમેન પથુમ નિસાંકા પણ કાંડાની ઈજાને કારણે બહાર છે.

દિનેશ ચંદીમલને કેમ બહાર કરવામાં આવ્યો?

દિનેશને પ્રથમ ટેસ્ટમાં ફિલ્ડિંગ કરતી વખતે માથા અને ગરદનની ઈજા થઈ હતી. પાસિંદૂ સૂર્યાબંડારાને કન્કશન સબસ્ટિટ્યૂટ તરીકે લાવવામાં આવ્યો હતો, આ સાથે  પાસિંદુનું ટેસ્ટ ડેબ્યૂ પણ થયું હતું. હવે, દિનેશ ચંદીમલ બીજી ટેસ્ટમાંથી પણ બહાર છે.

ગેરી કર્સ્ટને શું કહ્યું

મીડિયા સાથે વાત કરતા ગેરી કર્સ્ટને કહ્યું હતું કે, "કુસલ મેન્ડિસને હેમસ્ટ્રિંગમાં ઈજા થઈ છે અને તે થોડા સમય માટે ઉપલબ્ધ રહેશે. દિનેશ પણ આગામી ટેસ્ટ માટે ઉપલબ્ધ નથી. પરંતુ યુવા ખેલાડીઓ માટે સારી તર મળશે અને પોતાની યોગ્યતા સાબિત કરવા માટે સારી તક પૂરી પાડશે."

આ રીતે પહેલી મેચનો માહોલ બન્યો

ટીમ ઈન્ડિયાએ ગેલ ટેસ્ટમાં પ્રભુત્વ જમાવ્યું હતું. ટોસ જીતીને બેટિંગ કરવાનો નિર્ણય લીધા પછી ભારતીય ટીમ 462 રનમાં ઓલઆઉટ થઈ ગઈ હતી. દેવદત્ત પડિક્કલે ટીમ માટે સૌથી વધુ 167 રન બનાવ્યા હતા. ત્યારબાદ શ્રીલંકાને તેમની પ્રથમ ઇનિંગમાં 284 રનમાં જ સમેટાઈ ગઈ હતી. આ સમયગાળા દરમિયાન માનવ સુથારે ભારત માટે સૌથી વધુ ચાર વિકેટ લીધી, જેનાથી ટીમ ઈન્ડિયાને 178 રનની લીડ મળી હતી. ત્યારબાદ ભારતીય ટીમ બીજી ઇનિંગમાં 193 રનમાં ઓલઆઉટ થઈ ગઈ, જેનાથી શ્રીલંકાને 372 રનનો લક્ષ્યાંક મળ્યો. તેનો પીછો કરતા શ્રીલંકાની ટીમ 206 રનમાં જ સમેટાઈ ગઈ હતી. આ રીતે ટીમ ઈન્ડિયા 165 રનથી જીતી ગઈ હતી.