IND vs SA 2nd Test Score : ભારતે બીજા દિવસે 58 રનની લીડ મેળવી, રહાણે-પુજારાના સહારે ટીમ ઈન્ડિયા
બીજી મેચમાં ભારતીય ટીમના સુકાની કેએલ રાહુલે ટોસ જીતીને બેટિંગ કરવાનો નિર્ણય લીધો હતો.
Background
IND vs SA: જોહાનિસબર્ગમાં ભારત અને દક્ષિણ આફ્રિકા વચ્ચે બીજી ટેસ્ટ મેચ રમાઈ રહી છે. ભારતીય ટીમના બેટ્સમેનો પ્રથમ દાવમાં સંપૂર્ણપણે ફ્લોપ રહ્યા હતા અને માત્ર 202 રન જ બનાવી શક્યા હતા. જવાબમાં દક્ષિણ આફ્રિકાની ટીમે પ્રથમ દિવસની રમત પૂરી થવા સુધી એક વિકેટના નુકસાને 35 રન બનાવી લીધા હતા. મેચનો બીજો દિવસ ઘણો મહત્વનો રહેવાનો છે. આ સમયે સમગ્ર બોજ ટીમ ઈન્ડિયાના બોલરો પર છે. છેલ્લી મેચમાં ભારતીય બોલરોએ દક્ષિણ આફ્રિકાને બંને દાવમાં 200 રન પહેલા ઓલઆઉટ કરી દીધું હતું. જો ટીમે આ મેચમાં પુનરાગમન કરવું હોય તો બોલરોએ ફરી એકવાર આવું જ પ્રદર્શન કરવું પડશે.
આવી હતી ભારતની પ્રથમ ઇનિંગ
બીજી મેચમાં ભારતીય ટીમના સુકાની કેએલ રાહુલે ટોસ જીતીને બેટિંગ કરવાનો નિર્ણય લીધો હતો. રાહુલ અને મયંક અગ્રવાલે ઇનિંગ્સની શરૂઆત કરી હતી. ટીમની પહેલી વિકેટ 36ના સ્કોર પર પડી હતી. આ પછી વિકેટો પડવાની પ્રક્રિયા શરૂ થઈ અને ભારતીય બેટ્સમેનો એક પછી એક પેવેલિયન પરત ફર્યા. કેપ્ટન કેએલ રાહુલે 50 રન બનાવ્યા હતા જ્યારે રવિચંદ્રન અશ્વિને 46 રનનું યોગદાન આપ્યું હતું. આ સિવાય ટીમનો કોઈ બેટ્સમેન મોટો સ્કોર બનાવી શક્યો નહોતો.
ટીમ ઈન્ડિયા બીજી ઈનિંગમાં 58 રનની લીડ
બીજી ઈનિંગમાં ભારતનો સ્કોર 85/2 છે. અત્યારે ચેતેશ્વર પુજારા અને અજિંક્ય રહાણે ક્રીઝ પર છે. જ્યારે કેપ્ટન કે.એલ.રાહુલ 8 રન અને મયંક અગ્રવાલ 23 રન કરી આઉટ થઈ ગયા છે. ટીમ ઈન્ડિયા બીજી ઈનિંગમાં 58 રનની લીડ મળી છે.
ટીમ ઈન્ડિયાને બીજો ઝટકો લાગ્યો
ટીમ ઈન્ડિયાને બીજો ઝટકો લાગ્યો છે. મયંક અગ્રવાલ 23 રન બનાવી આઉટ થઈ ગયો છે. ચેતેશ્વર પૂજારા અને રહાણે હાલ રમતમાં છે.
ટોપ સ્ટોરી
ટ્રેન્ડિંગ સમાચાર
