ભારતના આ સ્ટાર બોલરે પોતાના ગામમાં બનાવ્યું ક્રિકેટ સ્ટેડિયમ, દિનેશ કાર્તિકે ઉદ્ધાટન કર્યું, બાળકોને મળશે ટ્રેનિંગ

ભારતીય સ્ટાર ફાસ્ટ બોલર ટી નટરાજને પોતાના ગામમાં પોતાનું ક્રિકેટ સ્ટેડિયમ બનાવ્યું છે. નટરાજન અને તેમના કોચનું સ્વપ્ન હતું કે તેઓ તેમના ગામમાં બાળકો અને યુવા ખેલાડીઓ માટે મેદાન બનાવે.

તસવીર સોશિયલ મીડિયા

T Natarajan' Cricket Ground: ભારતીય સ્ટાર ફાસ્ટ બોલર ટી નટરાજને પોતાના ગામમાં પોતાનું ક્રિકેટ સ્ટેડિયમ બનાવ્યું છે. નટરાજન અને તેમના કોચનું સ્વપ્ન હતું કે તેઓ તેમના ગામમાં બાળકો અને યુવા ખેલાડીઓ માટે મેદાન બનાવે. હવે નટરાજને પોતાનું અને પોતાના કોચનું આ સપનું સાકાર કર્યું છે. ગત 23 જૂન શુક્રવારે નટરાજનના આ મેદાનનું ઉદ્ઘાટન કરવામાં આવ્યું હતું.

ભારતીય સ્ટાર બેટ્સમેન દિનેશ કાર્તિક મેદાનનું ઉદ્ઘાટન કરવા પહોંચ્યા હતા. દિનેશ કાર્તિકે રિબન કાપીને આ સ્ટેડિયમનું ઉદ્ઘાટન કર્યું હતું. ટી નટરાજને આ સ્ટેડિયમ સાલેમ જિલ્લાના તેમના ગામ ચિન્નામપટ્ટીમાં શરૂ કર્યું હતું. મેદાનના ઉદ્ઘાટન સમારોહની તસવીરો સોશિયલ મીડિયા પર ઝડપથી વાયરલ થઈ રહી છે. તસવીરોમાં દિનેશ કાર્તક અને ટી નટરાજન સાથે ગુજરાત ટાઇટન્સનો ખેલાડી સાઇ કિશોર પણ જોવા મળ્યો હતો. તે નટરાજનની બાજુમાં ઊભેલો જોવા મળ્યો હતો.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sai Kishore (@saik_99)

આ સુવિધાઓ ગ્રાઉન્ડમાં  છે

મીડિયા રિપોર્ટ્સ અનુસાર ગ્રાઉન્ડ પર કુલ ચાર પિચ બનાવવામાં આવી છે. આ ઉપરાંત અહીં જીમ અને કેન્ટીનની સુવિધા પણ ઉપલબ્ધ છે.  ગ્રાઉન્ડમાં 100 બેઠકો સાથેનું સ્ટેન્ડ પણ બનાવવામાં આવ્યું છે, જ્યાં લોકો બેસીને મેચની મજા માણી શકશે. ટી નટરાજન પોતે અહીં યુવા ખેલાડીઓ અને બાળકોને કોચિંગ આપશે.

ઉદ્ધાટન સમારોહમાં આ લોકો ઉપસ્થિત રહ્યા

મેદાનના ઉદ્ઘાટન સમારોહમાં તમિલનાડુ ક્રિકેટ એસોસિએશનના પ્રમુખ પી. અશોક સિગમાની અને અભિનેતા યોગી બાબુ સહિત ઘણા લોકો હાજર હતા. આ સિવાય ભારતીય ખેલાડીઓ વોશિંગ્ટન સુંદર અને વરુણ ચક્રવર્તી પણ આ ઈવેન્ટનો ભાગ હતા.

ટી નટરાજને ભારત માટે ત્રણેય ફોર્મેટ રમ્યા છે

ડીસેમ્બર 2020માં ડેબ્યૂ કરનાર ટી નટરાજન અત્યાર સુધી તેની આંતરરાષ્ટ્રીય કારકિર્દીમાં 1 ટેસ્ટ, 2 વનડે અને 4 ટી20 ઈન્ટરનેશનલ રમી ચૂક્યો છે. તેણે ટેસ્ટ અને વનડેમાં 3-3 વિકેટ અને T20 ઈન્ટરનેશનલમાં 7 વિકેટ લીધી છે. તેણે તેની છેલ્લી આંતરરાષ્ટ્રીય મેચ માર્ચ 2021માં રમી હતી. તે 2 વર્ષથી વધુ સમયથી ટીમની બહાર છે. જ્યારે નટરાજન આઈપીએલમાં સનરાઈઝર્સ હૈદરાબાદ તરફથી રમે છે.