Vav By Election Result 2024 : ગુલાબસિંહને પછાડી ભાજપના સ્વરૂપજી ઠાકોરની 2442 મતથી જીત

Vav By Election Result 2024 : ગુલાબસિંહને પછાડી ભાજપના સ્વરૂપજી ઠાકોરની 2442 મતથી જીત

બનાસકાંઠા જિલ્લાની વાવ બેઠક પર ભાજપની જીત થઈ છે. ભારે રસાકસીના અંતે ભાજપ ઉમેદવાર સ્વરૂપજી ઠાકોરની 2442 મતથી વિજય થયો છે. કુલ 24 માંથી 21 રાઉન્ડ સુધી કોંગ્રેસ ઉમેદવાર ગુલાબસિંહ રાજપૂત આગળ હતા, પરંતુ છેલ્લા ત્રણ રાઉન્ડમાં બાજી પલટાઈ અને ગુલાબસિંહ રાજપૂતની 2442 મતથી હાર થઈ. ભાજપ ઉમેદવાર સ્વરૂપજી ઠાકોરને 92,176 વોટ મળ્યા, જ્યારે કોંગ્રેસ ઉમેદવારને 82,734 વોટ મળ્યા, તો અપક્ષ ઉમેદવાર માવજી પટેલને 27,195 વોટ મળ્યા. ગેનીબેન ઠાકોરે હારની જવાબદારી સ્વીકારી હતી, તો ગુલાબસિંહે કહ્યું કે, જ્યાં અમારે ક્યાંક ને ક્યાંક ખામી રહી ગઈ છે. આયોજનની અંદર મતદાન કરાવવાની અંદર એ ક્યાંક ને ક્યાંક અમારી તૂટીના લીધે. અમે ચૂંટણીની અંદર અત્યારે પાછળ છીએ હજાર વોટે અને લોકો જે ચુકાદો આપ્યો છે અમે સ્વીકારીએ છીએ અને આગામી સમયમાં આની અમે સમીક્ષા કરશું કે ક્યાં અમારી ખામી રહી ગઈ. જે રીતે શરૂઆતથી જ આગળ હતા અને ભાભરની અંદર જે અમારી ગણતરી કરતાં થોડાક ભાજપને વધુ વોટ મળ્યા છે.