INDW vs BANW: ભારતે બાંગ્લાદેશને 5 વિકેટથી હરાવ્યું, T20 વર્લ્ડ કપમાં ટીમ ઈન્ડિયાની સેમિફાઈનલની આશા જીવંત
ભારતે બાંગ્લાદેશને 5 વિકેટથી હરાવ્યું. આ જીતથી ટીમ ઈન્ડિયાની મહિલા T20 વર્લ્ડ કપ 2026 ના સેમિફાઇનલમાં પહોંચવાની શક્યતા વધી ગઈ છે.
- ભારતે બાંગ્લાદેશને 5 વિકેટે હરાવી જીત મેળવી.
- શેફાલી વર્માએ 53 રન કર્યા, જેમીમા રોડ્રિગ્સે 26 બનાવ્યા.
- 136 રનના લક્ષ્યનો પીછો 17મી ઓવરમાં સફળતાપૂર્વક કર્યો.
- સેમિફાઇનલમાં પહોંચવા 28 જૂને ઓસ્ટ્રેલિયાને હરાવવું અનિવાર્ય.
ભારતે બાંગ્લાદેશને 5 વિકેટથી હરાવ્યું. આ જીતથી ટીમ ઈન્ડિયાની મહિલા T20 વર્લ્ડ કપ 2026 ના સેમિફાઇનલમાં પહોંચવાની શક્યતા વધી ગઈ છે. પહેલા બેટિંગ કરતા બાંગ્લાદેશે 136 રન બનાવ્યા. જવાબમાં, ભારતીય ટીમે 17મી ઓવરમાં લક્ષ્ય હાંસલ કરી લીધું અને સરળ વિજય મેળવ્યો. ટીમ ઈન્ડિયા માટે શેફાલી વર્માએ 53 રનની ધમાકેદાર ઇનિંગ રમી હતી. જ્યારે મેચ રસાકસી તરફ જઈ રહી હતી ત્યારે જેમીમા રોડ્રિગ્સે બેટિંગથી તબાહી મચાવતા ભારતનો વિજય સુનિશ્ચિત કર્યો.
શેફાલી વર્મા અને જેમીમા રોડ્રિગ્સનો કહેર જોવા મળ્યો
137 રનના લક્ષ્યનો પીછો કરતા, ટીમ ઈન્ડિયાએ સ્મૃતિ મંધાના (8 રન)ની વિકેટ વહેલા ગુમાવી દીધી. જોકે, શેફાલી વર્માએ લગભગ 156 ના ધમાકેદાર સ્ટ્રાઈક રેટથી 53 રનની અડધી સદી ફટકારી. શેફાલીની શક્તિશાળી અડધી સદીએ ટીમ ઈન્ડિયાને મજબૂત શરૂઆત અપાવી અને તેણે યાસ્તિકા ભાટિયા સાથે 45 રનની મૂલ્યવાન ભાગીદારી કરી.
Continuing her fiery form 🔥
— BCCI Women (@BCCIWomen) June 25, 2026
Player of the Match Shafali Verma with yet another impactful performance in the #T20WorldCup 👏
Scorecard ▶️ https://t.co/mWgNXcEkp0#TeamIndia | #WomenInBlue | #INDvBAN | @TheShafaliVerma pic.twitter.com/jgwPZjSIZN
ભારતીય બેટ્સમેનોએ વચ્ચેની ઓવરોમાં સંઘર્ષ કરતા જોવા મળ્યા હતા. એક સમયે, તેમણે 76 રન પર ફક્ત એક જ વિકેટ ગુમાવી હતી, પરંતુ આગામી 22 રનમાં ત્રણ બેટ્સમેન આઉટ થવાથી ભારતીય ટીમ બેકફુટ પર આવી ગઈ હતી. 14મી ઓવરના અંત સુધીમાં પણ ટીમ ઈન્ડિયા ખૂબ જ ધીમા રન રેટથી રમી રહી હતી.
14મી ઓવર પછી, ડ્રિંક્સ બ્રેક હતો અને જ્યારે રમત ફરી શરૂ થઈ ત્યારે જેમીમા રોડ્રિગ્સે પોતાની શાનદાર બેટિંગ કરવામાં શરૂ કર્યું. રોડ્રિગ્ઝના તોફાનને કારણે, ટીમ ઈન્ડિયાએ ડ્રિંક્સ બ્રેક પછીના નવ બોલમાં 24 રન ઉમેર્યા અને મોટી જીત તરફ આગળ વધ્યું. રોડ્રિગ્ઝે 15 બોલમાં 26 રન બનાવ્યા.
આ પણ વાંચો- IND vs IRE: ભારત-આયર્લેન્ડ T20 સિરીઝના સમયમાં થયો ફેરફાર, જાણો હવે કેટલા વાગ્યે શરૂ થશે મેચ
સેમિફાઇનલની આશા જીવંત છે
બાંગ્લાદેશ પરની આ જીત પછી, ભારત ગ્રુપ A પોઈન્ટ ટેબલમાં 6 પોઈન્ટ સાથે બીજા સ્થાને છે. બીજી તરફ, દક્ષિણ આફ્રિકાના 4 પોઈન્ટ છે અને તેની આગામી બે મેચ બાંગ્લાદેશ અને નેધરલેન્ડ્સ સામે છે. 8 પોઈન્ટ સુધી પહોંચવું આફ્રિકા માટે સરળ છે. તેથી, ભારતે 28 જૂને ઓસ્ટ્રેલિયાને કોઈપણ કિંમતે હરાવવું પડશે.
ટોપ સ્ટોરી
ટ્રેન્ડિંગ સમાચાર
