IPL Auction 2022: મેગા ઓક્શનમાં છવાઈ આ બે એંકર, જાણો કોણ છે દિશા ઓબેરોય અને ભાવના બાલાકૃષ્ણન

મેગા ઓક્શનમાં બંને એન્કરો ચર્ચામાં રહી હતી.  અહીં અમે આ બે એન્કર વિશે જણાવી રહ્યા છીએ.

IPL 2022 મેગા ઓક્શન દરમિયાન સ્ટાર સ્પોર્ટ્સ એન્કર ખૂબ ચર્ચામાં રહી હતી. મેગા ઓક્શનના પહેલા દિવસે ઘણા મોટા ખેલાડીઓની બોલી લાગી હતી અને ઈશાન કિશન આ ઓક્શનનો સૌથી મોંઘો ખેલાડી બન્યો હતો. તેને મુંબઈ ઈન્ડિયન્સે 15.25 કરોડ રૂપિયામાં ખરીદ્યો હતો. દરમિયાન મેગા ઓક્શનમાં બંને એન્કરો ચર્ચામાં રહી હતી.  અહીં અમે આ બે એન્કર વિશે જણાવી રહ્યા છીએ. કોણ છે આ બે એન્કર? તેમની કારકિર્દી કેવી રીતે શરૂ થઈ અને ક્યારેથી બંને આ કામ કરી રહ્યા છે.

સ્ટારની આ બે એન્કરના નામ છે દિશા ઓબેરોય અને ભાવના બાલકૃષ્ણન. દિશા પહેલા રેડિયોમાં કામ કરતી હતી અને હવે એન્કરિંગની દુનિયામાં આવી ગઈ છે. જ્યારે ભાવના પહેલા કોમેન્ટેટર હતી અને હવે એન્કરિંગ કરી રહી છે.

દિશા દિલ્હીની રહેવાસી છે. તેણે પોતાની કારકિર્દીની શરૂઆત રેડીયો જોકી તરીકે કરી હતી. તેણે રેડ એફએમ 93.5 માટે પણ કામ કર્યું છે. રેડિયો જોકી તરીકે પોતાની ઓળખ બનાવ્યા પછી તેણે એન્કરિંગ શરૂ કર્યું.  દિશાએ હવે એન્કર તરીકે પણ પોતાની જાતને સ્થાપિત કરી લીધી છે. ખાસ કરીને IPL મેગા ઓક્શનનો હિસ્સો બન્યા બાદ મોટી સંખ્યામાં લોકો તેને જાણવા લાગ્યા છે.  વર્ષ 2020માં દિશાને નેશનલ મીડિયા એવોર્ડથી પણ સન્માનિત કરવામાં આવી હતી. રેડિયોમાં તેના તેજસ્વી કાર્ય માટે કર્ણાટક વુમન્સ અચીવર્સ એવોર્ડ પણ આપવામાં આવ્યો હતો.

ભાવના બાલક્રિષ્નન ચેન્નાઈની રહેવાસી છે. કોમેન્ટેટર તરીકે ઓળખ બનાવીને તેણે એન્કરિંગની દુનિયામાં પ્રવેશ કર્યો. 36 વર્ષની ભાવના પરિણીત છે. નિખિલ રમેશ તેના પતિ છે.  ભાવનાની ઓળખ વીજે ભાવનાના નામ કરતાં વધુ છે. ટીવીમાં એન્કરિંગ ઉપરાંત, તે ક્રિકેટમાં કોમેન્ટેટર અને વીડિયો જોકી તરીકે પણ કામ કરે છે. તે પ્લેબેક સિંગર અને ડાન્સર પણ છે.  ભાવના ભારતની સૌથી લોકપ્રિય રમત પત્રકારોમાંની એક છે. મહિલા સ્પોર્ટ્સ પત્રકારોની વાત કરીએ તો, સ્ટુઅર્ટ બિન્નીની પત્ની મયંતી લેંગર પછી વીજે ભાવના સૌથી લોકપ્રિય પત્રકાર છે.  ભાવના સોશિયલ મીડિયા પર પણ ઘણી એક્ટિવ છે. ઈન્સ્ટાગ્રામ પર તેના અડધા મિલિયનથી વધુ ફોલોઅર્સ છે. તેણે ભરતનાટ્યમ નૃત્ય પણ શીખ્યું છે.