Nicholas Pooran: લીગ ક્રિકેટની આડમાં વધુ એક કરિયર ખત્મ, ફક્ત 29 વર્ષના નિકોલસ પૂરને લીધી નિવૃતિ
Nicholas Pooran: પૂરન વેસ્ટ ઈન્ડિઝ માટે ટી-20 ક્રિકેટમાં સૌથી વધુ રન બનાવનાર ખેલાડી છે.
Nicholas Pooran: વેસ્ટ ઈન્ડિઝના દિગ્ગજ બેટ્સમેન નિકોલસ પૂરને સોમવારે આંતરરાષ્ટ્રીય ક્રિકેટમાંથી નિવૃત્તિ લીધી હતી. તેણે 29 વર્ષની ઉંમરે આ નિર્ણય લીધો હતો. પૂરન વેસ્ટ ઈન્ડિઝ માટે ટી-20 ક્રિકેટમાં સૌથી વધુ રન બનાવનાર ખેલાડી છે. તેણે ઈન્સ્ટાગ્રામ પર એક ભાવનાત્મક પોસ્ટ દ્વારા આ માહિતી આપી હતી. તેણે કહ્યું કે આ નિર્ણય લેવો ખૂબ મુશ્કેલ હતું, પરંતુ તેણે ઘણો વિચાર કર્યા પછી આ નિર્ણય લીધો છે.
View this post on Instagram
પૂરન અચાનક નિવૃત્ત થયો
નિકોલસ પૂરને તેની પોસ્ટમાં લખ્યું હતું કે, 'મરૂન જર્સી પહેરીને, રાષ્ટ્રગીત માટે ઉભા રહીને અને દરેક વખતે મેદાન પર મારું સર્વસ્વ આપીને. મારા માટે તેનો શું અર્થ છે તે શબ્દોમાં વર્ણવવું મુશ્કેલ છે.' તેણે આગળ લખ્યું, 'ટીમનો કેપ્ટન બનવું એ એક સન્માન છે જેને હું હંમેશા મારા હૃદયની નજીક રાખીશ.'
પૂરન એક ખતરનાક ખેલાડી છે
પૂરનની કારકિર્દી ઘણા ઉતાર-ચઢાવથી ભરેલી હતી. તેણે ટી-20 માં સૌથી વધુ રન બનાવનાર ખેલાડી બનવાનો રેકોર્ડ બનાવ્યો હતો. 2019માં તેને અફઘાનિસ્તાન સામે બોલ ટેમ્પરિંગના આરોપસર થોડા સમય માટે સસ્પેન્ડ પણ કરવામાં આવ્યો હતો. જોકે, તે ટૂંક સમયમાં પાછો ફર્યો અને કિરોન પોલાર્ડની ગેરહાજરીમાં ટીમનું નેતૃત્વ પણ સંભાળ્યું. તેની કેપ્ટનશીપ હેઠળ વેસ્ટ ઈન્ડિઝે ઓસ્ટ્રેલિયાને 4-1થી હરાવ્યું હતુ. 2022માં તેને કાયમી ધોરણે વ્હાઇટ-બોલ ટીમનો કેપ્ટન બનાવવામાં આવ્યો. પરંતુ ઓસ્ટ્રેલિયામાં આયોજિત ટી-20 વર્લ્ડ કપમાં ટીમના ખરાબ પ્રદર્શન બાદ તેણે કેપ્ટનશીપ છોડી દીધી હતી.
તેની કારકિર્દી શાનદાર રહી
પૂરને 106 ટી-2 મેચોમાં 2,275 રન બનાવ્યા હતા. તેનો સ્ટ્રાઇક રેટ ખૂબ જ સારો હતો, જેના કારણે તે હંમેશા વિરોધી ટીમ માટે ખતરો રહ્યો હતો. તેણે 61 વન-ડે મેચ પણ રમી હતી જેમાં તેણે ત્રણ સદી ફટકારી હતી. તેણે 2019 વર્લ્ડ કપમાં વેસ્ટ ઈન્ડિઝનું પ્રતિનિધિત્વ પણ કર્યું હતું. પૂરનની નિવૃત્તિ પછી ઘણા ક્રિકેટ દિગ્ગજોએ તેને શુભેચ્છા પાઠવી છે. બધાએ તેની શાનદાર કારકિર્દીની પ્રશંસા કરી છે.
ટોપ સ્ટોરી
ટ્રેન્ડિંગ સમાચાર
