PCB: વિરાટ કોહલીના મિત્રને પાકિસ્તાને બનાવ્યાં હેડ કોચ, જાણો કોણ છે આ IPL રમી ચૂકેલા ખેલાડી

Pakistan New Head Coach 2025: પાકિસ્તાન ક્રિકેટ ટીમે પોતાના નવા મુખ્ય કોચ તરીકે એક વ્યક્તિને નિયુક્ત કર્યા છે જેમણે IPLમાં RCB ટીમમાં વિરાટ કોહલી સાથે કામ કર્યું છે.

IND vs PAK

Source : PTI

Head coach of pakistan national cricket team: પાકિસ્તાન ક્રિકેટ ટીમની આગામી આંતરરાષ્ટ્રીય શ્રેણી બાંગ્લાદેશ સાથે છે. તે બાંગ્લાદેશ સામે ઘરેલુ મેદાન પર 5 મેચની T20 શ્રેણી રમશે, જે 25 મેથી શરૂ થવા જઈ રહી છે. અગાઉ, PCB (પાકિસ્તાન ક્રિકેટ બોર્ડ) એ નવા મુખ્ય કોચની જાહેરાત કરી છે.

PCB એ નવા મુખ્ય કોચ તરીકે એક અનુભવી ખેલાડીની પસંદગી કરી છે, જેમણે IPL ની RCB ટીમમાં વિરાટ કોહલી સાથે કામ કર્યું છે. તેઓ રોયલ ચેલેન્જર્સ બેંગ્લોર ટીમના મુખ્ય કોચ રહી ચૂક્યા છે. પાકિસ્તાન સુપર લીગના અંત પછી તે પાકિસ્તાન ટીમમાં જોડાશે. તેમનો કાર્યકાળ 26 મેથી શરૂ થશે, જોકે તેઓ હજુ પણ પાકિસ્તાનમાં છે.

માઈક હેસન બન્યા પાકિસ્તાનના નવા મુખ્ય કોચ

માઈક હેસનને પાકિસ્તાન ક્રિકેટની વ્હાઇટ-બોલ ટીમના નવા મુખ્ય કોચ તરીકે નિયુક્ત કરવામાં આવ્યા છે. તે હાલમાં પાકિસ્તાનમાં છે, જ્યાં તે PSL ટીમ ઇસ્લામાબાદ યુનાઇટેડ સાથે છે. હેસન પહેલા, આકિબ જાવેદ 5 મહિના માટે વચગાળાના કોચની ભૂમિકામાં હતા. ગેરી કર્સ્ટનના અચાનક રાજીનામા બાદ આકિબે કોચનું પદ સંભાળ્યું હતું.

5૦ વર્ષીય માઈક હેસનને કોચિંગનો ઘણો અનુભવ છે. તેમણે લગભગ 6 વર્ષ (2012 થી 2018) સુધી ન્યુઝીલેન્ડના મુખ્ય કોચનું પદ સંભાળ્યું. આ પછી તેણે IPLમાં પણ કામ કર્યું.

માઈક હેસન 2019 માં RCB ટીમમાં જોડાયા, તેઓ 2023 સુધી ટીમ સાથે રહ્યા. જોકે, આટલા વર્ષોમાં પણ રોયલ ચેલેન્જર્સ બેંગ્લોર ટાઇટલ જીતી શક્યું નહીં. PCB એ સત્તાવાર રીતે માઇક હેસનની નિમણૂકની જાહેરાત કરી પરંતુ તેઓ કેટલા સમય માટે રહેશે, કરાર કેટલો સમયનો છે? તેનો ખુલાસો કરવામાં આવ્યો ન હતો. એવું માનવામાં આવે છે કે હેસનનો કરાર 2 વર્ષનો છે.

પાકિસ્તાન ક્રિકેટ ટીમની આગામી શ્રેણી

પાકિસ્તાનના મુખ્ય કોચ તરીકે માઈક હેસનની પહેલી શ્રેણી બાંગ્લાદેશ સામે હશે. 25 મેથી  શરૂ થતી આ શ્રેણીમાં  ટી 20 મેચ રમાશે. આ પછી ટીમને વેસ્ટ ઈન્ડિઝનો પ્રવાસ કરવાનો છે.

પીસીબીના ચેરમેન મોહસીન નકવીએ મુખ્ય કોચની નિમણૂક અંગે કહ્યું, "મને ન્યૂઝીલેન્ડના ભૂતપૂર્વ ક્રિકેટર અને પ્રખ્યાત કોચ માઈક હેસનની પાકિસ્તાન પુરુષ ટીમના વ્હાઇટ-બોલ મુખ્ય કોચ તરીકે નિમણૂકની જાહેરાત કરતા આનંદ થઈ રહ્યો છે."

પાકિસ્તાન વિરુદ્ધ બાંગ્લાદેશ ટી20 શ્રેણીનું સમયપત્રક

• પહેલી મેચ: 25 મે (ઇકબાલ સ્ટેડિયમ)
• બીજી મેચ: 27 મે (ઇકબાલ સ્ટેડિયમ)
• ત્રીજી મેચ: 30 મે (ગદ્દાફી સ્ટેડિયમ)
• ચોથી મેચ: ૦1 જૂન (ગદ્દાફી સ્ટેડિયમ)
• પાંચમી મેચ: ૦3 જૂન (ગદ્દાફી સ્ટેડિયમ)