ઇંગ્લેન્ડ સામેની ઘરેલુ સીરીઝમાંથી પણ બહાર થયો આ સ્ટાર બેટ્સમેન, જાણો વિગતો

ઉલ્લેખનીય છે કે ત્રીજી ટેસ્ટની પ્રથમ ઈનિંગમાં બેટિંગ દરમિયાન ફાસ્ટ બોલર મિશેલ સ્ટાર્કનો બોલ જાડેજાના ડાબા હાથ પર લાગ્યો હતો.

(ફાઇલ તસવીર)

ઈંગ્લેન્ડ સામેની ઘરેલુ સીરીઢ પહેલા ભારતીય ટીમનો મોટો ઝટકો લાગ્યો છે. ઓસ્ટ્રેલિયા સામે સિડનીમાં ત્રીજી ટેસ્ટ મેચમાં ઈજાગ્રસ્ત થયેલા ભારતીય ઓલરાઉન્ડર રવિંદ્ર જાડેજા ઓસ્ટ્રેલિયા સામેની ચોથી ટેસ્ટ સાથે-સાથે ઈંગ્લેન્ડ સામે પ્રથમ બે ટેસ્ટ મેચમાંથી પણ બહાર થયો છે. પરંતુ જાણકારી મળી છે કે તે ઓસ્ટ્રેલિયા સામે ત્રીજી ટેસ્ટના પાંચમાં દિવસે એટલે કે કાલે ઈન્જેક્શન લઈ બેટિંગ કરી શકે છે. ઉલ્લેખનીય છે કે ત્રીજી ટેસ્ટની પ્રથમ ઈનિંગમાં બેટિંગ દરમિયાન ફાસ્ટ બોલર મિશેલ સ્ટાર્કનો બોલ જાડેજાના ડાબા હાથ પર લાગ્યો હતો. બાદમાં જ્યારે સ્કેન કરવામાં આવ્યું તો ખબર પડી કે તેના ડાબા હાથના અંગુઠામાં ફ્રેક્ચર છે. ઈજાના કારણે તે બીજી ઈનિંગમાં બોલિંગ નહી કરી શકે. ભારતીય ક્રિકેટ બોર્ડ બીસીસીઆઈના એક સૂત્રએ કહ્યું, 'રવિંદ્ર જાડેજા ઈંગ્લેન્ડ સામેની પ્રથમ બે ટેસ્ટ મેચમાંથી બહાર થયો છે. તેને એકદમ ઠીક થવા માટે ચારથી છ સપ્તાહનો સમય લાગશે. જરૂર પડશે તો તે ઓસ્ટ્રેલિયા સામેની ત્રીજી ટેસ્ટના પાંચમાં દિવસે ઈન્જેક્શન લઈ બેટિંગ કરશે.' ત્રીજી ટેસ્ટની પ્રથમ ઇનિંગમાં જાડેજાએ અણનમ 28 રન બનાવ્યા હતા. તેણે ઝડપથી રમતા 27 બોલમાં 5 ચોગ્ગા ફટકાર્યા હતા. જ્યારે પ્રથમ ઇનિંગમાં બોલિંગ કરતાં જાડેજાએ સૌથી વધારે ચાર વિકેટ લીધી હતી. તેણે પ્રથમ ઇનિંગમાં 18 ઓવરમાં 62 રન આપીને ચાર વિકેટ લીધી હતી.