![ABP Premium](https://cdn.abplive.com/imagebank/Premium-ad-Icon.png)
Rohit Sharma: કોહલી-બુમરાહ કે હાર્દિક નહીં, રોહિત શર્માએ T20 વર્લ્ડ કપ જીતવાનો શ્રેય આ 3 દિગ્ગજોને આપ્યો
T20 World Cup 2024: ભારતીય કેપ્ટન રોહિત શર્માએ T20 વર્લ્ડ કપ જીતવાનો શ્રેય 3 ખાસ લોકોને આપ્યો. રોહિતની આ યાદીમાં ટીમ ઈન્ડિયાના કોઈ ખેલાડીનો સમાવેશ થતો નથી.
T20 World Cup 2024: રોહિત શર્મા(Rohit Sharma) ની કપ્તાનીવાળી ટીમ ઇન્ડિયાએ 29 જૂને T20 વર્લ્ડ કપ 2024નું ટાઇટલ જીત્યું હતું. ભારતીય ટીમે બાર્બાડોસની ધરતી પર ફાઇનલમાં દક્ષિણ આફ્રિકાને હરાવીને 13 વર્ષના લાંબા ICC ટ્રોફીના દુકાળનો અંત લાવ્યો હતો. હવે લગભગ બે મહિના પછી, કેપ્ટન રોહિત શર્માએ વર્લ્ડ કપ જીતવાનો શ્રેય ત્રણ દિગ્ગજોને આપ્યો. રોહિતની આ યાદીમાં વિરાટ કોહલી, હાર્દિક પંડ્યા કે જસપ્રિત બુમરાહનો સમાવેશ કરવામાં આવ્યો નથી.
ટીમ ઈન્ડિયાને T20 વર્લ્ડ કપનો ખિતાબ જીત્યાને ઘણો સમય વીતી ગયો છે, પરંતુ તેની ઉજવણી હજુ પૂરી થઈ નથી. હાલમાં જ BCCI સેક્રેટરી જય શાહ અને કેપ્ટન રોહિત વર્લ્ડ કપ ટ્રોફી સાથે સિદ્ધિવિનાયક મંદિર પહોંચ્યા હતા.
રોહિત શર્માએ CEAT ક્રિકેટ રેટિંગ એવોર્ડ દરમિયાન T20 વર્લ્ડ કપ વિશે પણ વાત કરી હતી. આ વાતચીતમાં ભારતીય કેપ્ટને જીતનો શ્રેય આપતાં ત્રણ ખાસ નામ લીધા હતા. હિટમેને કહ્યું કે મુખ્ય કોચ રાહુલ દ્રવિડ, પસંદગી સમિતિના અધ્યક્ષ અજીત અગરકર અને BCCI સચિવ જય શાહે ખેલાડીઓમાંથી શ્રેષ્ઠ પ્રદર્શન મેળવવાના તેમના પ્રયાસોમાં સંપૂર્ણ સમર્થન આપ્યું હતું.
મેન્સ ઈન્ટરનેશનલ ક્રિકેટર ઓફ ધ યર એવોર્ડ મેળવ્યો
રોહિત શર્માને CEAT ક્રિકેટ રેટિંગ એવોર્ડ્સમાં મેન્સ ઈન્ટરનેશનલ ક્રિકેટર ઓફ ધ યરનો ખિતાબ આપવામાં આવ્યો હતો. રોહિત શર્માને તેની શાનદાર બેટિંગ અને શાનદાર કેપ્ટનશિપ માટે આ એવોર્ડ આપવામાં આવ્યો હતો.
T20 ઇન્ટરનેશનલને અલવિદા કહી દીધું છે
નોંધનીય છે કે 2024 T20 વર્લ્ડ કપ ટાઇટલ જીત્યા બાદ રોહિત શર્માએ T20 ઇન્ટરનેશનલમાંથી નિવૃત્તિની જાહેરાત કરી હતી. રોહિત શર્મા ટી-20 વર્લ્ડ કપનો ખિતાબ જીતનાર ભારતનો માત્ર બીજો કેપ્ટન બન્યો છે. આ પહેલા એમએસ ધોનીની કપ્તાનીમાં ટીમ ઈન્ડિયાએ 2007 T20 વર્લ્ડ કપનો ખિતાબ જીત્યો હતો, જે ટૂર્નામેન્ટની પ્રથમ આવૃત્તિ હતી.
આઈસીસી રેન્કિંગમાં ટીમ ઈન્ડિયાનો જલવો
ICC દ્વારા ODIની નવી રેન્કિંગ જાહેર કરવામાં આવી છે. પાકિસ્તાનનો બાબર આઝમ હજુ પણ તેમાં નંબર વનની ખુરશી પર કાયમ છે. તેનું રેટિંગ 824 છે. એ બીજી વાત છે કે બાબર છેલ્લા આઠ મહિનાથી એક પણ વનડે મેચ રમ્યો નથી, તેમ છતાં તે નંબર વન પર યથાવત છે. પરંતુ આ પછી ભારતીય ખેલાડીઓએ સતત ત્રણ સ્થાન પર કબજો જમાવ્યો છે.
શુભમન ગિલ પણ ICC રેન્કિંગમાં ત્રીજા સ્થાને છે
ભારતીય ટીમનો કેપ્ટન રોહિત શર્મા ICC ODI રેન્કિંગમાં બીજા સ્થાને છે. તેનું રેટિંગ હાલમાં 765 પર છે. તે બાબર આઝમની નજીક આવી રહ્યો છે, પરંતુ તેને પછાડવા માટે રોહિત શર્માએ વન-ડેમાં કેટલીક વધુ મોટી ઇનિંગ્સ રમવી પડશે. આ પછી ત્રીજા નંબર પર શુભમન ગિલ છે. તેનું રેટિંગ 763 છે. એટલે કે રોહિત અને શુભમનના રેટિંગમાં બહુ ઓછો તફાવત છે. જ્યારે આ બંને રમવા માટે આવશે, ત્યારે રેન્કિંગને લઈને તેમની વચ્ચે સારી લડાઈ થશે.
આ પણ વાંચો...
Wicket Keeper: વિશ્વનો નંબર 1 વિકેટકીપર કોણ? ધોની-સંગાકારા નહીં, ગિલક્રિસ્ટે આપ્યું ચોંકાવનારુ નામ
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)