Sara Ali Khan સાથે ડિનર કરતા Shubman Gillના ફોટો બાદ હવે Video વાયરલ થયો

સારા અને શુભમનનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં બંને સાથે ડિનર કરતા જોવા મળી રહ્યા છે.

ફાઈલ ફોટો

Shubman-Sara Dating Rumours: ભારતીય ટીમનો સ્ટાર ઓપનર શુભમન ગિલ આ દિવસોમાં ચર્ચામાં છે. ખરેખર, શુભમનના ચર્ચામાં આવવાનું કારણ 'સારા' છે. હા, પણ અમે સારા તેંડુલકર વિશે વાત નથી કરી રહ્યા. અમે વાત કરી રહ્યા છીએ બોલીવુડ અભિનેત્રી સારા અલી ખાનની. બોલિવૂડ એક્ટ્રેસ સારા અલી ખાન સાથે શુભમન ગિલ ડિનર કરી રહ્યો હોવાના ફોટો વાયરલ થઈ રહ્યા છે. આ દરમિયાન હવે સારા અને શુભમનનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં બંને સાથે ડિનર કરતા જોવા મળી રહ્યા છે.

શુભમન સારાને ડેટ કરી રહ્યો છે?

થોડા સમય પહેલાં સમાચાર આવ્યા હતા કે ભારતીય ઓપનર શુભમન ગિલ અને સચિન તેંડુલકરની પુત્રી સારા તેંડુલકરનું બ્રેકઅપ થઈ ગયું હતું. બંનેએ સોશિયલ મીડિયા પર એકબીજાને અનફોલો કરી દીધા હતા. આ સમાચાર પછી હવે શુભમન ગિલ સારા અલી ખાન સાથે ડિનર કરતો એક વીડિયો સામે આવ્યો છે. આ વીડિયો પછી ચાહકો અનુમાન લગાવી રહ્યા છે કે શુભમન ગિલ ફરી એકવાર સારાના પ્રેમમાં પડી ગયો છે. જોકે આ સારા સૈફ અલી ખાનની દીકરી અને બોલિવૂડ એક્ટ્રેસ સારા અલી ખાન છે.

Shubman gill date sara ali khan ko kar eha tha aur hum kisi aur hi sara ko lapet rhe the🥲#Shubmangill #CricketTwitter pic.twitter.com/oEAAXqXgOz

— Arun (@ArunTuThikHoGya) August 29, 2022

બંને એકસાથે ડિનર કરતા હોવાના આ વીડિયો પછી તેમના ડેટિંગના સમાચારો ઉડવા લાગ્યા છે. આ વીડિયોમાં સારા અલી ખાન પિંક આઉટફિટમાં જોવા મળી રહી છે જ્યારે શુભમન વ્હાઇટ ગ્રીન શર્ટમાં જોવા મળી રહ્યો છે. સારા અને શુભમનનો આ વીડિયો સામે આવ્યા બાદ તે શોબિઝ ઈન્ડસ્ટ્રીનો હોટ ટોપિક બની ગયો છે. જોકે બંને એકબીજાને ડેટ કરી રહ્યાં છે અથવા તો શુભમન કે સારા તરફથી આ વીડિયો પર કોઈ પ્રતિક્રિયા આવી નથી.

શુભમન કાઉન્ટી ક્રિકેટમાં પણ જોવા મળશે

ભારતના પ્રતિભાશાળી ક્રિકેટર શુભમન ગિલ હાલ ફોર્મમાં છે. શુભમન ગીલને વેસ્ટ ઈન્ડિઝ અને ઝિમ્બાબ્વે સામેની ODI શ્રેણીમાં શાનદાર પ્રદર્શન બદલ પુરસ્કાર આપવામાં આવ્યો છે. શુભમન ગિલ બાકીની ઇંગ્લિશ કાઉન્ટી સિઝન માટે ગ્લેમોર્ગન ટીમનું પ્રતિનિધિત્વ કરશે. ચેતેશ્વર પુજારા ઉપરાંત અન્ય ઘણા ભારતીય ક્રિકેટરો હાલમાં યુકેમાં કાઉન્ટી ક્રિકેટ રમી રહ્યા છે.