રણજી ટ્રોફીમાં સૌરાષ્ટ્રની ટીમ કેટલા વર્ષો બાદ ચેમ્પિયન બની? જાણો

સૌરાષ્ટ્રની ટીમ 76 વર્ષ પછી રણજી ચેમ્પિયન થયું છે. સૌરાષ્ટ્ર 1936માં નવાનગર તરીકે અને 1943માં વેસ્ટર્ન ઈન્ડિયા તરીકે રમીને ચેમ્પિયન બન્યું હતું.

રાજકોટ: સૌરાષ્ટ્રની ટીમ રણજી ટ્રોફી 2019-20ની ફાઈનલમાં પાંચમાં દિવસે રાજકોટ ખાતે પ્રથમ ઈનિંગ્સમાં લીડના કારણે ટેક્નિકલ રીતે ચેમ્પિયન બન્યું છે. સૌરાષ્ટ્રની ટીમ 76 વર્ષ પછી રણજી ચેમ્પિયન થયું છે. સૌરાષ્ટ્ર 1936માં નવાનગર તરીકે અને 1943માં વેસ્ટર્ન ઈન્ડિયા તરીકે રમીને ચેમ્પિયન બન્યું હતું. આ અગાઉ બંને વખત ફાઈનલમાં બંગાળને માત આપી હતી. સૌરાષ્ટ્ર પ્રથમ દાવમાં 425 રનમાં ઓલઆઉટ થયું હતું. ત્યારે તેના જવાબમાં બંગાળ 381 રન જ કરી શક્યું હતું. નિયમ અનુસાર મેચ ડ્રો થાય તો ફર્સ્ટ ઈનિંગ્સ લીડના આધારે ચેમ્પિયન જાહેર કરવામાં આવે. સૌરાષ્ટ્રે બીજી ઈનિંગ્સમાં 4 વિકેટે 105 રન કર્યાં હતા. ત્યાર બાદ ટી-બ્રેક સમયે બંને કપ્તાને હાથ મિલાવી લીધા હતા.

સૌરાષ્ટ્રની ટીમે ઈતિહાસ રચ્યો, ફાઇનલમાં બંગાળને હરાવીને પહેલીવાર રણજી ટ્રોફી પર કબજો જમાવ્યો

1936-37માં બર્ટ વેન્સ્લી નામના બ્રિટિશ સરકારના અધિકારીએ નવાનગરની કેપ્ટનશીપ કરીને ટીમને ફાઈનલમાં બંગાળ સામે રણજી ચેમ્પિયન બનાવી હતી. જ્યારે 1943-44માં બ્રિટિશ સરકારના કેપ્ટન હર્બર્ટ બેરેટે જામસાહેબ રણજીતસિંહના આગ્રહથી વેસ્ટર્ન ઈન્ડિયાની કેપ્ટનશીપ સંભાળી અને બંગાળ સામે ફાઇનલમાં ટીમ જીતી હતી.