![ABP Premium](https://cdn.abplive.com/imagebank/Premium-ad-Icon.png)
T20 World Cupની પ્રથમ હેટ્રિક: UAEના બોલરે 3 બોલમાં જ શ્રીલંકાની રફ્તાર રોકી, જુઓ Video
UAEનો લેગ બ્રેક બોલર કાર્તિક મયપ્પન T20 વર્લ્ડ કપ 2022માં પ્રથમ હેટ્રિક લેનાર બોલર બની ગયો છે.
![T20 World Cupની પ્રથમ હેટ્રિક: UAEના બોલરે 3 બોલમાં જ શ્રીલંકાની રફ્તાર રોકી, જુઓ Video T20 World Cup 2022 First Hat Trick UAE vs SL Karthik Meiyappan Takes First Hat-Trick T20 WC 2022- Watch Video T20 World Cupની પ્રથમ હેટ્રિક: UAEના બોલરે 3 બોલમાં જ શ્રીલંકાની રફ્તાર રોકી, જુઓ Video](https://feeds.abplive.com/onecms/images/uploaded-images/2022/10/18/22fb59f00222a23f2bb45719c15af2f11666091830761391_original.jpg?impolicy=abp_cdn&imwidth=1200&height=675)
T20 World Cup 2022: UAEનો લેગ બ્રેક બોલર કાર્તિક મયપ્પન T20 વર્લ્ડ કપ 2022માં પ્રથમ હેટ્રિક લેનાર બોલર બની ગયો છે. તેણે શ્રીલંકા સામેની મેચમાં એક પછી એક ત્રણ વિકેટ ઝડપી હતી. તેની ધારદાર બોલિંગે શ્રીલંકાની ઝડપી રન ગતિને પણ રોકી દીધી હતી. શ્રીલંકાની ટીમ, જ્યાં એક સમયે ઝડપી બેટિંગ હતી અને 200 સુધી પહોંચી શકી હોત, પણ મયપ્પનની આ હેટ્રિક બાદ શ્રીલંકા માત્ર 152 રન જ બનાવી શકી હતી.
T20 World Cupની પ્રથમ હેટ્રિકઃ
આ હેટ્રિક શ્રીલંકા-UAE મેચના પ્રથમ દાવમાં આવી હતી. UAEએ ટોસ જીતીને શ્રીલંકાને પ્રથમ બેટિંગ માટે આમંત્રણ આપ્યું હતું. શ્રીલંકાના બેટ્સમેનોએ જોરદાર શરૂઆત કરી હતી. કુસલ મેન્ડિસ (18) અને ધનંજય ડી સિલ્વા (33) સાથે પથુમ નિસાન્કાએ પોતાની ટીમને ઝડપથી 100ના આંકડા સુધી પહોંચાડી હતી. એક સમયે શ્રીલંકાની ટીમ 14.3 ઓવરમાં 2 વિકેટે 117 રન બનાવીને મજબૂત સ્થિતિમાં હતી. અહીંથી કાર્તિક મયપ્પને પોતાની સ્પિન બોલિંગથી શ્રીલંકાની રમત બગાડી નાખી હતી.
કાર્તિક મયપ્પને માત્ર 19 રન જ આપ્યાઃ
કાર્તિકે તેની ઓવરના ચોથા બોલ પર ભાનુકા રાજપક્ષે (5)ને પેવેલિયન મોકલ્યો હતો. તેણે પાંચમા બોલ પર ચારિથ અસલંકા (0)ને વિકેટકીપર દ્વારા કેચ આઉટ કરાવ્યો અને છેલ્લા બોલ પર કેપ્ટન દાસુન શનાકા (0)ને બોલ્ડ કર્યો. 15મી ઓવરમાં આવેલી આ હેટ્રિક એટલી અસરકારક હતી કે આ પછી પણ શ્રીલંકાની ટીમે વિકેટ ગુમાવવાનું ચાલુ રાખ્યું અને આખી ટીમ નિર્ધારિત 20 ઓવરમાં 8 વિકેટ ગુમાવીને માત્ર 152 રન જ બનાવી શકી. શ્રીલંકા તરફથી પથુમ નિસાન્કાએ 60 બોલમાં 74 રન બનાવ્યા હતા. તે જ સમયે, UAEના બોલર કાર્તિકે તેની 4 ઓવરની બોલિંગમાં માત્ર 19 રન જ આપ્યા અને ત્રણ બેટ્સમેનોને પેવેલિયન મોકલી દીધા હતા.
History - First hattrick in the T20 World Cup 2022. pic.twitter.com/AoLcKagK1i
— Johns. (@CricCrazyJohns) October 18, 2022
આ પણ વાંચો....
Indonesia Stadium Stampede: જે ફુટબોલ સ્ટેડિયમમાં નાસભાગથી 133 લોકોના જીવ ગયા તે સ્ટેડિયમને તોડી પડાશે
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)