DC-W vs RCB-W, Match Highlights: RCBને દિલ્હીએ 6 વિકેટથી આપી હાર, બેંગ્લુરુને મળી સતત પાંચમી હાર
મહિલા IPLની 11મી મેચ રોયલ ચેલેન્જર્સ બેંગ્લોર અને દિલ્હી કેપિટલ્સ વચ્ચે રમાઈ હતી. આ મેચમાં ફરી એકવાર RCBને હારનો સામનો કરવો પડ્યો છે.
Womem IPL: મહિલા IPLની 11મી મેચ રોયલ ચેલેન્જર્સ બેંગ્લોર અને દિલ્હી કેપિટલ્સ વચ્ચે રમાઈ હતી. આ મેચમાં ફરી એકવાર RCBને હારનો સામનો કરવો પડ્યો છે. આ વર્ષમાં RCBની મહિલા પ્રીમિયર લીગમાં સતત 5 મેચ હારી છે અને અત્યાર સુધી તે આ ટુર્નામેન્ટમાં એક પણ જીત મેળવી શકી નથી. સોમવારે રમાયેલી મેચમાં દિલ્હી કેપિટલ્સે RCBને 6 વિકેટથી હરાવ્યું હતું.
આ મેચમાં દિલ્હી કેપિટલ્સે ટોસ જીતીને પ્રથમ બોલિંગ કરવાનો નિર્ણય કર્યો હતો. વિકેટ-કીપર બેટ્સમેન રિચા ઘોષ આરસીબી માટે મેદાન પર આવી અને તેણે એલિસ પેરીને માત્ર 16 બોલમાં 37 રન બનાવીને ટેકો આપ્યો અને આરસીબીની ઇનિંગ્સને સન્માનજનક સ્કોર સુધી પહોંચાડવામાં મદદ કરી. બીજી તરફ એલિસ પેરીએ સળંગ ચોગ્ગા અને છગ્ગા ફટકારીને આરસીબીને સારી સ્થિતિમાં પહોંચાડ્યું હતું. . એલિસ પેરીએ 52 બોલમાં 67 રનની અણનમ ઇનિંગ રમી હતી. તેણે પોતાની ઇનિંગમાં 4 ચોગ્ગા અને 5 છગ્ગા પણ ફટકાર્યા હતા.
આરસીબીની શરૂઆત ધીમી રહી હતી
આરસીબીએ પોતાની ઇનિંગ્સની શરૂઆત ખૂબ જ ધીમી કરી હતી. તેણે 12.3 ઓવરમાં 3 વિકેટ ગુમાવીને માત્ર 63 રન બનાવ્યા હતા પરંતુ તે પછી એલિસ પેરી અને રિચા ઘોષે છેલ્લી પાંચ ઓવરમાં ઘણા ચોગ્ગા અને છગ્ગા ફટકારીને ટીમનો સ્કોર 150 સુધી પહોંચાડ્યો હતો.
દિલ્હી તરફથી શેફાલી વર્મા પ્રથમ બોલ પર બોલ્ડ થઈ હતી, પરંતુ તેના સિવાય દિલ્હીની એલિસ કેપ્સીએ 38, જેમિમા રોડ્રિગ્સ 32, મેરિજન કેપ 32 અને જેસ જોન્સને 29 રન બનાવ્યા હતા, જેના કારણે દિલ્હીની ટીમે આ વિજય મેળવ્યો હતો. આ મેચ માટે જેસ જોન્સનને પ્લેયર ઓફ ધ મેચનો એવોર્ડ આપવામાં આવ્યો છે.
બોલિંગની વાત કરીએ તો શિખા પાંડેએ દિલ્હી માટે શ્રેષ્ઠ બોલિંગ કરી હતી. તેણે 4 ઓવરમાં 23 રન આપીને 3 વિકેટ લીધી હતી. આશા શોબાનાએ આરસીબી માટે શ્રેષ્ઠ બોલિંગ કરી હતી. આશાએ 4 ઓવરમાં 27 રન આપીને 2 વિકેટ લીધી હતી.
રોયલ ચેલેન્જર્સ બેંગ્લોર પ્લેઈંગ ઈલેવન
રોયલ ચેલેન્જર્સ બેંગ્લોર: સ્મૃતિ મંધાના (કેપ્ટન), સોફી ડેવાઇન, એલિસ પેરી, હીથર નાઈટ, રિચા ઘોષ (વિકેટકિપર), શ્રેયંકા પાટીલ, દિશા કાસત, મેગન શુટ્ટુ, આશા શોભના, રેણુકા ઠાકુર સિંહ, પ્રીતિ બોસ.
દિલ્હી કેપિટલ્સ પ્લેઈંગ ઈલેવન
દિલ્હી કેપિટલ્સ: મેગ લૈનિંગ (કેપ્ટન), શેફાલી વર્મા, એલિસ કૈપ્સી, જેમિમાહ રોડ્રિગ્સ, મરિજાનકૈપ, તાન્યા ભાટિયા (વિકેટકિપર), જેસ જોનાસેન, અરુંધતિ રેડ્ડી, રાધા યાદવ, શિખા પાંડે, તારા નોરિસ.
ટ્રેન્ડિંગ સમાચાર
ટોપ સ્ટોરી
