Team India 2025 Report Card: 2 મોટી ટ્રોફી જીત્યા પણ... 2025 નું વર્ષ ટીમ ઈન્ડિયા માટે કેવું રહ્યું? વાંચો રિપોર્ટ
વર્ષ 2025 નું સરવૈયું: ચેમ્પિયન્સ ટ્રોફી અને એશિયા કપ જીત્યા, પણ સાઉથ આફ્રિકા સામે ઘરઆંગણે ટેસ્ટ સિરીઝ હારવી ભારે પડી.
Year Ender 2025 Indian cricket: ટેસ્ટ, વનડે અને ટી૨૦ માં ટીમ ઈન્ડિયા માટે વર્ષ 2025 કેવું રહ્યું? આ વર્ષનો રિપોર્ટ કાર્ડ જુઓ. ભારતીય ક્રિકેટ માટે આ વર્ષ ખાટું-મીઠું રહ્યું છે. એક તરફ રોહિત શર્મા અને વિરાટ કોહલી જેવા દિગ્ગજોએ ટેસ્ટ ક્રિકેટને અલવિદા કહ્યું, તો બીજી તરફ વ્હાઈટ બોલ ક્રિકેટમાં ભારતે બે મોટી ટ્રોફી જીતીને દબદબો જાળવી રાખ્યો. જોકે, ટેસ્ટ ફોર્મેટમાં ટીમના પ્રદર્શન પર મોટા સવાલો ઉભા થયા છે.
વર્ષ 2025 ભારતીય ક્રિકેટના ઈતિહાસમાં પરિવર્તનના વર્ષ તરીકે યાદ રહેશે. આ વર્ષે ટીમ ઈન્ડિયાએ મર્યાદિત ઓવરોની મેચોમાં શાનદાર પ્રદર્શન કર્યું, પરંતુ સૌથી લાંબા ફોર્મેટ એટલે કે ટેસ્ટ ક્રિકેટમાં ચાહકોને નિરાશ કર્યા છે. ચાલો નજર કરીએ ત્રણેય ફોર્મેટના લેખાજોખા પર.
ટેસ્ટ ક્રિકેટ: ઘરઆંગણે હાર અને સંઘર્ષ
વર્ષ 2025 ટેસ્ટ ક્રિકેટ માટે ટીમ ઈન્ડિયા માટે ખરાબ સપના સમાન રહ્યું. આ વર્ષે ભારતે કુલ 10 Test Matches રમી, જેમાંથી માત્ર 4 માં જીત મળી, જ્યારે 5 મેચમાં હારનો સામનો કરવો પડ્યો અને 1 મેચ ડ્રો રહી.
નિવૃત્તિનો ફટકો: રોહિત અને વિરાટની નિવૃત્તિ બાદ ટીમનું સંતુલન ખોરવાયું.
બોર્ડર-ગાવસ્કર ટ્રોફી: વર્ષની શરૂઆતમાં જ ઓસ્ટ્રેલિયા સામેની નિર્ણાયક ટેસ્ટમાં ભારત 6 વિકેટથી હારી ગયું.
ઈંગ્લેન્ડ પ્રવાસ: શુભમન ગિલની કેપ્ટન્સીમાં રમાયેલી 5 મેચની સિરીઝ 2-2 થી ડ્રો રહી, જે એક મિશ્ર પરિણામ હતું.
સૌથી મોટો આંચકો: ભારતે વેસ્ટ ઈન્ડિઝને 2-0 થી હરાવ્યું, પરંતુ વર્ષના અંતે ઘરઆંગણે દક્ષિણ આફ્રિકા સામે 0-2 થી મળેલી હારે બધાને ચોંકાવી દીધા. ભારતીય પીચો પર આ હાર ખૂબ જ શરમજનક ગણાઈ રહી છે.
વનડે ક્રિકેટ: ચેમ્પિયન્સ ટ્રોફીની ભેટ
રેડ બોલની નિષ્ફળતાને ભૂલાવી દે તેવું પ્રદર્શન વનડે ફોર્મેટમાં રહ્યું છે. આ વર્ષે ભારતે 14 ODI રમી, જેમાંથી 11 માં જીત મેળવી અને માત્ર 3 મેચ હારી.
ઐતિહાસિક જીત: વર્ષની સૌથી મોટી સિદ્ધિ Champions Trophy 2025 ની જીત રહી. ફાઈનલમાં ન્યુઝીલેન્ડને 4 વિકેટથી હરાવીને ભારતે આ પ્રતિષ્ઠિત ખિતાબ પોતાના નામે કર્યો.
સિરીઝ વિજય: ભારતે ઈંગ્લેન્ડને 3-0 થી અને દક્ષિણ આફ્રિકાને 2-1 થી હરાવીને શ્રેણી જીતી. માત્ર ઓસ્ટ્રેલિયા સામે 1-2 થી હારનો સામનો કરવો પડ્યો હતો.
T20 ઈન્ટરનેશનલ: સૂર્યાની સેના અજેય
ફટાફટ ક્રિકેટમાં ટીમ ઈન્ડિયાનો કોઈ મુકાબલો નથી. સૂર્યકુમાર યાદવ (Suryakumar Yadav) ની કેપ્ટન્સીમાં ભારતે આ વર્ષે એક પણ T20 શ્રેણી ગુમાવી નથી.
આંકડાકીય દબદબો: વર્ષ 2025 માં રમાયેલી 21 T20 મેચોમાંથી ભારતે 16 મેચ જીતી છે, જ્યારે માત્ર 3 માં હાર મળી છે.
એશિયા કપ વિજેતા: ભારતે આ વર્ષે Asia Cup 2025 (T20 Format) જીતીને એશિયામાં પોતાની બાદશાહત સાબિત કરી દીધી.
શ્રેણી વિજય: ઈંગ્લેન્ડને 4-1, ઓસ્ટ્રેલિયાને 2-1 અને દક્ષિણ આફ્રિકાને 3-1 થી હરાવીને ભારતે ટી20 માં પોતાની શ્રેષ્ઠતા સિદ્ધ કરી છે.
ટોપ સ્ટોરી
ટ્રેન્ડિંગ સમાચાર
