કોમનવેલ્થમાં ભારતને પહેલો મેડલ અપાવનારો ગુરૂ છે ટ્રક ડ્રાઈવરનો દીકરો, જાણો કેવી ગરીબીનો કર્યો છે સામનો ?

ગુરુરાજા પૂજારીએ 2016માં સાઉથ એશિયન ગેમ્સમાં આ કેટેગરીમાં ગોલ્ડ જીત્યો હતો. ત્યારે તેણે કુલ 241 કિગ્રા વજન ઉપાડ્યું હતું. તેણે આ વર્ષે પેનાંગમાં કોમનવેલ્થ સીનિયર વેટલિફ્ટિંગ ચેમ્પિયનશિપમાં પણ ગોલ્ડ મેડલ જીત્યો હતો.

તેના કોચના કહેવા મુજબ તે સવારે બે કલાક અને સાંજે બે કલાક પ્રેક્ટિસ કરતો હતો. રાજેન્દ્ર પ્રસાદે તેને પાંચ વર્ષ ટ્રેનિંગ આપી હતી. ઈન્ડિયન એરફોર્સના સ્પોર્ટ્સ ક્વોટા અંતર્ગત તેની પસંદગી થયા બાદ બેલગાવિમાં છ મહિના ટ્રેનિંગ લીધી હતી.

જીત બાદ ગુરુરાજાએ કહ્યું કે, મને ખુશી છે આ રમતમાં ભારતે પ્રથમ મેડલ જીત્યો છે. જે મારા સર્વશ્રેષ્ઠ પ્રદર્શનની આસપાસ પણ નથી પરંતુ મને સિલ્વર મેડલ જીતવાની ખુશી છે.

સિડનીઃ ઓસ્ટ્રેલિયાના ગોલ્ડ કોસ્ટમાં ચાલી રહેલા 21માં કોમનવેલ્થમાં ભારતના યુવા વેઇટલિફ્ટર ગુરુરાજાએ પ્રથમ મેડલ જીત્યો છે. ગુરુરાજાએ 56 કિલોગ્રામ કેટેગરીમાં સિલ્વર મેડલ જીતીને દેશને પ્રથમ મેડલ અપાવ્યો છે.

ગુરુરાજાએ તેનો અભ્યાસ ઉડિપીની શ્રી મુકાંબિકા ટેમ્પલ સ્કૂલ અને કોલ્લુરની પીયુ કોલેજમાંથી કર્યો છે. ગ્રેજ્યુએશન માટે તેણે દક્ષિણ કન્નડમાં આવેલી એસડીએમ કોલેજમાં એડમિશન લીધું. જે તેના જીવનનો ટર્નિંગ પોઇન્ટ સાબિત થયો. ટ્રક ડ્રાઇવરના દીકરો ગુરુરાજા કોલેજમાં પહેલવાન બનવા માંગતો હતો પરંતુ કોચ રાજેન્દ્ર પ્રસાદને તેનામાં વેટલિફ્ટિંગની પ્રતિભા જોવા મળી. જેમણે તેને વેટલિફ્ટિંગમાં આગળ વધવા પ્રોત્સાહિત કર્યો.

ગુરુરાજા મૂળ રીતે કર્ણાટકના કુંડૂપારાનો રહેવાસી છે. તેના પિતા ટ્રક ડ્રાઇવર છે. તેણે 2010માં વેટલિફ્ટિંગમાં કરિયર શરૂ કરી હતી. ગુરુરાજાને શરૂઆતમાં અનેક મુશ્કેલીઓનો સામનો કરવો પડ્યો.

વેટલિફ્ટિંગ જેવી રમતમાં ડાયટ અને સપ્લીમેન્ટ્સની સૌથી વધારે જરૂર હોય છે. આ માટે તેની પાસે પૈસા નહોતા. પરંતુ તેના પિતાએ હિંમત હારવા ન દીધી અને દીકરાને આગળ વધવા માટેનો હોંસલો આપતા રહ્યા. તેના પરિવારમાં કુલ આઠ લોકો છે.