'દીપિકા 2006થી મારા દિલમાં વસી ગઈ છે ને જતી જ નથી', ક્યા સ્ટાર ક્રિકેટરે કર્યો આ દાવો?

નવી દિલ્હીઃ વેસ્ટઇન્ડીઝના ખેલાડી ડ્વેન બ્રાવો જેટલા પોતાના દેશમાં ઓળખાય છે તેટલાં જ ભારતમાં પણ લોકો તેને પસંદ કરે છે. મેદાન પર પોતાની શાનદાર બોલિંગ અને તાબડતોડ બેટિંગની સાથે સાથે બ્રાવો મેદાનની બહાર પોતાના રેપ અને સંગીત માટે પણ જાણીતા છે. હાલમાં બ્રાવો આઈપીઓલની હાલની સીઝનમાં ચેન્નઈ સુપરકિંગ્સ તરફથી રમી રહ્યા છે. હાલમાં જ ચેન્નઈ સુપરકિંગ્સના સાથી હરભજન સિંહની સાથે એક શોમાં ડ્વેન બ્રાવોએ સ્વીકાર્યું હતું કે બોલિવૂડ અભિનેત્રી દીપિકા પાદુકોણ ઘણાં વર્ષોથી તેના દિલમાં વસી ગઈ છે.

હરભજને જ્યારે બ્રાવોને પૂછ્યું કે તેને વેસ્ટઇન્ડીઝમાં કોઈ દિપાક ન મળી તો તેના પર બ્રાવોએ તરત જ જવાબ આપતા કહ્યું કે તમે બીજી દીપિકા ન શોધી શકો, દીપિકા માત્ર એક જ છે.