ગુજ્જુ બોય હાર્દિક પંડ્યાએ કપિલદેવનો 27 વર્ષ જૂનો ક્યો રેકોર્ડ તોડ્યો ? વર્લ્ડ રેકોર્ડ છે કોના નામે ?

ભારત ફોલોઓન થાય એમ હતું ને સામે છેલ્લી વિકેટ હતી. નરેન્દ્ર હિરવાણી સારો બેટ્સમેન નહોતો ને ભારતને ફોલોઓનથી બચવા 24 રનની જ જરૂર હતી. કપિલદેવે હેમિંગ્સની એક ઓવરમાં સળંગ 4 સિક્સર ફટકારી ભારતને ફોલોઓનથી બચાવ્યું એ પછીની ઓવરના પહેલા જ બોલે હિરવાણી આઉટ થઈ ગયો હતો.

ભારત વતી ટેસ્ટ મેચમાં એક ઓવરમાં સૌથી વધારે રનનો રેકોર્ડ અગાઉ કપિલદેવના નામે હતો. કપિલદેવે 1990માં લોર્ડ્ઝ પર રમાયેલી ટેસ્ટમાં ઈંગ્લેન્ડ સામે એક ઓવરમાં 24 રનનો રેકોર્ડ બનાવ્યો હતો. કપિલદેવે સ્પિનર એડી હેમિંગ્સની એક ઓવરમાં સળંગ 4 સિક્સર ફટકારી હતી.

કોલંબોઃ શ્રીલંકા સામેની છેલ્લે ટેસ્ટમાં ગુજરાતી ખેલાડી હાર્દિક પંડ્યાએ તોફાન મચાવીને શાનદાર સદી ફટકારી. આ દરમિયાન તેણે શ્રીલંકાના બોલર પુષ્પકુમારની ઓવરમાં 26 રન ઝૂડી કાઢ્યા. હાર્દિકે આ તોફાની બેટિંગ સાથે કપિલદેવનો 27 વર્ષન જૂનો એક રેકોર્ડ તોડી નાંખ્યો.

બ્રાયન લારાએ પીટરસનની ઓવરના પહેલા બોલે ચોગ્ગો ફટકારી પછીના બે બોલમાં બે સિક્સર ફટકારી હતી. એ પછી તેણે સળંગ ત્રણ ચોગ્ગા ફટકારીને કુલ 28 રન લીધા હતા. બેઈલીએ એન્ડરસનની ઓવરમાં પહેલા બોલે ચોગ્ગો, બીજા બોલે સિક્સર, ત્રીજા બોલે બે રન, ચોથા બોલે ચોગ્ગો અને છેલ્લા બે બોલમાં બે સિક્સર ફટકારી હતી.

વેસ્ટ ઈન્ડિઝના બ્રાયન લારાએ 2004માં દક્ષિણ આફ્રિકા સામે જોહનિસબર્ગ ટેસ્ટમાં રોબિન પીટરસનની એક ઓવરમાં 28 રન ઝૂડ્યા હતા જ્યારે ઓસ્ટ્રેલિયાના જ્યોર્જ બેઈલીએ 2014માં ઈંગ્લેન્ડના જેમ્સ એન્ડરસનની ઓવરમાં પર્થ ટેસ્ટમાં 28 રન ઝૂડી કાઢ્યા હતા. આ બંનેના નામે એક ઓવરમાં સૌથી વધુ રનનો વર્લ્ડ રેકોર્ડ બોલે છે.

હાર્દિકે કપિલનો આ રેકોર્ડ તોડતાં પુષ્પકુમારની ઓવરનવા પહેલા બે બોલે બે ચોગ્ગા ફટકાર્યા હતા અને એ પછી સળંગ ત્રણ સિક્સર ફટકારી હતી. હાર્દિક છેલ્લા બોલે એક પણ રન ના લઈ શકતાં બ્રાયન લારા અને જ્યોર્જ બેઈલીના વર્લ્ડ રેકોર્ડ તોડવાથી કે બરાબરી કરવાથી ચૂકી ગયો હતો.