ક્રિકેટમાં હવે ફ્રંટ ફૂટ નો બોલ પર નિર્ણય કરશે ટીવી અમ્પાયર

આઇસીસી એ નિર્ણય કરશે કે આગામી છ મહિનામાં કઇ કઇ સીરિઝમાં તે આ ટ્રાયલને લાગુ કરશે.

નવી દિલ્હીઃ ઇન્ટરનેશનલ ક્રિકેટ કાઉન્સિલ ટીવી અમ્પાયરોને વધુ સશક્ત કરવા માટે તેમને જલદી ફ્રંટ ફુટ નો બોલ પર નિર્ણય આપવાનો અધિકાર આપશે. જોકે, આ વન-ડેમાં હાલમાં ટ્રાયલ તરીકે લાગુ કરવામાં આવશે. આઇસીસી એ નિર્ણય કરશે કે આગામી છ મહિનામાં કઇ કઇ સીરિઝમાં તે આ ટ્રાયલને લાગુ કરશે. ઇગ્લેન્ડ અને પાકિસ્તાન વચ્ચે 2016માં વન-ડે સીરિઝમાં આ ટ્રાયલ કરવામાં આવ્યુ હતુ પરંતુ આ વખતે તેને વ્યાપક પ્રમાણમાં લાગુ કરવામાં આવશે. આઇસીસી જનરલ મેનેજર જ્યોફ એલરડાઇસને ટાંકીને એક રિપોર્ટમાં કહેવામાં આવ્યુ હતું કે, હા આવું થશે. ત્રીજા અમ્પાયરને આગળનો પગ પડ્યાના કેટલીક સેકન્ડ્સ બાદ ફૂટેજ આપવામાં આવશે. તે મેદાનના અમ્પાયરને જણાવશે કે નો બોલ છે કે નહી. એટલા માટે બોલને ત્યાં  સુધી માન્ય માનવામાં આવશે જ્યાં સુધી અમ્પાયર કોઇ અન્ય નિર્ણય ના લે. છેલ્લા ટ્રાયલ દરમિયાન થર્ડ અમ્પાયરને ફૂટેજ આપવા માટે એક હોકઆઇ ઓપરેટરનો ઉપયોગ કરવામાં આવ્યો હતો. એલરડાઇસે કહ્યું કે, ફૂટેજ થોડા સમય બાદ બતાવવામાં આવે છે જ્યારે પગ  લાઇન તરફ વધે છે તો ફૂટેજ સ્લો-મોશનમાં બતાવાય છે અને લાઇન પર પડતા સમયે રોકાઇ જાય છે. રૂટીન ખૂબ સારી રીતે કામ કરે છે અને પિક્ચરના આધાર પર થર્ડ અમ્પાયર નિર્ણય લે છે. આ પિક્ચર હંમેશા બ્રોડકાસ્ટ કરવામાં આવતી નથી. આઇસીસીની ક્રિકેટ સમિતિ ઇચ્છે છે કે તે સિસ્ટમને વન-ડે ઓવરોમાં વધુમાં વધુ ઉપયોગ કરવામાં આવે.