IND vs AUS Hockey: ભારતે રોમાંચક મેચમાં ઓસ્ટ્રેલિયાને હરાવ્યું, 4-3થી મેળવી શાનદાર જીત

ભારત અને ઓસ્ટ્રેલિયા વચ્ચે પાંચ હોકી ટેસ્ટ મેચોની શ્રેણી રમાઈ રહી છે. શ્રેણીની ત્રીજી મેચમાં ભારતીય હોકી ટીમે ઓસ્ટ્રેલિયાને રોમાંચક મેચમાં હરાવ્યું હતું.

ફોટોઃ એજન્સી

IND vs AUS Hockey Harmanpreet Singh: ભારત અને ઓસ્ટ્રેલિયા વચ્ચે પાંચ હોકી ટેસ્ટ મેચોની શ્રેણી રમાઈ રહી છે. શ્રેણીની ત્રીજી મેચમાં ભારતીય હોકી ટીમે ઓસ્ટ્રેલિયાને રોમાંચક મેચમાં હરાવ્યું હતું. આ મેચમાં ભારતનો 4-3થી વિજય થયો હતો. આ પહેલા તેને સતત બે મેચમાં હારનો સામનો કરવો પડ્યો હતો. આ જીત સાથે ટીમ ઈન્ડિયાએ શ્રેણી જીતવાની આશા જીવંત રાખી છે. ભારત તરફથી મનપ્રીત સિંહ, અભિષેક, આકાશદીપ સિંહ અને શમશેર સિંહે એક-એક ગોલ કર્યા હતા. જ્યારે ઓસ્ટ્રેલિયા તરફથી વેલ્ચ જેક, જલેવસ્કી એરોન અને નાથને એક-એક ગોલ કર્યા હતા.

India muscle their way to victory in the 3rd test match to make it 1-2 in the series.

Australia 3:4 India #HockeyIndia #IndiaKaGame @CMO_Odisha @sports_odisha @IndiaSports @Media_SAI pic.twitter.com/Csdqdk31UU

— Hockey India (@TheHockeyIndia) November 30, 2022

ઓસ્ટ્રેલિયા સામેની ત્રીજી મેચમાં ટીમ ઈન્ડિયાએ શરૂઆતથી જ આક્રમક રમત રમી હતી. ભારતે પ્રથમ ગોલ 12મી મિનિટે કર્યો હતો. ટીમ ઈન્ડિયાના મનપ્રીત સિંહે પેનલ્ટી કોર્નર દ્વારા ગોલ કર્યો હતો. આ પછી ઓસ્ટ્રેલિયાએ મેચમાં વાપસી કરવાનો પ્રયાસ કર્યો અને ટીમ 25મી મિનિટે ગોલ કરવામાં સફળ રહી. ઓસ્ટ્રેલિયા તરફથી જેક વેલ્ચે ગોલ કર્યો હતો. આ પછી ઓસ્ટ્રેલિયાએ 32મી મિનિટે ફરી ગોલ કરીને 2-1ની સરસાઈ મેળવી લીધી હતી. તે ભારત માટે પડકારજનક રહ્યું છે. આ પછી સ્પર્ધા રોમાંચક બની હતી. ભારત તરફથી અભિષેકે 47મી મિનિટે ગોલ કર્યો હતો. આ રીતે બંને ટીમો 2-2ની બરાબરી પર પહોંચી હતી.

ટીમ ઈન્ડિયા માટે બંને હાફ સારા રહ્યા. ભારત માટે શમશેરે 57મી મિનિટે પેનલ્ટી કોર્નર દ્વારા 3-2ની લીડ મેળવી હતી. આ પછી ઓસ્ટ્રેલિયાએ રમતમાં વાપસી કરી અને બીજો ગોલ કર્યો. નાથને 59મી મિનિટે ટીમ માટે ગોલ કર્યો હતો અને બંને ટીમો 3-3ની બરાબરી પર પહોંચી હતી. આની માત્ર એક મિનિટ બાદ આકાશદીપ સિંહે ભારત માટે ગોલ કર્યો હતો. ભારતને 60મી મિનિટે ગોલ મળ્યો અને તેને અંત સુધી જાળવી રાખ્યો. આ રીતે ભારતે 4-3થી જીત મેળવી હતી.

ભારતને પ્રથમ બે મેચમાં હારનો સામનો કરવો પડ્યો હતો. પરંતુ ટીમે ઓસ્ટ્રેલિયાને જોરદાર ટક્કર આપી હતી. ઓસ્ટ્રેલિયાએ શ્રેણીની પ્રથમ મેચમાં 5-4થી જીત મેળવી હતી. આ પછી તેણે બીજી મેચમાં 7-4થી જીત મેળવી હતી. હવે ભારતે શ્રેણીમાં વાપસી કરી અને મેચ 4-3થી જીતી લીધી. હવે શ્રેણીની ચોથી મેચ 3 ડિસેમ્બરે અને પાંચમી મેચ 4 ડિસેમ્બરે રમાશે.