IPL 2018 : બુમરાહની એક જ ઓવરમાં ત્રણ સિક્સ ફટકારી બ્રાવોએ બનાવ્યો અનોખો રેકોર્ડ, જાણો વિગત

166 રનના ટાર્ગેટનો પીછો કરતાં ચેન્નઇએ 118 રન પર 8 વિકેટ ગુમાવી દીધી હતી. આ વખતે મુંબઈની ટીમ સરળતાથી મેચ જીતી જશે તેમ લાગતું હતું. પરંતુ બ્રાવોએ વિસ્ફોટક બેટિંગ કરીને મુંબઈ ઈન્ડિયન પાસેથી જીત છીનવી લીધી.

મેચમાં બુમરાહની એક જ ઓવરમાં બ્રાવાએ ત્રણ સિક્સ ફટકારીને એક રેકોર્ડ તેના નામે કરી લીધો. બુમરાહની ટી-20 કરિયરમાં એક જ ઓવરમાં ત્રણ છગ્ગા મારનારો બ્રાવો પ્રથમ બેટ્સમેન બની ગયો હતો.

મુંબઈ: મુંબઈ ઈન્ડિયન્સના ફાસ્ટ બોલર જસપ્રીત બુમરાહની ગણના વર્લ્ડના શ્રેષ્ઠ ડેથ ઓવરના નિષ્ણાત બોલર તરીકે થાય છે. બુમરાહે ન માત્ર મુંબઈ ઈન્ડિયન્સ પરંતુ ભારતીય ટીમને પણ અનેક વખત મુશ્કેલ પરિસ્થિતિમાં જીત અપાવી છે.

ચેન્નઈ સામે આઈપીએલ-11ની પ્રથમ મેચમાં જોકે બુમરાહ તેની પ્રતિષ્ઠા પ્રમાણેનો દેખાવ કરી શક્યો નહોતો. ચેન્નઇએ ટોસ જીતી મુંબઇને પ્રથમ બેટિંગ માટે આમંત્રણ આપ્યું. મુંબઈ 20 ઓવરમાં 4 વિકેટના નુકસાન પર 165 રન બનાવી શક્યું હતું.

ચેન્નઈ સામે આઈપીએલ-11ની પ્રથમ મેચમાં બુમરાહ શ્રેષ્ઠ ડેથ ઓવરના નિષ્ણાત બોલર તરીકેની પ્રતિષ્ઠા પ્રમાણેનો દેખાવ કરી શક્યો નહોતો.

મેચ બાદ ઇન્ટરવ્યૂ આપતો બ્રાવો.