SRH vs LSG: લખનઉએ હૈદરાબાદને સાત વિકેટથી હરાવ્યું, પ્રેરક અને પૂરનનું દમદાર પ્રદર્શન
હૈદરાબાદની ટીમ પોઈન્ટ ટેબલમાં 9મા સ્થાને છે. તેણે અત્યાર સુધી 10 મેચ રમી છે
Background
Sunrisers Hyderabad vs Lucknow Super Giants, IPL 2023 Live: ઇન્ડિયન પ્રિમિયર લીગ 2023 ની 58મી મેચ સનરાઇઝર્સ હૈદરાબાદ અને લખનઉ સુપર જાયન્ટ્સ વચ્ચે રમાશે. રાજીવ ગાંધી સ્ટેડિયમમાં રમાયેલી આ મેચમાં ટક્કર જોવા મળી શકે છે. હૈદરાબાદ અને લખનઉની ટીમો આ સીઝનમાં બીજી વખત આમને-સામને થશે. છેલ્લી મેચમાં હૈદરાબાદને 5 વિકેટથી હારનો સામનો કરવો પડ્યો હતો. લખનઉએ શાનદાર જીત નોંધાવી હતી. પરંતુ આ મેચમાં હૈદરાબાદના ખેલાડીઓ વિજય નોંધાવવાના ઈરાદા સાથે મેદાનમાં ઉતરશે.
હૈદરાબાદની ટીમ પોઈન્ટ ટેબલમાં 9મા સ્થાને છે. તેણે અત્યાર સુધી 10 મેચ રમી છે. આ દરમિયાન તેણે 4 જીત મેળવી છે. જ્યારે 6 મેચમાં હારનો સામનો કરવો પડ્યો છે. અદીન માર્કરામની કપ્તાનીવાળી હૈદરાબાદને છેલ્લી મેચમાં લખનઉએ હાર આપી હતી. પરંતુ આજની મેચમાં હૈદરાબાદના ખેલાડીઓ જોરદાર ટક્કર આપી શકે છે. આ મેચ માટે પ્લેઈંગ ઈલેવનમાં ફેરફાર થઈ શકે છે. અનમોપ્રીત સિંહને તક આપવામાં આવી શકે છે.
લખનઉએ હૈદરાબાદને હરાવ્યું
IPL 2023ની 58મી મેચમાં લખનઉ સુપર જાયન્ટ્સે સનરાઈઝર્સ હૈદરાબાદને સાત વિકેટે હરાવ્યું હતું. ટોસ જીતીને પ્રથમ બેટિંગ કરતા હૈદરાબાદે 20 ઓવરમાં છ વિકેટ ગુમાવીને 182 રન બનાવ્યા હતા. હેનરિક ક્લાસને 29 બોલમાં 47 રન અને અબ્દુલ સમદે 25 બોલમાં અણનમ 37 રન બનાવ્યા હતા. જવાબમાં લખનઉએ 19.2 ઓવરમાં ત્રણ વિકેટ ગુમાવીને લક્ષ્યાંક હાંસલ કરી લીધો હતો. યુવા ખેલાડી પ્રેરક માંકડે 45 બોલમાં 64 રનની અણનમ ઇનિંગ રમી હતી. નિકોલસ પૂરને 13 બોલમાં 44 રન બનાવ્યા હતા. માર્કસ સ્ટોઇનિસે 25 બોલમાં 40 રનની ઇનિંગ રમી હતી.
આ જીત સાથે લખનઉની ટીમ 12 મેચમાં છ જીત અને પાંચ હાર સાથે ચોથા સ્થાને પહોંચી ગઈ છે. તેના 13 પોઇન્ટ્સ છે. આ સાથે જ સનરાઈઝર્સ હૈદરાબાદના 11 મેચમાં આઠ પોઈન્ટ છે. આ ટીમ માટે પ્લેઓફનો માર્ગ અત્યંત મુશ્કેલ બની ગયો છે. તેણે અન્ય ટીમોના પરિણામો પર નિર્ભર રહેવું પડશે. હૈદરાબાદે 11માંથી ચાર મેચ જીતી છે, જ્યારે સાતમાં હારનો સામનો કરવો પડ્યો છે. લખનઉની આગામી બે મેચ મુંબઈ સામે 16 મેના રોજ એકાના ખાતે અને કોલકાતા સામે 20 મેના રોજ ઈડન ગાર્ડન્સ ખાતે રમાશે. જ્યારે હૈદરાબાદ 15 મેના રોજ ગુજરાત ટાઇટન્સ સામે ટકરાશે.
લખનઉને 69 રનની જરૂર
15 ઓવર પછી લખનઉએ બે વિકેટ ગુમાવીને 114 રન બનાવ્યા છે. હાલમાં લખનઉને 30 બોલમાં 69 રનની જરૂર છે. માર્કસ સ્ટોઈનિસ 22 બોલમાં 28 રન બનાવીને ક્રિઝ પર છે. પ્રેરક માંકડે IPLમાં તેની ચોથી મેચમાં પ્રથમ અડધી સદી ફટકારી હતી. તેણે 35 બોલમાં પોતાની અડધી સદી પૂરી કરી હતી. અત્યાર સુધી બંને વચ્ચે 40 બોલમાં 60 રનની ભાગીદારી થઈ છે.
ટોપ સ્ટોરી
ટ્રેન્ડિંગ સમાચાર
